Paunak 1:22 - Tedim Bible Revision 2017

²² “Mihaite aw, bang tanvei hai omom nuam na hi uh hiam? Bang tanvei pilna thudon loin om ding na hi uh hiam? Pilna ngaihsutin nei ngei lo ding na hi uh hiam?

Tedim Bible

²² ”Mihaite aw, bangtanvei hai omom nuam lai na hi uh hiam? Bangtanvei pilna thudon loin om ding na hi uh hiam? Pilna ngaihsutin nei ngei lo ding na hi uh hiam?

Paunak 1:22 Referans Kwoze

Paunak 5:12

Tua ciangin, “Bang hangin thu thei hoh lo a, hong kihilhna mang hoh lo ka hi hiam?

Paunak 1:29

Note in pilna na deih kei uh a, Topa na zahtak nuam kei uh hi.

Late 1:1

Mi nuamsa i cihte pen migiloteʼ thu a zui lo mi, mimawhteʼ gamtat bangin a gamta lo mi, mi a thusim lote tawh a kipawl lo mi ahi hi.

Mangmuhna 22:17

Kha Siangtho le Mothak in Jesu kiangah, “Hong pai in,” a ci uh hi. Hih thu a za mi khempeuh in zong Jesu aw, “Hong pai in,” ci ta uh hen. A dangtak mi khempeuh hong pai uh henla, a deih khempeuh in nuntakna tui a khongin hong la ta uh hen.

2 PETER NIHNA 3:3

A masa penin na theih ding uh panin: Hun nunung lam ciangin amau pumpi deihna zui-in a gamta mi pawl khat hong om dinga, amaute in note hong zahpih bawlin,

Johan 3:20

A gamtat hoih lo mite in a siatna uh a kilat khak ding ut lo uh ahih manin khuavak deih lo uh a, khuavak ah pai nuam lo uh hi.

Luka 19:42

“Nopsak tawntung theih nading bang kisam hiam, ci-in tu ni-in thei lecin ut mahmah ing. Ahi zongin nang na theithei kei hi.

Mattiu 9:13

Lai Siangtho sungah, ‘Ganhing tawh biak ding ka deih kei a, migitna ka deih zaw hi,’ ci-in a genna pen bang a cihnopna ahi hiam, va kan un. Mite in a zahtak mihoihte a sam dingin a hong pai ka hi kei a, mite in a pampaih mite a sam dingin a hong pai ka hi hi,” a ci hi.

Paunak 21:11

Mi kiphasakte gim a kipiak ciangin mi mawkmawkte in pil lawh uh a, mipilte a kihilh ciangin thu theihna-in nei uh hi.

Mattiu 23:37

“Jerusalem, Jerusalem aw, kamsangte na that a, Pasianʼ sawl kamtaite na deng lum hi. Akpi in a kha tawh a note a huai mah bangin na mite ka huai nuam tawntung a, ahi zongin na ut kei hi.

Mattiu 17:17

Jesu in, “Upna nei lo, a ngaihsun khial mite aw, note bang tanvei hong ompih dinga, bang tanvei hong kikholh pih ding ka hi hiam? A naupang hong paipih un,” a ci hi.

Paunak 19:29

Mi a thusim lote in ciangduai thuak uh a, mihaite in satna thuak uh hi.

Paunak 15:12

A kihisak mite in kithuhilhna ngai nuam lo uh a, mipilte kiangah thu dong ngei lo uh hi.

Paunak 14:6

Mi a simmawh theite in pilna a zon uh hangin ngah zo lo uh a, thungaihsun theite in olno takin ngah thei uh hi.

Paunak 8:5

Ngaihsut kicing nai lote aw, na lungsim uh khanghamsak un. Mihaite aw, thu ngaihsun un.

Paunak 7:7

bangmah a phawk nai lo tangval hon khat lakah, tangval thu thei lo khat, ka lim muh kha hi.

Paunak 6:9

Thadahpa aw, bang tanvei lumlum dinga, cik ciangin tho khia ding na hi hiam?

Paunak 3:34

Amah in mi kihisakte bangmahin sim lo a, a kiniamkhiatte tungah maipha a pia hi.

Paunak 1:7

Topa zahtakna in pilna kipatna hi a, mihaite in pilna le thuhilhna don lo uh hi.

Paunak 1:4

Thu thei nai lote in a theih nading, khangnote in pilna le thu ngaihsut theihna a ngah nading.

Late 94:8

Thei tel un, mi lungsimmawl pente aw! Lung pil lote aw, cik ciangin pil ding na hi uh hiam?

JOB (Job) 34:7

“Hih Job tawh a kibang mi na mu ngei uh hiam? Amah in Pasian zahtakna lim bangmah nei het lo hi.

Gamlak-vakna 14:27

“Hih a gilo mihonte in bang tanvei kei hong phunsan ding uh ahi hiam? Israel mite in kei hong phunsanna ka za khin hi.

Paikhiatna 16:28

Topa in Moses kiangah, “Ka thupiakte le ka thute zuih ding bang tanvei nial ding na hi uh hiam?

Paikhiatna 10:3

Tua ahih ciangin Faroʼ kiangah Moses le Aaron pai-in ama kiangah, “Hebru miteʼ Pasian, Topa in hih bangin ci hi: ‘Ka mai ah nang na kiniamkhiat nading bang tanvei nial ding na hi hiam? Amaute in keimah hong biak theih nadingin ka mite paisak in.

Paunak 1:21

Khuapi kulh kongpi tual le mi a kikhopna mun khempeuh ah nakpi takin hong awng khia a,

Paunak 1:32

Bang hang hiam cih leh thu thei lote in pilna a don loh manun sih lawh uh a, mihaite in lunghihmawhna a neih loh manun siatlawh uh hi.

Paunak 21:24

Mi kihisak i cihte pen kiliansakin a kiphasak mite ahi hi.

Paunak 22:3

Mipilte in a lauhuai thu mu thei-in pelh uh a, mi mawkmawkte in phusuakin thuak uh hi.

Jeremiah 4:14

Jerusalem khua aw, nang hong kihotkhiat nadingin na lungsim sung panin gitlohna sawp khia in. Na sungah gitlohna lungsim bang tanvei kemcip ding na hi hiam?

Jeremiah 13:27

Na kihhuainate, na angkawmna, na hukna le gamlak mual tungah numei paktat bangin milim pasian peuh na biak kawikawinate ka mu zo hi. Jerusalem aw, gimna ngah ta in. Na siantho nadingin bang tanvei sawt ding ahi hiam, a ci hi.