Nehemiah 8:3 - Tedim Bible Revision 2017

³ Tua ciangin amah in Tui Kongpi mai-a om tualpi lam mai ngatin zingsang tung a kipan sun ciang dong, numei pasal le thu a tel thei ding miteʼ zakin tua laibu sunga thute sim a, mi khempeuh in tua thukham laibu sunga thu kisimte limtakin a ngai uh hi.

Tedim Bible

³ Tua ciangin amah in Tui Kongpi mai-a om tualpi lam mai ngatin zingsang tung-a kipan sun ciang dong, numei pasal leh thu a telthei ding mite’ zakin tua laibu sunga thute sim a, mi khempeuh in tua thukham laibu sunga thu kisimte lim takin ngai uh hi.

Nehemiah 8:3 Referans Kwoze

Mangmuhna 3:22

Tua ahih manin zak nading bil a neite in Kha Siangtho in pawlpite kiangah a gen thute na za un, ci-in gen in,” a hong ci hi.

Mangmuhna 2:29

Tua ahih manin zak nading bil a neite in Kha Siangtho in pawlpite kiangah a gen thute na za un.

1 THESALONIKA MASA 2:13

Note kiangah Pasianʼ thu kong gen uh ciangin no thu um mite sungah ama thu tawh kisai-in Pasian in na hong sem ahih manin koteʼ thugente pen Pasianʼ thu taktak ahih mah bangin koteʼ thugenna na zak uh ciangin mihingʼ thu bangin ngaihsun loin Pasianʼ thu taktak mahin hong sang na hih manun, hih thu hangin zong Pasianʼ tungah ka lungdamna uh ka ko uh hi.

Sawltak 28:23

Tua ahih manin Paul tawh a kimuh nading uh a ni khat seh uh a, tua a kiciam ni-un Paul a zintunna munah Jew mite tampi tak a kikhawm uh hi. Paul in zingsang a kipan nitak dongin amaute tungah Pasianʼ Ukna thu gen tel a, Jesuʼ thu man hi, ci-in a up theih nadingun Moses Thukham le kamsangteʼ laigelhte siksanin a gen hi.

Sawltak 17:11

Thesalonika khua mite sangin Berea khua mite in mipi lungsim nei zaw uh hi. Amaute in lawp mahmahna tawh Paulʼ thugente ngai uh a, Paulʼ thugente man taktak hiam ci-in a theih nadingun nisimin Lai Siangtho a sim uh hi.

Sawltak 16:14

Tua ka thuhilhna uh a za mite lakah Thiatira khuami, a manpha mahmah puansan a zuak, Lydia kici numei khat a om hi. Tua nu pen Pasian a bia numei khat hi a, Paulʼ thugente a sang thei dingin Pasian in a lungsim a honsak hi.

Sawltak 15:21

Bang hang hiam cih leh Sabbath nisimin kikhopna innte ah Moses Thukhamte kisim ngitnget a, khua khempeuh ah Moses thugente mah hilh belin kinei hi,” a ci hi.

Sawltak 13:27

Jerusalem khua-a a teeng mite le a makaite un Jesu pen Honpa ahih lamtak na thei lo uh a, Sabbath nisimin a kisim niloh kamsangteʼ thu zong na tel lo uh hi. Amaute in Jesu na mawhsak uh ahih manin kamsangteʼ thugente a manin hong tung hi.

Sawltak 13:15

Kikhopna inn ukte in Moses Thukham Laibu sung le kamsangteʼ laibute a sim khit uh ciangin amaute kiangah, “Sanggamte aw, mihonte tungah hanthotna kam na gen nop uh leh thu nong gen ding uh ka deih uh hi,” a cisak uh hi.

Luka 19:48

ahi zongin mi khempeuh in a thugente mal khat zong khahsuah nuam loin a thu ngai tawntung uh ahih manin a suktheih nading uh a hun om thei lo hi.

Luka 8:18

Tua ahih ciangin thu na ngaih uh ciangin limtakin kingaihsun un. Bang hang hiam cih leh a nei sa mipa tungah Pasian in pia thuah dinga, a nei lo mipa tung panin them khat nei-a a kingaihsut nangawn lakkhiatsak ding hi,” a ci hi.

Marka 12:37

David mahmah in Khris pen ‘Topa,’ ci hi. Tua ahihleh Khris pen Davidʼ suan hi lel, cih mawkmawk ding hi thei ding ahi hiam?” a ci hi. Mihonte in hih thu a zak uh ciangin a lungdam mahmah uh hi.

Sawltak 20:11

Tua ciangin inn dawl tungnung ah kah tokikin anlum balnenin thu um mite tawh a nekhawm hi. Zingsang khuavak dong amaute tawh thu kikum uh a, tua ciangin a ding khia hi.

Sawltak 20:7

Sani nitakin an nekhawm dingin ka kikhawm uh a, a zing ciangin a ding khia ding ahih manin Paul in a thuhilh zankim ciang dong a zomsuak hi.

Nehemiah 8:1

Kha sagihna hong cin ciangin Israel mite amauʼ khuapi ciatah teeng khin uh hi. Tua ciangin Tui Kongpi mai tualpi ah mi khempeuh khekhat khai bangin hong kikhawm tuah diam hi. Tua ciangin Topa in Israel mite tungah a piak ahi Moses thukham laibu pen lai thei pa Ezra in hong paipih nadingin a gen uh hi.

Nehemiah 8:4

Tua ciangin thugenna dinga sing tawh kibawl tau tungah lai thei pa Ezra ding to a, ama taklam pangah Mattithiah, Shema, Anaiah, Uriah, Hilkiah le Maaseiah ding uh a, a veilam pangah Pedaiah, Mishael, Malkhijah, Hashum, Hash-baddanah, Zekhariah le Meshullam a ding uh hi.

Nehemiah 8:5

Mi khempeuh sangin a sang zaw munah amah om ahih manin mi khempeuhʼ muh theih dingin Ezra in a laibu a hong hi. A laibu a hon ciangin mi khempeuh a ding uh hi.

Thu-hilhkikna 31:9

Moses in hih Thukham gelhin Topaʼ Thuciamna Singkuang a pua Levi mi siampite le upate khempeuh tungah a pia hi.

Joshua 8:35

Moses in a thupiak kammalte khempeuh Israel mihonpite, numeite le amaute lakah a teeng peemtate mai ah Joshua in a sim loh khat zong om lo hi.

Nehemiah 8:18

Tua hi a, a kipat ni a kipan a bei ni dong Ezra in nisimin Pasianʼ thukham laibu a sim khia hi. Amaute in ni sagih sung tua pawi kham uh a, a ngeina om bangin a ni giat ni-in pawi khupna thupi kikhopna khat a om hi.

Nehemiah 10:29

a sanggam uh ahi amauʼ makaite pawmin, Pasianʼ nasem Moses in a piak Pasianʼ thukham zui-in, eiteʼ Topa ahi Topaʼ thupiakna khempeuh, ama ngeinate le ama thukhamte a zuih nading uh kiciamna a bawl uh hi.

Nehemiah 13:1

Tua ciangin amaute in mipiʼ zakin Mosesʼ laibute sim uh a, Pasianʼ miteʼ kikhopna ah Ammon mi le Moab mite a kihel ngei loh nading thu kiphawk khia hi;