Obadiah 1:18 - Tedim Bible Revision 2017

¹⁸ Tua ciangin Jakob innkuante mei bang ding uh a, Josef innkuante meikuang bang ding uh hi. Esau innkuante nin pa bang hi ding uh a, amaute in a hal ding uh hi. Amaute kaang tum khin ding uh a, Esau innkuante khat zong a suakta kei ding hi. Bang hang hiam cih leh Topa in a gen zo hi.

Tedim Bible

¹⁸ Tua ciangin Jakob innkuante mei ahi ding uh a, Josef innkuante meikuang ahi ding uh hi. Esau innkuante niinpa ahi ding uh a, amaute in a hal ding uh hi. A kangtum khin ding uh a, Esau innkuante khat beek a suakta kei ding uh hi. Bang hang hiam cih leh Topa in a gen zo hi.

Obadiah 1:18 Referans Kwoze

Zekhariah 12:6

“Tua ni ciangin Judah minamte, tulak kaang le buhphual kaang ka bangsak dinga, a kiim a om minam dangte khempeuh a susia ding uh hi. Ahi zongin Jerusalem mite, a khuapi sungah lungmuangin a om hithiat ding uh hi.

Isaiah 10:17

Israel-teʼ khuavak pen mei suakin, Israel-teʼ Siangtho Pa pen meikuang suak ding hi. Ni khat sungin ama lingkungte le lingte kaangin beitum ding hi.

Micah 5:8

A om lai Israel mite pen minam dangteʼ lakah, gamlak ah sa a beng, tuute a tuah ciangin manin balnen gawp a, a kam sung pan a hon khia zo a om lo, humpinelkai a bang ding uh hi.

Ezekiel 37:19

amaute kiangah, Topa Pasian in hih bangin ci hi: Israel ciangkhut la-in Judah ciangkhut tawh ka koih khawm ding hi. Tua ciangkhut nihte ciangkhut khatin ka bawl dinga, ka khut sungah ka tawi ding hi, ci hi, ci-in gen in.

Isaiah 5:24

Tua ahih ciangin mei in buhkung keute kaang tum a, meikuang sungah lopa keute a kattum bangin amauteʼ zung pen muat gawp dinga, amauteʼ pakpalhte leivui bangin vanah leeng to ding hi. Bang hang hiam cih leh amaute in Vanglian Topa’ thu nialin Israel-teʼ Siangtho Paʼ thu a simmawh uh hi.

1 KORIN MASA 3:12

Ahi zongin tua khuam tungah kham, ngun, suangmanpha, sing, bi, lopa, a nam tuamtuam kilam thei hi.

Nahum 1:10

Amaute, ling lom bangin om uh a, zu le sa tawh kidiahin a om laitakun ham bangin kihal tum ding hi.

Obadiah 1:16

Bang hang hiam cih leh ka mual siangtho tungah na thuak mah bangun, na kiim na pam a om minamte khempeuh in zong ka gimpiakna a thuak ding uh hi. Thuak tawntung ding uh a, maimang ding uh hi.

Amos 6:6

Leenggahzu hai lian pipi-in na dawn uh a, sathau hoih pente tawh na kizut uh hi. Ahi zongin Josef minamteʼ siatna hangin them khat zong na dah het kei uh hi.

Amos 5:15

Thusia mudahin thupha deih unla, thukhen zumah a manin thu khen un. Tua hileh Josef minam a suakta sunte tungah Topa, Vanglian Pasian hong thunuam kha thei ding hi.

Joel 2:5

Mual tung tengah a tuan zuazua laitakun sakol leeng ging zuazuate le gamlak a lopa omte kaangin a puak ziazua tawh kibang uh a, galsim dingin a kithawi, galkap honpi tawh kibang uh hi.

Ezekiel 37:16

“Mihing ahi Ezekiel aw, sing ciangkhut khat la inla a tungah, ‘Judah kumpi gam,’ ci-in gelh in. Tua ciangin a dang khat la leuleu inla a tungah, ‘Israel kumpi gam,’ ci-in gelh leuleu in.

Isaiah 47:14

En in, amaute pen buhkung tawh kibang uh a, mei in amaute kaang tum hi. Meikuangʼ vangliatna panin amau le amau kihon tawm thei lo uh hi. Hih pen khua lumna ding mei-am hi lo a, awi ding mei zong hi lo hi.

Isaiah 31:9

Amauʼ belh a kumpipa uh a launa hangin tai dinga, buaina hangin a uliante in a dialkhai uh taisan ding uh hi,” ama meikuang Zion ah a om, ama meikhuk Jerusalem khua ah a om Topa in ci hi.

2 SAMUEL NIHNA 19:20

Bang hang hiam cih leh ka khialh khitna na nasem pa in ka thei hi. Tua ahih ciangin, en in, ka to kumpipa a dawn dingin a hong pai suk dingin Josef minam khempeuh sung panin a masa penin tu ni-in kong tung hi,” a ci hi.

Isaiah 9:18

Bang hang hiam cih leh gitlohna mei bangin kuang a, lingkungte le lingte kaang tumsak hi. Gamlak lopa phate kuangsak a, meikhu lomtangin van lamah kizial to uh hi.

Isaiah 9:19

Vanglian Topa’ hehna hangin meikuang bangin gam sung kaang a, mite pen mei a kicih sing tawh kibang uh hi. Kuamah in a sanggampa nangawn zah tuan lo hi.

Jeremiah 11:23

Anathoth khua mite tungah siatna tungsakin gim ka piak hun ciangin a suakta kuamah a om nawn kei ding uh hi,” a ci hi.

Amos 1:8

Ashdod khuapi ah a teeng mite ka la khia dinga, Ashkelon khuapi ukte ka beisak ding hi. Ekron khuapi ka su gawp dinga, Filistia mi a omlaite si ding uh hi.

Malakhi 4:1

Vanglian Topa in hih bangin ci hi: “En un, mi kiphasak khempeuh le migilo khempeuh, a zung a hiang cih om loin buhtu bangin a kattum ding hun hong tung ding hi. Tua ni ciangin khat zong suakta loin a vekpi-in kaang tum khin ding uh hi.

Paikhiatna 5:12

Tua ahih ciangin a buhtu dingun buhkung a kaikhawm dingin Egypt gam khempeuh ah mite kikhenthang uh hi.