Obadiah 1:3 - Tedim Bible Revision 2017

³ Na lungsim kiphatsakna un note a hong khem zo hi. Note in suang kulhpi beelin mual dawnah na ten manun, “Kua in eite hong puksak zo ding ahi hiam?” ci-in na ngaihsun uh hi.

Tedim Bible

³ Na lungsim kiphatsakna un note a hong khem zo hi. Note in suang kulhpi beelin, mual dawnah na teen manun, “kua in a hong kiasak zo ding hiam?” ci-in na ngaihsun uh hi.

Obadiah 1:3 Referans Kwoze

Jeremiah 49:16

Na kisaktheihna in nang hong khem a, na ngaihsut bangin mite in nang hong kihta lo hi. Suangkeen dawnah na teeng a, mual sang tungah na teeng hi. Muvanlai bu zahin sangpi-in na ten hangin tua lai mun panin kong la khia suk veve ding hi, Topa in kong ci hi.

Paunak 29:23

A kiphasakte in niamkhiatna thuak dinga, a kiniamkhiatte in pahtawina ngah ding hi.

Isaiah 16:6

Tua ciangin Judah mite in, “Moabʼ kiphatsakna thu i za khinta hi. Amah kiphasak mahmah hi. A kiliatsakna, a kiphatsakna, a kihihsakna, ama kisialhnate khempeuh a mawkna ahi hi,” a ci uh hi.

2 KUMPI NIHNATE 14:7

Amah in Edom mite tul sawm Ci Kuam ah thatin Sela khua simin la a, a min dingin Joktheel phuak a, tu ni dongin tua min kipsuak hi.

Malakhi 1:4

Esauʼ suanlekhak Edom mite in, “I khuapite a kisiat khit hangin i lamkik ding hi,” ci le-uh, Topa in, “A ut uh leh lam uh hen; ahi zongin ka susiakik veve ding hi. Midangte in, ‘Gam gilo, Topaʼ heh tawntungna minamte,’ ci-in ko ding uh hi,” ci-in a dawng ding hi.

Jeremiah 49:4

A citak lo mite aw, bang hangin na hatna uh kisaktheih pih na hi uh hiam? ‘Kua in eite hong sim zo ding ahi hiam?’ ci-in bang hangin na hauhna uh suang na hi uh hiam?

Paunak 18:12

A kiniamkhiatte in zahtakna ngah uh a, a kihisakte pen siat ding a manawh hi ta hi.

Paunak 16:18

Kisaktheihna in siatna hong tuaksak a, kiphatsakna in pukna hong piangsak hi.

2 KHANG TANGTHU NIHNATE 25:12

A dang tul sawm hing mat uh a, keen sang dawn khat ah amaute paipihin tua keen dawn panin amaute lawn suk uh a, amaute khempeuh them len hi.

2 KHANG TANGTHU NIHNATE 25:11

Ahih hangin Amaziah kihanthawnin a mite paikhiatpih a, Ci Kuam ah pai-in Seir gam mite mihing tul sawm a that hi.

JOB (Job) 20:6

Migilo pa lian mahmah in vantung a ban to zongin, lian mahmah in a lutang in meii lak a ban to zongin,

Jeremiah 21:13

Mualkuam zang pan kilaam to a, zanglei lak a suangtum bangin a sang to Jerusalem aw, Topa in kong cih in ah, na lang khat ah ka pang ding hi. Nangmah in, ‘Kua in kei hong sim suk dinga, ka omna ah kua hong lut ding ahi hiam?’ na ci hi.

Jeremiah 37:9

Topa in kong cih in ah, nang le nang kikhemin, “Babylon-te hong kilehkik nawn lo taktak ding uh hi,” ci kha kei in. Bang hang hiam cih leh amaute hong kilehkik ding uh hi.

Jeremiah 48:28

Moab gam a teeng mite aw, khuapite nusia unla, kawl lakah teeng un! Keen pangah vakhu bu bawl bangin va om un.

Piancilna 36:8

Tua ahih ciangin Seir mual tung gamah Esau teeng hi. Esauʼ min dang khat pen Edom ahi hi.

Ezekiel 28:16

Na sum bawl luatna hangin mi ngongtat na suak a, mawhna sungah na tung kha hi. Tua ahih manin ka mual siangtho panin nang ka hong hawl khia a, a tee zaizai suang manphate lak panin nang a hong cing kherub-te in a hong hawl khia uh hi.