Obadiah 1:5 - Tedim Bible Revision 2017

⁵ Zanin na kiangah gutate le misuamte hong pai-in supna tampi na thuak hangin a deih teng bek uh hong guksak ding hi lo ahi hiam? Leenggah late in lo lai ah a sangte nusia laitei hi lo ahi uh hiam?

Tedim Bible

⁵ Zan-in na kiangah gutate leh misuamte a hong pai a, supna tampi na thuak hangin; a deih teng bek hong guksak ding hilo ahi hiam? Lenggah late na kiangah a hong pai leh a sanghte nusia lai teei uh hilo ahi hiam?

Obadiah 1:5 Referans Kwoze

Jeremiah 49:9

Mite in leenggah a lawh uh ciangin a gui tungah tawm a nusia lai uh hi. Zanin gutate in na a guk uh ciangin a deih teng bek uh a gu uh hi.

Thu-hilhkikna 24:21

Na leenggui lo panun leenggah na kaihkhop uh ciangin a sang na nung khopkik kei ding uh hi. Tuate pen peemta, pa nei lo le meigong numeite ading ahi hi.

Isaiah 17:6

Oliv kung a kisin khit ciangin a hiang sang pen dawnah pum nih pum thum singkung hiang dawnah pum li pum nga a om lai tawh kibang lel ding hi, Israel-teʼ Topa Pasian in ci hi.

Zefaniah 2:15

A vangliatna a kisaktheih pih, lungmuang takin a om khuapi, tu-a bangin piang ding hi. Leitungah amauʼ khuapi a lian penin ngaihsun uh hi. Tua hi napi-in gamlak suakin, gamsateʼ omna suakta hi. A mu mi khempeuh in lamdang sa-in kigaih ding uh hi.

Micah 7:1

Kei a kamsia hiʼng! Singgah le leenggah a heu hun laitakin a gilkial mipa tawh ka kibang hi. Leenggah nek ding om nawn lo a, ka lung gulhgulh theigah bei ta hi.

Kah la 1:1

Khat vei lai-in mi a dimtakin a teenna Jerusalem khuapi bangzah takin gamdai ahi hiam? Leitung bup in a zahtak khuapi tu-in meigong tawh a kibang ta hi. Leitung a om khuapi khempeuhteʼ lak panin a thupi pen khuapi tu-in salin a kiman khinzo hi.

Jeremiah 50:23

Leitung khempeuh sekpi bangin a satkham Babylon khuapi, tu-in tua sekpi kitanin kitam ta hi. Gamdangteʼ lakah tu-in Babylon khuapi a mulkimhuai a suakta hi.

Isaiah 24:13

Hih bangmahin leitungah a om mi khempeuh tungah a hong tung ding ahi hi. Oliv kung a kisin khit ciang, leenggah kilo khinin a sangte a kikaihkhop khit ciangin a kinusia lo hawmte tawh kibang ding hi.

Isaiah 14:12

“Nang Khuavakʼ ta, Zingsol, Babylon kumpipa aw, vantung panin nang bangci kiat na hi hiam? Minamte a niamkoih pa ahi nangmah leilak dongah hong bangci kiphuk pai ahi hiam?

2 SAMUEL NIHNA 1:19

“Israel aw, na minthanna, na mual sangte tungah kithat! A vanglian pa bangci-in tuk!

Mangmuhna 18:10

Ama thuakna kihta-in a gamlapi ah om ding uh a, “Hih a vanglian Babylon khuapi in a thuakna, bangzah takin lauhuai-in, bangzah takin nasia! Nai khat sung bekin hih zah gimna thuak!” ci ding uh hi.

Jeremiah 6:9

Vanglian Topa in kei hong hopih a, “Leenggah lo ah a sangte a kilawh khit bangin Israel mi a om lai sunteng lo siang vet in,” hong ci hi.

Obadiah 1:9

Teman khua aw, Esauʼ gamah mi khempeuh a kithahlup khit nadingin na galhangte a meidawi ding uh hi.