Nehemiah 7:1 - Tedim Bible Revision 2017

¹ Kulh kiciang khinin, kongkhakte ka bulh khin uh a, kongcingte, lasate le Levi mite a kiseh khit ciangin,

Tedim Bible

¹ Kulh kiciang khinin, kongkhakte ka bulh khin a, kongcingte, lasate, leh Levi mite a kiseh khit ciangin,

Nehemiah 7:1 Referans Kwoze

Nehemiah 6:15

Elul kha ni sawm nih le nga ni-in kulh kizo a, ni sawm nga le nih sung hun bei hi.

Nehemiah 6:1

Kongpite ah kongkhak ka bulh nai loh uh hangin, kulh ka cian khitna uh le a vang khat zong a om nawn lohna thu, Sanballat, Tobiah, Arab mi Geshem le ka gal dangte khempeuh un a zak uh ciangin,

2 KHANG TANGTHU NIHNATE 31:2

Tua ciangin Hezekiah in siampite le Levi mite amauʼ nasep ciat tawh kizui-in a khen a khenin seh a, siampite le Levi mite in meihal biaknate le thunuam a biakna te pia-in, Topaʼ biakinn sung phual tuamtuamte ah na semin lungdamkohna le phatna a bawl ding uh ahi hi.

Nehemiah 12:24

Tua ciangin Levi mi ukpite: Hashabiah, Sherebiah, Jeshua, Binnui le Kadmiel hi uh a, Pasianʼ mi Davidʼ thupiakna bangin a banbanin phatna la a sa ding le lungdamna a ko dingin a sanggamte uh tawh na a sem ding uh ahi hi.

Nehemiah 11:3

Hih a nuai-ate pen Jerusalem-a a teeng a uk sawn ukpite ahi uh hi. Ahi zongin Judah khuapi dangte ah Israel midangte, siampite, Levi mite, biakinn nasemte le Solomonʼ nasemteʼ suanlekhakte teeng uh a, amauʼ neihsa, amauʼ khuapi ciatah teeng uh hi.

Nehemiah 10:39

Bang hang hiam cih leh biakinn umlebeelte a kikoihna inn deite le na a sem siampite, kongcingte le lasate a giahna inn deite ah Israel mite le Levi mite in a kipia ante, leenggahzu le sathaute a paipih ding uh ahi hi. Eiteʼ Pasianʼ biakinn kin loin i om kei ding hi.

Ezra 3:8

Amaute, Jerusalem khua-a Pasianʼ biakinn ah a hong ciahkik uh a kum nihna, tua kum a kha nihna sungin Shealtielʼ tapa Zerubbabel le Jozadakʼ tapa Jeshua, nasep kipan uh a, a Israel mipihte, siampite, Levi mite le salsuahna panin Jerusalem ah a hong ciahkik mite khempeuh in zong a huh uh hi. Amaute in Levi mite kum sawm nih panin a tungsiah peuhmah Topaʼ biakinn sungah biakna nasepte a vaan dingin a seh uh hi.

2 KUMPI NIHNATE 7:10

Tua ahih ciangin amaute hong pai-in kulh kongpi cingte samin amaute kiangah, “Syria-teʼ phualah ka va tung uh a, tua lai ah kuamah kimu lo, bangmah kiza lo, bangmah om lo; ahih hangin sakolte kikhihin, late kikhihin, puanbukte a om bangbangin om hi,” ci-in a gen uh hi.

Nehemiah 6:19

Amaute in ama hoihnate zong keima zak ah hong gen uh a, keima sepna teng zong ama kiangah na puak uh hi. Tua hi a, Tobiah in zong ka lau theih nadingin kei tungah lai tampi hong khak hi.