Obadiah 1:15 - Tedim Bible Revision 2017

¹⁵ Bang hang hiam cih leh minamkimte tungah ka thukhenna ding ni a nai zo hi. Nang bawl bangin nangma tungah hong kibawl ding hi. Na hih bangin na lu buk ah hong tukik ding hi.

Tedim Bible

¹⁵ Bang hang hiam cih leh minam kimte tunga ka thukhen nading ni a nai zo hi. Na bawl bangin nangma tungah a hong kibawl ding hi. Na hih bangin na lu bukah a hong tu kik ding hi.

Obadiah 1:15 Referans Kwoze

Habakkuk 2:8

Note in minam dang tampiteʼ na na sut uh a, tu-in a om lai mite in noteʼ na hong sut ding uh hi. Bang hang hiam cih leh note in mi thatin, khuapite le a sunga teeng mite na bawlsia uh hi.

Jeim 2:13

Bang hang hiam cih leh hehpihna lungsim a nei lote tungah Pasian in thu a khen ciangin hehpih lo dinga, hehpihna lungsim a neite tungah Pasian in thu a khen ciangin a hehpihna in zo zaw ding hi.

Mattiu 7:2

Bang hang hiam cih leh midangteʼ thu na khen zia uh tawh kizui-in note tungah hong khen dinga, midangte tungah na zat uh ngeina mah note tungah hong zang ding hi.

Ezekiel 30:3

Minamteʼ siat nading hun Topaʼ ni hong nai ta hi.

Micah 5:15

Keima thu a hong mang lo minamte tungah hehna tawh phu ka la ding hi.

Jeremiah 50:29

“Babylon khua a sim dingin thalkap siam, thaltawi theite va sam un. Khuapi umcih unla, kuamah suaktasak kei un. Ama hihna tawh kituakin ama tungah hih un. Ama hih ngei bangmahin ama tungah bawl un. Bang hang hiam cih leh amah kisathei-in Topa ahi, Israel miteʼ Siangtho Pa a simmawh hi.

Late 137:8

Mi susia Babylon aw, koteʼ tungah nong bawl bangin nang tungah hong thuk pa in lungdamna ngah tahen!

Joel 1:15

Kalai! A hun hong nai ta! Topaʼ ni hong nai ta a, Vanglian paʼ suksiatna hun hong nai ta hi.

Ezekiel 35:15

keima mi Israel-te a siat gawp manin na lungdamna zah tawh kizui-in nangma tungah kong bawl ding hi. Seir Mual tung gam ahi Edom leitang khempeuh, gamkhing suak ding hi. Tua ciangin Topa ka hihna thu mi khempeuh in hong thei ding uh hi,” hong ci hi.

Jeremiah 49:12

“Bang hang hiam cih leh Topa in kong cih in ah: Gim a thuak dingin a kilawm lo mite nangawn in thuak veve uh ahihleh note in zong thuak loin om ding na hi uh hiam? Note in gim thuak loin na om kei ding uh a, na thuak veve ding uh hi.

Thukhente 1:7

Tua ciangin Adonibezek in, “A khutpi le a khepi a ki-attan kumpi sawm sagihte in ka sabuai nuai ah an nengkia tawm ngei uh hi. Ka gamtatna sa bangin Pasian in kei hong thuk hi,” a ci hi. Tua ciangin amaute in Jerusalem ah amah paipih uh a, tua munah amah a si hi.

JOB (Job) 24:1

“Pasian in bang hangin a thukhen ni ding seh lo a, ama nasemte thutang ahihna a lah ni ding seh lo ahi hiam?

Jeremiah 51:56

Babylon khua a susia ding mi khat hong pai khinzo hi. A galkapte uh kiman khin a, a thalte uh a tum a tel suak khin hi. Bang hang hiam cih leh Topa, a thukkik thei Pasian hi a, a thukkik taktak ding hi.

Ezekiel 35:11

Tua ahih manin kei pen a nungta Topa Pasian ka hih takpi mah bangin, hih ka minam nihte tungah na heh gamtatna, na muhdah bawlna le na hazat bawlna tawh kizui-in nangma tungah kong thukkik ding hi. Amaute tungah na gamtatna sa hangin gim hong pia ka hihna thu amaute in thei ding uh hi.

Joel 2:1

Zion mual tungah peengkul tum unla, Pasianʼ mual siangtho tungah pataukohna tum un. Topa ni hong nai ta ahih manin gam sung mi khempeuh lau ta uh hen.

Joel 2:11

Ama mihonpite tam mahmah uh ahih manin amaute thu pia-in a mai uh ah Topa awng a, ama thupiakna bangin a semte hat mahmah uh hi. Topaʼ ni ding kihtakhuai mahmah ahih manin a thuak zo ding kua om ding ahi hiam?

Amos 5:18

Topaʼ ni hong tun ding a ngaklah note adingin bangzah takin lauhuai ding ahi hiam? Note adingin tua ni a hoihna hong om ding ahi hiam? Tua ni pen lungzin ni hi a, lungtaii ni hi lo hi.

Amos 5:20

Topaʼ ni pen khuavak ni hi loin khuamial ni hi a, maitaina a om lo lungzin ni ahi hi.

Esther 9:25

Ahih hangin kumpipa in hih thu a theih ciangin, Jew mite suk nadingin Haman in a geel sa thu hoih lo pen Hamanʼ lu tung mah a leh tuk nading le amah le a tapate khuam tungah a kikhai nading lai-in gelhin thu a pia hi.

Paunak 5:22

Migilo paʼ mawhna thangzak bang hi a, ama mawhna thang sung mahah amah a awk hi.

Jeremiah 12:14

Ka mi Israel-teʼ luah dingin ka piak gamh a susia nuam a gilo a veengte tawh kisai-in Topa in ka cih in ah, “En un, a gam uh panin amaute ka bot khia dinga, amauʼ khut sung panin Judah mite ka suaktasak ding hi.