Nehemiah 8:8 - Tedim Bible Revision 2017

⁸ Amaute in Pasianʼ thukham laibu sung panin a kitel takin sim uh a, a cihnopna a kitelin gen uh a, tua a kisim thute a tel nadingun a hilh uh hi.

Tedim Bible

⁸ Amaute in Pasian’ thukham laibu sung panin a kitel takin sim uh a, a cihnopna a kitelin gen uh a, tua a kisim thute a tel nadingun hilh uh hi.

Nehemiah 8:8 Referans Kwoze

Sawltak 28:23

Tua ahih manin Paul tawh a kimuh nading uh a ni khat seh uh a, tua a kiciam ni-un Paul a zintunna munah Jew mite tampi tak a kikhawm uh hi. Paul in zingsang a kipan nitak dongin amaute tungah Pasianʼ Ukna thu gen tel a, Jesuʼ thu man hi, ci-in a up theih nadingun Moses Thukham le kamsangteʼ laigelhte siksanin a gen hi.

Luka 24:45

Tua ciangin Lai Siangtho sung thu a theih nadingun a lungsim uh honsak a,

Luka 24:32

Amau tegel in, “Lampi ah i pai kawmin Lai Siangtho khiatna hong gen laitakin i lungsim hong lawpsak mahmah hi mah lo ahi hiam?” a kici uh hi.

Luka 24:27

Tua ciangin Jesu in Lai Siangtho sungah ama thu a kigennate khempeuh, Moses laibu a kipanin kamsangteʼ laibu khempeuh a khiatna a gen hi.

Habakkuk 2:2

Tua ciangin Topa in hih bangin hong dawng a, “Nangmah ka hong muhsak thu khempeuh a sim nop mahmah dingin tungman peek tungah gelh in.

Ezra 4:18

“Keima tungah nong khak uh lai pen a kitel takin keima zakna ah hong kisim khin hi.

Nehemiah 8:7

Mite amauʼ omna san ciatah a om sungun mite in thukham a tel theih nadingun Levi mi Jeshua, Bani, Sherebiah, Jamin, Akkub, Shabbethai, Hodiah, Maaseiah, Kelita, Azariah, Jozabad, Hanan le Pelaiah-te in a khiatna a gen uh hi.

Nehemiah 8:9

Tua ciangin a gam ukpa Nehemiah, lai thei pa lah hi-in siampi lah ahi Ezra le mite a hilh Levi mite in amaute khempeuh kiangah, “Tu ni pen Topa noteʼ Pasian adingin biakna ni siangtho ahi hi; a kap a mau om kei un,” a ci hi. Bang hang hiam cih leh thukham kammalte a zak uh ciangin mi khempeuh kap uh hi.

Nehemiah 8:12

Tua ahih ciangin mi khempeuh an ne tui dawnin midangte a kholh ding le lungdam a om dingin a ciah uh hi; bang hang hiam cih leh amaute tungah a kigen thute amaute in a thei tel uh hi.

2 KUMPI NIHNATE 23:2

Tua ciangin Topaʼ biakinn ah kumpipa pai to a, amah tawh Judah mi khempeuh, Jerusalem-a teengte khempeuh, siampite, kamsangte le mi khempeuh a neu a lian tawh pai uh hi. Tua ciangin amah in amauteʼ zakin Topaʼ biakinn sungah a kimu thuciamna laibu sunga thute khempeuh a sim hi.

Nehemiah 9:3

Tua ciangin amauʼ omna mun ciat uh ah dingin Topa amauʼ Pasianʼ thukham laibu nai thum sung sim uh a, a dang nai thum sung amaute in mawhna pulakin Topa a Pasian uh zahtakna a bawl uh hi.

Ezekiel 46:10

Gam uk ulian pa zong mihonte mah tawh lutin, amaute mah tawh pusuak khawm ding hi.