Nehemiah 5:4 - Tedim Bible Revision 2017

⁴ Pawl khatte in kumpipa tungah siah piak dingin a lote uh le a leenggui lote uh khamin a piakna uh hong gen uh hi.

Tedim Bible

⁴ Pawlkhatte in kumpipa tungah siah piak dingin a lote uh leh a leenggui lote uh khamin a piakna uh hong gen uh hi.

Nehemiah 5:4 Referans Kwoze

Ezra 4:13

Amauʼ khuapi kilam kikin kulhte kizo leh amaute in siah ahi a, mangmu ahi a, losap ahi zongin hong pia nawn lo ding uh a, a tawpna ah kumpi hong sukkhak ding thu thei in.

Ezra 4:20

A vanglian kumpite in Jerusalem ah uk ngei-in, Eufratis Gun gal gambup tungah aana zang uh a, siah, mangmu le losapte tua kumpite tungah kipia hi.

Nehemiah 9:37

Tu-in leitang tunga piang khempeuh pen koteʼ mawhna hangin koteʼ tungah nong koih kumpite tungah tung ta hi. Tua kumpite in kote tungah thu hong nei-in, ka ganhingte uh a ututun hong hihsak uh a, kote lungkham mahmah in ka om uh hi,’ ci un,” a ci uh hi.

Ezra 7:24

Siampite, Levi mite, lasate, kongcingte, biakinn nasemte, ahih kei leh hih Pasianʼ biakinn-a nasemte khat peuhpeuh tung panin siah ahi a, mangmu ahi a, losap ahi zongin lak nading thu na neih lohna uh zong kong zasak uh hi, ka ci hi.

1 KUMPI MASATE 9:21

Israel mite in a suksiat khit siang zawh loh, tua gamah amauʼ nung a a om lai a suanlekhakte uh, Solomon in aana tawh na a sem salin bawl ahih ciangin tu ni dongin tua bangmahin amaute om uh hi.

Joshua 16:10

Ahi zongin amaute in Gezer sunga teeng Kanaan mite hawl khia lo uh hi. Tua ahih ciangin tu ni dongin Kanaan mite pen Efraim mite lakah teeng a, ahih hangin aana nasep a sem dingin sal a suak uh hi.

Nehemiah 5:3

Pawl khatte in kial tun huhau-in an lei nadingin a lote, a leenggah lote le a innte uh a piakna hong gen uh hi.

Paunak 22:7

Mihaute in mizawngte uk a, leitawi a late pen a piateʼ sila a suak hi.