Obadiah 1:11 - Tedim Bible Revision 2017

¹¹ Namdangte in a neihsa teng a puakkhiat ni-in gamdang mite a kongpi sungah a lut ni-in, Jerusalem-a vante hawmna ding ai a san ni-in, nangmah in gal et bek na hih manin nang zong a thukimpih na hi hi.

Tedim Bible

¹¹ Lang khata na gaaldin’ ni-in, Namdangte in a neihsa teng a puak khiat ni-in; gamdang mite a kongpi sungah lut-a Jerusalem ading ai a san’ ni-in, nang zong a thukimpih na hi hi.

Obadiah 1:11 Referans Kwoze

Late 137:7

Topa aw, Jerusalem a siat hun lai-in Edom mite in, “Sumai un, sumai un! A bulpi dongin sumai un!” a cih vialna uh phawk in.

Nahum 3:10

Tua bang hi napi-in, Thebes khua mite kipua khia-in sal a suak uh hi. Kong lak mun citeng ah a tate uh kisatlum hi. A mi liante, sikkol kibulhin kipua khia a, amau a man a galte un amaute a hawm uh hi.

Joel 3:3

A galmatte uh kua in ngah ding, ci-in ai san uh a, zu le numei lei nadingin numeino le naupangnote sila-in a zuak uh hi.

Late 50:18

Guta khat mu le-uhcin ama lawm na hi pah uh a, a paktat mite tawh na kikhawl uh hi.

2 KUMPI NIHNATE 25:11

Tua ciangin a cingte a ukpa Nebuzaradan in khuapi sungah a kinusia a om lai mite le Babylon kumpipa a taisan mite, mihonpi a om lai teng khempeuh salin paipih khawm hi.

Late 83:5

Amaute in siat nading geelin kithukhat uh a, nangmah hong langpangin thuciamna a bawl uh hi.

Late 83:6

Edom mite le Ishmael mite, Moab le Hagri mite,

Ezekiel 35:10

“Kei pen Israel le Judah miteʼ Topa Pasian hi napi-in, hih minam nihte nangma aʼ in ngaihsunin a luah dingin na kigen hi.

Amos 1:6

Topa in hih bangin ci hi: Gaza khua mite thum vei a khialh khit, a li veina hangin pel loin amaute gim ka pia ding hi. Bang hang hiam cih leh amaute in minam bup khat sal dingin manin, Edom mite tungah ap uh hi.

Amos 1:9

Topa in hih bangin ci hi: Taia khua mite thum vei a khialh khit, a li veina hangin pel loin amaute gim ka pia ding hi. Bang hang hiam cih leh amaute in minam bup khat Edom mite tungah ap uh a, lawmta dinga a thuciamna uh zui lo uh hi.

Zefaniah 2:10

Amaute in Vanglian Topaʼ mite simmawhin kihisak uh ahih manin, a kiphatsakna hangun Moab mite le Ammon mite in hih bangin gim thuak ding uh hi.