Nehemiah 9:5 - Tedim Bible Revision 2017

⁵ Tua ciangin Levi mi Jeshua, Kadmiel, Bani, Hashabneiah, Sherebiah, Hodiah, Shebaniah le Pethahiah-te in, “Ding un, Topa na Pasian uh phat unla, ‘A tawntung pan a tawntung dongin a minthang na min in thupha ngah a, thupha khempeuh le phatna dang khempeuh sangin a sang zaw hi.

Tedim Bible

⁵ Tua ciangin Levi mi Jeshua, Kadmiel, Bani, Hashabneiah, Sherebiah, Hodiah, Shebaniah, leh Pathahiah-te in, “Ding un, Topa na Pasian uh phat un la, ‘A tawntung pan a tawntung dongin a minthang na min in thupha ngah a, thupha khempeuh leh phatna dang khempeuh sangin sangzaw hi.

Nehemiah 9:5 Referans Kwoze

1 PETER MASA 1:3

I Topa Jesu Khrisʼ Pa Pasian tungah lungdam ni. Ama hong hehpih mahmahna hangin sihna panin Jesu Khris a thawhkiksakna tawh eite tungah nuntakna thak a hong pia hi. Tua ahih manin i lametna kiam ngei lo a,

2 KORIN NIHNA 4:6

“Khuamial sung panin khuavak taang hen,” a ci Pasian mah in Jesuʼ maitang a taangsak Pasianʼ vangliatna thu theih nading khuavak ka ngah theih nadingun kote lungsim sungah khuavak hong taangsak hi.

Mattiu 11:25

Tua ciangin Jesu in, “Vantung le leitung Topa ahi ka Pa aw, mipilte le misiamte tungah na ip hih thute, bangmah a thei lo hih mite tungah lak na hih manin ka nuam hi.

Ezra 3:11

Tua ciangin amaute in Topa phatna le lungdamkohna a kidawngin sa uh a, “Topa hoih hi; bang hang hiam cih leh Israel-te hong itna kip tawntung hi,” a ci uh hi. Topaʼ biakinn bulpi kiphut khin ahih manin mi khempeuh in nakpi takin Topa phat uh hi.

1 KHANG TANGTHU MASATE 29:13

Tu-in nangma tungah ka nuam uh hi, koteʼ Pasian aw, a minthang na min ka phat uh hi.

Late 146:2

Ka hin lai teng Topa ka phat dinga, ka nuntak lai teng ka Pasianʼ tungah phatnate ka sa ding hi.

Late 145:5

Na liatna le na minthanna a lamdang nangma sepnate ka lung ngaingai ding hi.

Late 145:2

Nisimin hong pahtawi-in a tawntungin nangma min kong phatphat ding hi.

Late 134:1

Zan khuavakin Topaʼ inn sungah a ding, Topaʼ nasemte khempeuh aw, hong pai-in Topa phat un.

Late 106:2

Topaʼ nasepna lianpite kua in gen khia thei dinga, kua in a kicingin amah phat thei ding ahi hiam?

Late 16:2

Topa tungah, “Nang, ka Topa na hi hi; nang tawh loin hoihna ka nei kei hi,” ka ci hi.

2 KHANG TANGTHU NIHNATE 20:19

Tua ciangin Levi mite sung pan Kohath mite le Korah mite, awging pha mahmah tawh Israel Pasian, Topa a phat dingin a ding to uh hi.

2 KHANG TANGTHU NIHNATE 20:13

Tua laitakin Topaʼ mai ah Judah mi khempeuh a taneute, a zite le a naupangte uh tawh a ding uh hi.

1 KHANG TANGTHU MASATE 29:20

Tua ciangin David in a kikhawmte khempeuh tungah, “Topa na Pasian uh phat un,” a ci hi. Tua ciangin a kikhawmte khempeuh in a pute a pate uh Pasian Topa phatin a lu uh kun uh a, Topa bia-in kumpipa tungah zahtakna a bawl uh hi.

