Nehemiah 9:1 - Tedim Bible Revision 2017

¹ Tua kha mah a ni sawm nih le li ni-in an tang dingin Israel mite kikhawm uh a, puanhampi silhin a lu tung uh ah lei kibuak uh hi.

Tedim Bible

¹ Tua kha mah a ni sawmnih-le-li ni-in an tang dingin Israel mite kikhawm uh a, puanhampi silhin a lu tung uhah lei kibuak uh hi.

Nehemiah 9:1 Referans Kwoze

Nehemiah 8:2

Tua hi a, a kha sagihna a ni khat ni-in numei pasal le thu thei tel thei ding a kikhawm khempeuh mai ah siampi Ezra in thukham laibu hong paipih hi.

Ezra 8:23

Tua hi a, kote in an ka tang uh hi. Nuam takin khual ka zin theih nading uh i Pasianʼ tungah ka ngen uh a, amah in ka thungetna uh hong pia hi.

Joshua 7:6

Tua ciangin Joshua in dahna limin ama puante bal kekin nitak mateng Topaʼ Thuciamna Singkuang mai ah, amah le Israel upate bok suk uh a, amaute in a lu tung uh ah leivui a koih uh hi.

1 SAMUEL MASA 4:12

Giahphual panin Benjamin mi khat hong tai-in a puan kikeek sa le a lu tungah leivui khu-in Shiloh hong tung hi.

Isaiah 22:12

Tua ni ciangin Vanglian Topa Pasian in kahna le thumna, sam mettolna le puanhampi silhna a zang dingin thu hong pia hi.

JOB (Job) 2:12

Amaute in a gamla sim mun panin Job a muh tung un amah thei pah lo uh hi. Tua ciangin amaute a gingin kap khia uh a, a puan uh bal kekin a lu tung uh a tukik dingin leivui lawn to uh hi.

Esther 4:16

“Pai-in Susa khua sunga om Jew mi khempeuh khawm inla, keimah ngaihsutna-in an na tang un. A sun a zan ci loin ni thum sung an ne lo, tui dawn loin na om un. Na tan uh mah bangin kei le ka nasem numeite in zong ka na tang ding uh hi. Tua khit ciangin ngeina ahih loh hangin kumpipa kiangah ka va pai dinga, ka sih leh zong a si ka hi ding hi,” a ci hi.

Esther 4:3

Kumpipaʼ thupiakna a tunna gam Jew miteʼ omna khempeuh ah nakpi tak a thumna le tauna, antanna, kahna le dip-humna om hi. Mi a tam zaw in puanhampi silhin vut lakah lum uh hi.

2 KHANG TANGTHU NIHNATE 20:3

Tua ciangin Jehoshafat lau a, a mahmah in Topaʼ lamlah nading zong a, Judah gam khempeuh ah an tan ding thu a zasak hi.

2 KHANG TANGTHU NIHNATE 7:10

A kha sagihna a ni thum ni-in, Topa in David le Solomon le ama mi Israel tungah a hoih a bawlna hangin amah in lungdamna le kipakna tawh a inn uh ah mite a ciahsak hi.

2 SAMUEL NIHNA 1:2

A ni thum ni-in, a puan kikekin a lu tungah lei omin Saulʼ giahphual panin mi khat hong pai hi. David kiangah amah hong tun ciangin leilak ah pukin zahtakna a bawl hi.

Thukhente 20:26

Tua ciangin Israel mite khempeuh, galkap vekpi pai to-in Bethel ah tungin a kap uh hi. Tua lai mun Topaʼ mai ah amaute tu-in nitak dong tua ni an tang uh a, Topaʼ mai ah meihal biakna le thunuam a biakna a pia uh hi.

Siampi Laibu 23:39

“Note in leitang a piangte na kaihkhop khit uh, kha sagihna, a ni sawm le nga ni a kipan ni sagih sung Topaʼ pawi na bawl ding uh hi. A ni masa ni pen a thupi tawlngakna khat hi a, a ni giat ni zong a thupi tawlngakna khat mah hi ding hi.

Siampi Laibu 23:34

“Israel mite tungah hih bangin gen in: Hih kha sagihna a ni sawm le nga ni a kipan ni sagih sung pen Topa ading buk pawi ahi hi.

Mangmuhna 11:3

Ka teci nihte puanhampi silhin ka paisak dinga, amaute in ni tul khat za nih sawm guk sung Pasianʼ thu a gen ding uh hi,” hong ci hi.

1 SAMUEL MASA 7:6

Tua ahih ciangin amaute Mizpah ah kikhawm uh a, tui tawi-in Topaʼ mai ah sung khia uh a, tua ni-in an tangin tua lai munah, “Topaʼ tungah i khial khinzo hi,” a ci uh hi. Samuel in Israel mite Mizpah ah thu khen hi.

Ezra 8:21

Tua ciangin eiteʼ Pasianʼ mai ah kote kiniamkhiat thei-in, kote le ka naupangte uh le ka neihsa khempeuh uh nuam takin ka khualzinna uh ah ka pai theih nading uh Pasianʼ tung pan ka nget theih nadingun Ahava lui ah antanna ding thu ka taangko hi.

Joel 2:12

Topa in hih bangin ci hi: “Tu mahmah nangawnin lungsim tak tawh kisikkikin, an tangin, kapin, thumna tawh kei kiangah hong paikik un.