Nehemiah 7:2 - Tedim Bible Revision 2017

² ka sanggampa Hanani le biakinn a uk Hananiah in a et dingin Jerusalem ka pia hi; bang hang hiam cih leh Hananiah pen midang tampi sangin a citak zaw, Pasian a zahtak zaw khat ahi hi.

Tedim Bible

² ka sanggampa Hanani leh galdalna inn a uk Hananiah in a et dingin Jerusalem ka pia hi; bang hang hiam cih leh Hananiah in midang tampi sangin a citakzaw, Pasian a zahtakzaw mi khat ahi hi.

Nehemiah 7:2 Referans Kwoze

Nehemiah 1:2

ka sanggampa Hanani le midang pawl khat Judah gam panin hong tung uh hi. Tua ciangin keimah in Jerusalem khua thu le sal a matna panin a suakta ahi a omsuak Judah miteʼ thu tawh kisai amaute kiangah ka dong hi.

Mattiu 25:21

a topa in, ‘Hoih mahmah hi; a hoih a citak nasem pa aw, a tawmno na zekna ah siam na hih manin a tampi tak ka hong zeksak ding hi. Hong pai in; kei tawh nuamsa khawm ni,’ a ci hi.

Late 101:6

Leitungah a thuman mite kei tawh a om theih nadingin maipha ka pia dinga, paubaanna om loin a gamta mi in keima na hong sem ding hi.

Nehemiah 10:23

Hoshea, Hananiah, Hasshub,

Nehemiah 2:8

le biakinn hutna ding mun muanhuai kongpi ding, khuapi kulh ding le ka om nading inn lam nadingin sing hong piak theih nadingin kumpipaʼ tulak a kem Asafʼ tungah piak ding laikhak zong, kei tungah hong pia in,” ka ci hi. A dik ka Pasian in kei hong ompih ahih manin kumpipa in ka ngette hong pia hi.

1 KUMPI MASATE 18:3

Tua ciangin Ahab in kumpi inn sung a ukpa Obadiah sam hi. (Obadiah in nakpi takin Topa zahtak hi;

2 TIMOTI NIHNA 2:2

Mi tampiteʼ theihin ka thuhilh, na zak sa thu khempeuh, midangte a hilh sawn thei dingin a citak mite tungah hoihtakin a zuih dingun na hilh in.

1 KORIN MASA 4:2

Nasem i cih mite pen a topa uh tungah citakin a thuman ding uh kisam hi.

Daniel 6:4

Tua ahih ciangin vaihawmpi dangte le gam ukpite in Danielʼ nasepna en cikin a mawhna zon ding a hanciam uh hi. Ahih hangin Daniel pen a thuman le a citak khat ahih manin a mawhna le a simtatna a mu zo kei uh hi.

JOB (Job) 1:1

Uz gamah Job kici min nei mi khat a om hi. Tua mipa a paubaang lo, a thutang, Pasian a zahtak mi khat hi a, amah in gamtat hoih lo peuhmah peel hi.

Nehemiah 13:13

Tua ciangin tua vankoihna innte a kem dingin siampi Shelemiah, lai thei Zadok le Levi mi Pedaiah le amaute a huh dingin Mattaniahʼ tapa Zakkur, a tapa Hanan ka seh hi; bang hang hiam cih leh amaute mi muanhuai ahi uh hi. Amauʼ nasep pen a sanggamte uh tungah amauʼ tanh ciat uh a hawm khia ding uh ahi hi.

Nehemiah 5:15

Keima hun ma-in a ukte in mite tungah van gikpi suan uh a, amauteʼ tung panin nisimin an le leenggahzu ngun shekel sawm li man a la uh hi. Amauʼ nasemte nangawn mite tungah kiliansak lai uh hi. Ahi zongin Pasian ka zahtakna hangin tua bangin kei ka gamta kei hi.

1 KUMPI MASATE 18:12

Nang kiang panin kei ka paikhiat phetin ka theih lohna munah Topaʼ kha in nang hong pua ding hi. Kei va pai-in Ahab kiangah genin amah in nang hong muh loh ciangin, ka khangno lai a kipanin keimah na nasem pa in Topa a zahtak hi napi-in, amah in kei hong that ding hi.

2 SAMUEL NIHNA 23:3

Israel Pasian kampau khin a, Israel a hupa in kei kiangah hong ci khin hi: Mi khat in mite tungah thutang takin ukin Pasian zahtakna tawh limtakin a uk ciangin

Gamlak-vakna 12:7

Ka nasem pa Moses tawh tua bang hi lo hi; ka inn sung thu khempeuh amah ki-ap hi.

Paikhiatna 18:21

Tua tham loin, mi khempeuh lak panin Pasian a zahtak mi, a muanhuai mi le sumgolh a mudah mi, misiamte na teel khia ding hi. Tua bang mite pen a tul, a za, a sawm nga, a sawmte tungah a uk dingin na koih ding hi.

Piancilna 42:18

A ni thum ni-in Josef in amaute kiangah, “Keimah in Pasian zahtak ka hih manin hih bangin gamta un. Tua hileh na nungta ding uh hi.

Mattiu 24:45

“A pil a citak nasem i cih a bangcite ahi hiam? A nasep pih dangte ukin a hun manmanin amauteʼ nekzah ding ciat an a pia dingin a topa in a seh a nasem pa ahi hi.

Nehemiah 7:3

Tua hi a, amaute tungah, “Sun mateng Jerusalem kongpite hongsak kei un. Tua ciangin ni om lai mahin kongte khaksakin kalhsak un. Jerusalem khua sunga teengte lak panin khuacing dingte seh unla, pawl khatte galvilna munah, pawl khatte amauʼ omna inn mai ciatah omsak un,” ka ci hi.