Nehemiah 9:2 - Tedim Bible Revision 2017

² Tua hi a, gamdang mi khempeuh panin Israel mite tuam om uh a, amaute in din sa-in amauʼ khialhnate le a pu a pate uh mawhnate a pulak uh hi.

Tedim Bible

² Tua hi a, gamdang mi khempeuh panin Israel mite tuam om uh a, amaute in din’sa-in amau’ khialhnate leh a pu a pate uh mawhnate pulak uh hi.

Nehemiah 9:2 Referans Kwoze

Nehemiah 13:3

Mite in hih thukham a zak uh ciangin Israel mite lak panin gamdang suan peuhmah khen khia uh hi.

Ezra 10:11

Tua ahih ciangin tu-in na pu na pate uh Pasian ahi Topaʼ tungah na mawhna uh pulak unla, ama deihna bangin gamta-in hih gam a teeng gamdang mite le gamdang mi ahi na zite uh tawh kikhenin tuam om un,” a ci hi.

Nehemiah 13:30

Tua bangin gamdang tawh a kizom nate khempeuh panin amaute ka siangsak a, siampite le Levi mite a nasep ngei mah uh ah ka semsakkik hi.

Daniel 9:20

Keima mawhna le ka mipih Israel-teʼ mawhna pulakin, ka Topa Pasian kiangah a biakinn siangtho a hong puahkik nadingin thumin ka ngenngen hi.

Hosea 5:7

Topaʼ tungah amaute citak lo uh a, midangte tawh zawlta nei uh hi. Tu-in amaute le a neihsa khempeuh uh kisusia ding hi.

Late 144:11

A gilo galte kiang panin kei hong hon inla, a kam uh tawh zuau thu a gen limtakin kiciamna a bawl khit ciang nangawnin zuau a gen lai veve gamdang miteʼ khut sung pan kei hong hon khia in.

Ezra 9:2

Amaute le a tapate un hih gam a teeng minam dangteʼ numeite teenpih uh a, tua thu hangin a siangtho minam pen tu-in gamdang mite tawh a kihel suakta hi. Tua hi a, hih thu ah makaite le thukhen uliante pen a khial masa ahi uh hi,” hong ci uh hi.

Isaiah 2:6

Amaute pen nisuahna lam gam a om khongkhaite le Filistia mite bangin aisante tawh kidim uh a, gamdang miteʼ ngeina zui uh ahih manin Jakob suanlekhak, na mite nang na nial hi.

Late 144:7

A sangna mun panin na khut hong zan inla, tui lian lauhuaite le gamdang miteʼ vangliatna panin hong hon khia in.

Nehemiah 1:6

Israel mi ahi na nasemteʼ tangin sun le zanin kong thunget nilohna a ngai dingin na bil hong ngat inla, na mit hong hak in. Nangma tungah ko Israel mite ka khialhna uh, keimah le ka pu ka pate zong ka khialhna uh ahi ka mawhnate uh kong pulak uh hi.

Ezra 9:15

Israel Pasian, Topa aw, nang na thutang a, ahi zongin tu ni-a a om lai ko teng nong suaktasak veve hi. Na muhna ah kote a mawhpi mah hi ta le-ung hong hehpih in; bang hang hiam cih leh mawhna tawh nangma mai ah kuamah om thei lo hi,” ci-in thu ka ngen hi.

1 KUMPI MASATE 8:47

ahi zongin amaute a kipuak khiatna leitang ah amaute in a lungsim uh ah thu ngaihsunin kisikkik a, ‘Kote khialin lam pialin ka gitloh tat uh hi,’ ci-in amaute a manteʼ leitang panin nang tungah hong thum uh a,

Ezra 6:21

Salsuahna panin a hong ciahkik Israel-te le Israel Pasian, Topa a bia dingin tua gam a midang a teengte le a nitna uh pan amau le amau a kihem khia tawm mite khempeuh in tua Paisan Pawi an a ne uh hi.

Ezra 9:1

Hih thute khempeuh a kisep khit ciangin keima kiangah makaite pawl khat hong pai-in, “Hih gam a teeng gamdang miteʼ nitna le Kanaan mite, Hit mite, Perez mite, Jebus mite, Ammon mite, Moab mite, Egypt mite le Amorʼ miteʼ gamtat a kihhuaite panin Israel mi, siampite le Levi mite nangawn zong, a siangtho-in tuam om lo uh hi.

Nehemiah 10:28

A om lai Israel mite, siampite, Levi mite, kongcingte, lasate, biakinn nasemte, a zite a tapate le a tanute, thu tel theihna a nei, Pasianʼ thukham hangin gamdang mite panin a tuam om mi khempeuh in

Paunak 28:13

A khialhna a im mite a daupai lo dinga, a mawhna pulakin a kikheel mite in hehpihna ngah ding uh hi.

Jeremiah 3:13

Na mawhna na phawk ding bek kisam hi. Topa na Pasian na langpanna, sing liim nuai khempeuh ah gamdang pasian-te tawh na khialh kawikawina le ka thu nong man lohnate pulak in, Topa in kong ci hi.

Jeremiah 14:20

Topa aw, ka gitlohna uh le ka pute ka pate uh gitlohnate ka hong pulak uh hi. Bang hang hiam cih leh nangma tungah ka hong mawh khin uh hi.

Nehemiah 10:29

a sanggam uh ahi amauʼ makaite pawmin, Pasianʼ nasem Moses in a piak Pasianʼ thukham zui-in, eiteʼ Topa ahi Topaʼ thupiakna khempeuh, ama ngeinate le ama thukhamte a zuih nading uh kiciamna a bawl uh hi.