Nehemiah 6:1 - Tedim Bible Revision 2017

¹ Kongpite ah kongkhak ka bulh nai loh uh hangin, kulh ka cian khitna uh le a vang khat zong a om nawn lohna thu, Sanballat, Tobiah, Arab mi Geshem le ka gal dangte khempeuh un a zak uh ciangin,

Tedim Bible

¹ Kongpite ah kongkhak ka bulh nai loh hangin, kulh ka cian’ khitna leh a vang khat zong a om nawn lohna thu, Sanballat, Tobiah, Arab mi Geshem, leh ka gal dangte khempeuh un a zak uh ciangin,

Nehemiah 6:1 Referans Kwoze

Nehemiah 2:19

Ahi zongin Horonaim khuami Sanballat, Ammon mi sal ahi Tobiah le Arab gam mi ahi Geshem in tua thu a zak uh ciangin, kote zahpihna le simmawhna tawh, “Hih na sep uh bang ahi hiam? Kumpipa lehpan na hi uh hiam?” hong ci uh hi.

Nehemiah 2:10

Ahi zongin Israel miteʼ phattuam nading a sem dingin mi khat a paina thu Horonaim khuami Sanballat le Ammon mi sal ahi Tobiah in a zak uh ciangin nakpi takin lungkim lo uh hi.

Nehemiah 4:1

Sanballat in koteʼ kulh cianna thu a zak ciangin lungkim loin heh mahmah a, ko Jew mite hong zahko hi.

Nehemiah 3:3

Tua ciangin Hassenaahʼ tapate in Ngasa Kongpi bawl uh hi. Amaute in a zawlte khungin a kongkhakte a kalhna bulh uh hi.

Nehemiah 3:1

Tua ciangin siampi lianpen pa Eliashib le a siampipihte in nasep kipanin Tuu Kongpi a bawl uh hi. Amaute in a khuamte le a zawlte bawlin a kongkhakte bulh uh hi. Amaute in Za Khat Tausang ciang banah Hananel Tausang dong sem uh a, tua ciangin Pasianʼ tungah ap uh hi.

Daniel 9:25

Hih thu ciamteh inla thei in: Jerusalem lamkikna ding thu a kipiak hun a kipan sathau kinilh pa hong pai dong kum sagih mun sagih sung hi ding hi. Jerusalem kongzing lampi nei le kulhpi nei-in kilamkik dinga, kum sawm guk le nih mun sagih sung kip dinga, ahih hangin buai hunsung ahi ding hi.

Nehemiah 3:6

Tua ciangin Paseahʼ tapa Joiada le Besodeiahʼ tapa Meshullam in Jeshanah Kongpi puah uh a, a zawlte khungin a kongkhakte a kalhna bulh uh hi.

Nehemiah 7:1

Kulh kiciang khinin, kongkhakte ka bulh khin uh a, kongcingte, lasate le Levi mite a kiseh khit ciangin,

Nehemiah 13:4

Ahi zongin tua hun ma-in, i Pasianʼ biakinn sunga vankoihna inn deite a uk dingin a kiseh, Tobiah tawh a kimeltheih siampi Eliashib in,