Paunak 1:16 - Tedim Bible Revision 2017

¹⁶ Amaute a sia-in gamta nuam vanvan uh a, mi thah ding lamsang haksa sa het lo uh hi.

Tedim Bible

¹⁶ Amaute a sia-in gamta nuam vanvan uh a, mi thah ding haksa sa lo uh hi.

Paunak 1:16 Referans Kwoze

Isaiah 59:7

Siatna bekbek na geelgeel uh a, na sepkhiat ding uh na ngaklah mahmah uh hi. Mawhnei lo mite thah ding haksa na sa kei uh hi. Na paina khempeuh uh ah siatna vive om kawikawi hi.

Paunak 6:18

thusia bawl ding ngaihsutna, gamtat siat ding a manlangte,

Paunak 4:16

Migilote in a sia khatpeuh a sep mateng uh lum thei lo uh a, mi khatpeuh a suk zawh mateng uh ihmu thei lo uh hi.

ROM (Romans) 3:5

Pasian a manin gamta ahihna eiteʼ gamtat khialhna in kilangsak semsem ahih ciangin eite in bang gen ding nei nawn ihi hiam? Pasian in eite gim a hong piak ciangin a thuman lo ahi hiam? (Hih bangin thu ka gen ciangin leitung mihingteʼ kammal zat ngeite a zang ka hi hi.)

1 SAMUEL MASA 19:10

Saul in a teipi-in kawm tawh David khawhcip dingin khawh a, ahih hangin amah in na pelh a, kawm tungah a teipi kiphut hi. Tua ciangin David tai-in a suakta hi.

Paunak 1:17

I mat nop vasateʼ muhtangpi-in, i siahna ngenthang zaak leeng a mawkna ahi hi.

Paunak 6:17

kihihsakna, zuau thu genna, mawhnei lo mi thahna,

Paunak 12:6

Migiloteʼ thugente mi thahnopna bekbek hi a, midikteʼ thugente in lauhuaina sunga om mite a hon khia hi.

Piancilna 37:20

Tu-in hong pai un. Amah thatin dum sung khat ah lawn ni. Tua ciangin gamsa khat in amah ne tum khin hi, i ci ding hi. A mangte bang a suak hiam i mu ding hi,” a kici uh hi.