Nehemiah 9:32 - Tedim Bible Revision 2017

³² “‘Tua ahih ciangin tu-in a lian, a vanglian, a kihtakhuai, thuciamna kip takin a len koteʼ Pasian aw, Assiria kumpiteʼ hun a kipan tu ni dongin ka kumpite uh, ka uliante uh, ka siampite uh, ka sanggamte uh, ka pu ka pate uh le ko mi khempeuh tungah hong tung gimnate hong neu ngaihsutsak kei in.

Tedim Bible

³² “‘Tua ahih ciangin tu-in a lian, a vanglian, a kihtakhuai, itna tawh kipawl thuciamna kip takin a len kote’ Pasian aw, Assiria kumpite’ hun-a kipan tu ni dongin ka kumpite uh, ka uliante uh, ka siampite uh, ka kamsangte uh, ka pu ka pate uh leh ko mi khempeuh tungah hong tung gimnate hong neu ngaihsut sak kei in.

Nehemiah 9:32 Referans Kwoze

Nehemiah 1:5

Ka thungetna ah, “Aw vantung Pasian, Topa, nang hong itin na thupiakna a zuite tungah thuciamna limtakin a zui, a lian a kihtakhuai Pasian aw,

Thu-hilhkikna 7:9

Tua ahih ciangin Topa na Pasian uh amah bek ahi Pasian hi a, amah itin a thupiakna a zuite tungah khang tul khat dongin thuciamna le itna kip lenin a thuman Pasian,

Daniel 9:8

Ka kumpite uh, ko hong ukte le ka pu ka pate uh a zumhuai-in gamta uh a, a hong uk Topa nangma tungah hong khial khin uh hi.

Daniel 9:4

Topa ka Pasianʼ kiangah thu ngenin ka miteʼ mawhna ka pulak hi. Keimah in, “Topa Pasian aw, nang na lian a, ka hong zahtak uh hi. Nang na thuman a, na thuciamna le na thupiakna a mangte le a hong itte a tawntungin na it hi.

Daniel 9:6

Ka kumpite uh, ko hong ukte, ka pu ka pate uh le minam khempeuh tungah na min tawh thu a hong gen na nasem kamsangteʼ thu ka ngai kei uh hi.

Late 66:5

Hong pai unla, Pasianʼ sep sate mu un. Miteʼ lak a a bawlnate ah amah dipkuathuai hi.

Late 66:3

Pasianʼ tungah thu gen unla, “Nangma bawlnate bangzah ta-in dipkuathuai! Na vang lian mahmah ahih manin na mai ah na galte in nang hong mai-et uh hi.

Late 47:2

Bang hang hiam cih leh Topa, a Sangpen pa, dipkuathuai a, leitung khempeuh a uk kumpi lian khat ahi hi.

Ezra 9:13

Tu-in koteʼ gamtat siate le a lian ka mawhnate uh hangin hih bang gimna lian ka thuak uh hi; ahi zongin nangmah in koteʼ tuah dinga kilawm zah gimna hong tuaksak loin, tu-a banga a nungta lai-in nong omsak zaw hi.

2 KUMPI NIHNATE 25:7

Amaute in Zedekiahʼ muhna ah a tapate thatin, Zedekiahʼ mitte khel khia uh a, amah kol bulhin Babylon ah a paipih uh hi.

2 KUMPI NIHNATE 23:29

Ama hun sungin Assiria kumpipa a huh dingin Eufratis gun ah Egypt kumpipa Faro Neko kuan to hi. Amah a khaktan dingin Kumpi Josiah zong a kuan hi. Faro Neko in Josiah a muh ciangin Megiddo ah a that hi.

2 KUMPI NIHNATE 17:3

Assiria kumpi Shalmaneser amah a simin kuan to hi. Tua ciangin Hoshea ama khutnuai mi suak a, ama tungah siah a puak hi.

2 KUMPI NIHNATE 15:29

Israel kumpi Pekahʼ hun laitakin Assiria kumpi Tiglath-pileser hong pai-in Ijon, Abelbeth-maakah, Janoah, Kedesh, Hazor, Gilead le Galilee le Naftali gam khempeuh la a, amah in galmatin mite Assiria ah a ciahpih hi.

