Paikhiatna 1:12 - Tedim Bible Revision 2017

¹² Ahih hangin amaute a kinenniam ciangin amaute tampi pha zaw-in kizelthang zaw uh hi. Egypt mite in Israel mite kihta uh hi.

Tedim Bible

¹² Ahih hangin amaute a kinenniam ciangin amaute tampi pha zaw-in kizelhthang zaw uh hi. Izipt mite in Israel mite kihta uh hi.

Paikhiatna 1:12 Referans Kwoze

Late 105:24

Topa in ama mite pungsak mahmah a, a galte sangin amaute hatsak zaw hi.

Paikhiatna 1:9

Amah in a mipihte kiangah, “En un, Israel mite eite adingin tam lua-in thahat lua uh hi.

ROM (Romans) 8:28

Ama deihna bang a sem dingin Pasian in a hong sap, amah a it eite adingin piangsak hi, ci-in i thei hi.

Johan 12:19

Tua ciangin Farisi mite khatlekhat kiho uh a, “Bangmah i cih zo het kei hi. En un, mi khempeuh in amah a zui khinta uh ahi hi,” a kici uh hi.

JOB (Job) 5:2

Mihai pa in a hehna sih lawh a, muhdahna in sihna piangsak hi.

Paunak 27:4

Hehna le sinsona siahuai a, ahi zongin hazatna siahuai zaw lai hi.

Paunak 21:30

Mihingteʼ pilna, a thutheihna le a thugente khempeuh, Topaʼ deihna tawh a kituah kei leh a kimanna om lo hi.

Paikhiatna 1:7

Ahih hangin Israelʼ suanlekhakte pungin nakpi takin khang uh hi. Amaute tampi pha-in nakpi takin khang uh ahih manin Egypt gamah dim uh hi.

Paikhiatna 1:20

Tua ahih ciangin Pasian in naudomte limbawl hi. Mite khangin pawl cing semsem uh hi.

Piancilna 46:3

Tua ciangin amah in, “Kei pen na paʼ Pasian ahi, Pasian ka hi hi. Egypt ah pai suk ding lau kei in. Bang hang hiam cih leh minam lian khatin tua lai ah nang kong bawl ding hi.

Gamlak-vakna 22:3

Amaute tam mahmah uh ahih manin Moab mite in tua mite kihta uh a, Israel mite kihtakna hangin Moab mite liing gawp uh hi.

Thu-hilhkikna 26:5

“Topa noteʼ Pasian mai ah note in, ‘A vak kawikawi koteʼ pupi pen Aram mi hi a, amah Egypt ah pai sukin tua munah a peem lai-in mi tawmno ahi hi. Tua lai ah amah a lian, a thahat, tampi a pha minam khat a suak hi.

Nehemiah 9:23

Nangmah in amauʼ suanlekhakte van a aksi zahin sim zawh lohin na tamsak a, a pu a pate un a luah dingin na piak dingin na ciam sa gamah amaute na paipih hi.

Late 107:38

Ama thupha piakna hangin ante nakpi takin pung a, amauʼ bawngte zong kiamsak lo hi.