Obadiah 1:1 - Tedim Bible Revision 2017

¹ Obadiahʼ gen kholhna: Edom gam tawh kisai-in Topa Pasian in hih bangin gen hi: Minamte lakah kamtai khat kisawl zo a, “Kithawi un! Edom mite a sim gawp dingin kuan khia ni,” a cihna thu ka za zo hi.

Tedim Bible

¹ Obadiah gen kholhna: Edom mite gam tawh kisai-in Topa Pasian in hih bangin a gen hi. Minamte lakah kamtai khat kisawl zo a, “Kithawi un! Edom mite do dingin kuankhia ni” a cihna thu ka za zo hi.

Obadiah 1:1 Referans Kwoze

Joel 3:19

“Amaute in Judah gam simin, mawhnei lo mite that uh ahih manin, Egypt gam, sehnel gam suakin, Edom gam, gam sia suak ding hi.

Isaiah 30:4

Bang hang hiam cih leh amauʼ uliante Zoan khua ah va tung uh a, amauʼ taangmite in Hanes khua a va phak uh hangin,

Isaiah 21:11

Edom gam tawh kisai thu hih bangin gen hi: Seir mual tung panin khat in kei hong sam a, “Galvil pa aw, tu zan bangci hiam? Galvil pa aw, tu zan bangci hiam?” hong ci hi.

Late 137:7

Topa aw, Jerusalem a siat hun lai-in Edom mite in, “Sumai un, sumai un! A bulpi dongin sumai un!” a cih vialna uh phawk in.

Marka 13:7

A gamla a gal kidona thute le a nai-a gal kidona huging na zak uh ciangin patau kei un. Tuate a piang ding mah hi a, hun beina ding hi nai lo hi.

Mattiu 24:6

A nai, a gamla ah gal kidona thu na za ding uh hi. Hihte a piang mah ding hi a, ahi zongin a bei nading hi nai lo ahih manin patau kei un.

Micah 2:13

Pasian in note ading lampi hong honsakin hong paikhiatpih ding hi. Salsuahna khuapi kulh panin pai khia-in na suakta ding uh hi. Kumpi ahi Topa mahmah in note hong makai ding hi.

Jeremiah 51:46

Gam sungah kamdawn a kigen sawnte hangin lungkia kei un; lau kei un. Kum khatin thu khat kigen a, a kum kik ciangin thudang khat kigen lel hi. Gam sungah ngongtatna thu om a, kumpi khat le kumpi khat kidona thu kigen thei hi.

Jeremiah 25:21

Edom, Moab le Ammon mite;

Jeremiah 25:17

Tua ahih manin kei zong Topaʼ khuttung panin tua hai ka la a, Topaʼ hong sawlna gamte khempeuh ka dawnsak hi.

Isaiah 21:12

Galvil pa keimah in, “Zing ni hong suak a, zan khua zong hong mial hi. Thukan nuam na hih leh hong paikik inla hong kan in,” ka ci hi.

Piancilna 25:30

Esau in Jakob kiangah, “Gil kialin phukhong vei ka hih manin tua na meh san tawm khat hong nesak in,” a ci hi. (Tua ahih manin ama min Edom kici hi.)

Piancilna 36:8

Tua ahih ciangin Seir mual tung gamah Esau teeng hi. Esauʼ min dang khat pen Edom ahi hi.

Piancilna 36:9

Hihte pen Seir mual tung gam a Edom miteʼ pupi Esauʼ suanlekhakte ahi hi.

Ezekiel 35:1

Topa in kei kiangah thu hong gen a,