2 KUMPI NIHNATE 15:19

Assiria kumpi Tiglath-pileser tua gam a sim dingin kuan to hi. Tua ciangin ama kumpi aana a kip nading a huh ding a deihna-in Menahem in Tiglath-pileser tungah ngun talen tul khat a pia hi.

1 KUMPI MASATE 8:23

Amah in, “Israel Pasian, Topa aw, tunga om vantung ahi a, nuai-a om leitungah ahi zongin, nangma mai ah a lungsim khempeuh uh tawh a gamta na nasemte tungah thuciamna lenin itna kip a lak, nang tawh a kibang pasian om lo hi.

Thu-hilhkikna 7:21

Note in amaute na kihta kei ding uh hi; bang hang hiam cih leh a lian a kihtakhuai ahi Pasian, Topa na Pasian uh note tawh a om hi.

Siampi Laibu 26:28

note ka hong heh ngawh bawl dinga, noteʼ khialhna hangin a zah sagih vei-in kong thuhilh ding hi.

Siampi Laibu 26:24

kei zong note hong gawtin, kei mahmah in na khialhnate uh hangin a zah sagih vei-in kong sat ding hi.

Siampi Laibu 26:21

“Tua ciangin kei hong demin, keima thu na ngaih kei lai uh leh, keimah in noteʼ khialhna a zah sagih vei-in noteʼ tungah gimna kong tungsak ding hi.

Siampi Laibu 26:18

“Tua bang hi napi-in note in ka thu nong ngaih kei veve uh leh, keimah in na khialhna hangun a zah sagih vei-in note kong thuhilhkik dinga,

Paikhiatna 18:8

Tua ciangin Moses in a sungpa kiangah Topa in Israel miteʼ hangin Faroʼ tung le Egypt miteʼ tungah a bawlte khempeuh, lampi ah amauʼ tungah a tung haksatna khempeuh le Topa in amaute a hotkhiatna thu a gen hi.

Ezra 4:2

Zerubbabel, Jeshua le innkuan lutangte kiangah va pai-in amaute kiangah, “Biakinn lamna ah ko zong hong kihelsak un; bang hang hiam cih leh note mah bangin ko zong na Pasian uh ka bia uh a, hih lai ah kote hong koih Assiria kumpipa Esar-haddonʼ hun lai a kipanin noteʼ Pasianʼ tungah biakna ka pia uh hi,” a ci uh hi.

Ezra 4:10

le a lian a minthang Ashurbanipal in hong pua khia-in Samaria khuapi ah a hong tensak mite le Eufratis Gun lang khat a kizawhna gam sunga a om mite tung panin lai puak, a ci uh hi.

Isaiah 9:6

Bang hang hiam cih leh eite adingin naungek khat hong suak a, eiteʼ tungah tapa khat hong kipia hi. Amah pen eite hong ukpa hi dinga, ama min pen “Lamdang Thulak pa, Vanglian Pasian, Tawntung Pa, Nopsakna Kumpi,” kici ding hi.

Thu-hilhkikna 7:12

“Note in hih ngeina kipte za-in, kemin tuate na zuihna hangun, Topa na Pasian un na pu na pate uh tungah a ciam thuciamna le itna kip note tungah hong tungsak ding hi.

Thu-hilhkikna 7:13

Amah in note hong itin, tampi hong phasak ding hi. Amah in note tungah piak dingin na pu na pate uh tungah a ciam gam sungah noteʼ suanlekhakte le na gam sung panun a piangte, na an uh le na leenggahzu uh le na sathau uh le na ganhingte uh pungsakin, na tuulekeel no honte uh zong thupha pia ding hi.

2 KUMPI NIHNATE 17:6

Hosheaʼ kum kuana kumin Assiria kumpipa in Samaria la a, amah in Assiria ah Israel mite ciah pihin Halah gam sung, Gozan gam a om Habor gun gei le Media khuapite sungah amaute a koih hi.