1 KHANG TANGTHU MASATE 29:11

Topa aw, liatna, vangliatna, minthanna, gualzawhna le min liatnate nangma aʼ ahi hi; bang hang hiam cih leh vantung le leitungah a om khempeuh zong nangma aʼ ahi hi. Topa aw, kumpi gam nangma aʼ hi a, tuate khempeuh tungah nang a lutangin hong kisangsak hi.

1 KUMPI MASATE 8:27

“Ahih hangin leitungah Pasian teeng taktak ding ahi hiam? Vantung le vantung a sang pen in nang hong huam zo lo hi. Tua ahih manin keima lam sa hih biakinn in bangzahin nang hong huam zo lo zaw kan ding ahi hiam?

1 KUMPI MASATE 8:22

Tua ciangin Israel a kikhawmte khempeuh a omna Topaʼ mai ah Solomon dinga, vantung lamah a khutte zak hi.

1 KUMPI MASATE 8:14

Tua ciangin Israel a kikhawmte a din laitakin kumpipa in en kawikawi-in Israel a kikhawmte khempeuh thupha a pia hi.

Thu-hilhkikna 28:58

“Hih a minthang, a zahtakhuai min, Topa na Pasian uh na kihtak theih nadingun hih laibu sunga kigelh hih thute limtakin zuih ding na ngaihsut kei uh leh,

Paikhiatna 15:11

“Topa aw, pasian-teʼ lakah kua, nang tawh kibang ahi hiam? Kua, nang tawh kibangin, sianthona ah lianin, minthang nasepna ah kihtakhuai-in, nalamdang sem ahi hiam?

Paikhiatna 15:6

“Topa aw, na taklam khut, thahatin minthang a, Topa aw, na taklam khut in galte a thehthang hi.

1 KUMPI MASATE 8:15

Tua ciangin amah in, “‘Egypt panin ka mi Israel-te ka paikhiatpih a kipanin keima min a om theih nadingin biakinn khat lam nading Israel minam khempeuh sungah khuapi khat zong ka teel kei hi. Ahih hangin ka mi Israel-te tungah a uk dingin David ka teel hi,’ ci-in ka pa David tungah a kam tawh a ciam sa a tungsak Israel Pasian, Topa in thupha ngah tahen.

Nehemiah 9:4

Levi miteʼ kahlei tungah Jeshua, Bani, Kadmiel, Shebaniah, Bunni, Sherebiah, Bani le Khenani ding uh a, Topa amauteʼ Pasianʼ tungah nakpi takin kiko uh hi.

Nehemiah 9:6

Nang bek Topa na hi hi. Nangmah in a sang pen vantung le van a om khempeuh, leitung le a tunga om khempeuh le tuipi le a sunga om khempeuh na bawl hi. Nangmah in tuate khempeuh na omsak a, vantung mihonpi in nang hong bia uh hi.

Thukhente 13:18

Topaʼ vantungmi in ama kiangah, “Hih thu a lamdang hi, ci-in thei napi-in bang hangin ka min hong dong na hi hiam?” a ci hi.

1 KHANG TANGTHU MASATE 16:36

Israel Pasian, Topa in thupha ngah tahen, a tawntung pan a tawntung dongin!” zong ci lai un, a ci hi. Tua ciangin mi khempeuh in, “Amen!” ci-in Topa a phat uh hi.

JOB (Job) 1:21

Tua ciangin amah in, “Ka nu sung panin guaktangin ka suak a, guaktang mahin ka ciahkik ding hi. Topa in hong pia a, Topa mah in hong lakik hi. Topaʼ min kiphat tahen,” a ci hi.

Late 66:2

Ama minthanna sa unla, ama tungah minthanna pia un.

Late 99:3

A lian a kihtakhuai ama min mi khempeuh in phat ta uh hen. Amah siangtho hi.

Daniel 2:20

“Pasianʼ min kiphat tawntung tahen; amah pilin a vanglian hi.