Nehemiah 5:12 - Tedim Bible Revision 2017

¹² Tua ciangin amaute in, “Hihte khempeuh ka piakik ding uh a, amaute tung panin bangmah ka kal nawn kei ding uh hi. Na gen bangin ka gamta ding uh hi,” hong ci uh hi. Tua ciangin siampite ka sam a, a ciam sa bangun a gamtat nadingun siampiteʼ mai ah kiciamna ka bawlsak hi.

Tedim Bible

¹² Tua ciangin amaute in, “Hihte khempeuh ka pia kik ding uh a, amaute tung panin bangmah ka kal nawn kei ding uh hi; na gen bangin ka gamta ding uh hi,” hong ci uh hi. Tua ciangin siampite ka sam a, a ciamsa bangun a gamtat nadingun kiciamna ka bawlsak hi.

Nehemiah 5:12 Referans Kwoze

Ezra 10:5

Tua ciangin Ezra dingin, a kigen sa bangin amaute a gamtat nadingun a kiciam dingin siampi makaite, Levi mite le Israel mi khempeuh sawl a, amaute zong a kiciam pah uh hi.

Luka 19:8

Tua ciangin Zakkhias dingin Topa kiangah, “Topa aw, ka neihsa a kim khat mizawngte tungah ka pia ding hi. Mi khatpeuh khemin a na ka laksak leh a zah li-in ka lohkik ding hi,” a ci hi.

Mattiu 26:63

Jesu pau loin a om hi. Tua ciangin siampi lianpen pa in, “Pasianʼ Tapa, Khris na hih leh na hih loh nong gen nadingin a nungta Pasianʼ min tawh khauh takin ka hong sawl hi,” a ci hi.

Nehemiah 13:25

Amaute tai gawpin ka samsia a, pawl khat satin a sam uh ka bawhsak gawp hi. Tua ciangin Pasianʼ min tawh amaute ka kiciamsak a, “Note in amauʼ tapateʼ zi dingin na tanute uh na pia kei ding uh a, na tapate uh zi ding ahi a, nomauʼ zi dingin ahi zongin amauteʼ tanu na la kei ding uh hi.

Nehemiah 10:31

Hih mite in Sabbath ni-in van ahi a, an ahi zongin hong zuak leh Sabbath ni le ni siangtho khat peuhpeuh ni-in i lei kei ding hi. Kum sagihna-a an piangte nusia-in tua kumin leiba khempeuh i maisak ding hi.

Nehemiah 10:29

a sanggam uh ahi amauʼ makaite pawmin, Pasianʼ nasem Moses in a piak Pasianʼ thukham zui-in, eiteʼ Topa ahi Topaʼ thupiakna khempeuh, ama ngeinate le ama thukhamte a zuih nading uh kiciamna a bawl uh hi.

Ezra 10:12

Tua ciangin a kikhawm mi khempeuh in dawngin kiko uh a, “Hi tahen, na gen bangin ka gamta ding uh hi.

Nehemiah 5:11

Tu ni mahmah in a lote, a oliv lote, a innte uh le a meetin na lak uh sum, an, leenggahzu le sathaute, amaute tungah piakik un,” ka ci hi.

Nehemiah 10:30

Gamdang mite tungah i tanute i kha kei dinga, i tapateʼ zi dingin zong i la kei ding hi.