Nehemiah 4:7 - Tedim Bible Revision 2017

⁷ Ahi zongin Sanballat, Tobiah, Arab mite, Ammon mite le Ashdod mite in Jerusalem kulh cian nasep kizom suakin, kulh vang teng huk ding a kipat khitna thu a zak uh ciangin heh mahmah uh hi.

Tedim Bible

⁷ Ahi zongin Sanballat, Tobiah, Arab mite, Ammon mite, leh Ashod mite in Jerusalem kulh cian’ nasep kizom suakin, kulh vang teng huk ding a kipat khitna thu a zak uh ciangin heh mahmah uh hi.

Nehemiah 4:7 Referans Kwoze

Nehemiah 4:1

Sanballat in koteʼ kulh cianna thu a zak ciangin lungkim loin heh mahmah a, ko Jew mite hong zahko hi.

Nehemiah 2:10

Ahi zongin Israel miteʼ phattuam nading a sem dingin mi khat a paina thu Horonaim khuami Sanballat le Ammon mi sal ahi Tobiah in a zak uh ciangin nakpi takin lungkim lo uh hi.

Mangmuhna 12:17

Tua ciangin tua numei tungah gulpi heh mahmah a, tua numeiʼ suanlekhak dangte ahi, Pasianʼ thupiakna zui-in, Jesu thu ah kip takin a om mite a sim dingin kuan khia a,

Sawltak 5:33

Uliante in hih thu a zak uh ciangin heh mahmah uh ahih manin sawltakte thah dingin a ngaihsun uh hi.

Amos 1:13

Topa in hih bangin ci hi: Ammon mite thum vei a khialh khit, a li veina hangin pel loin amaute gim ka pia ding hi. Bang hang hiam cih leh amaute in huaihamin gam a deih thuah manun Gilead gam sim gawp uh hi.

Jeremiah 25:20

Egypt mite le amauʼ lakah a teeng gamdang mite khempeuh; Uz gam sunga kumpite khempeuh le Filistia gam sunga om Ashkelon, Gaza, Ekron khuapite le Ashdod khuapi ah a om lai sunteʼ kumpite khempeuh;

Amos 1:8

Ashdod khuapi ah a teeng mite ka la khia dinga, Ashkelon khuapi ukte ka beisak ding hi. Ekron khuapi ka su gawp dinga, Filistia mi a omlaite si ding uh hi.

Nehemiah 2:19

Ahi zongin Horonaim khuami Sanballat, Ammon mi sal ahi Tobiah le Arab gam mi ahi Geshem in tua thu a zak uh ciangin, kote zahpihna le simmawhna tawh, “Hih na sep uh bang ahi hiam? Kumpipa lehpan na hi uh hiam?” hong ci uh hi.

Ezra 5:8

“Judah gam, a lian Pasianʼ biakinn ah ka va paina uh kong theisak uh hi. Tua biakinn pen suang lianpipite tawh kilamin a kawmte sing tawh kibawl hi. Hih biakinn limtakin kisemin amauʼ makaihna tawh a nasep uh telh mahmah hi.

2 KHANG TANGTHU NIHNATE 20:1

Hih thu khit ciangin Moab mite le Ammon mite le Meunim mite pawl khat, Jehoshafat a sim dingin hong kuan uh hi.

2 KUMPI NIHNATE 24:2

Tua ciangin ama nasem kamsangte tungtawnin a gen Topaʼ thugenna bangin Judah a susia dingin ama lang khat ah Topa in Khaldea mihonte, Syria mihonte, Moab mihonte le Ammon mihonte a sawl hi.

1 SAMUEL MASA 11:2

Ahih hangin Ammon mi Nahash in amaute kiangah, “Hih thu khat tawh note tawh kilemna ka bawl ding hi. Keimah in noteʼ taklam mittang khempeuh khel khia-in Israel-te khempeuh tungah mindaina kong omsak ding hi,” a ci hi.

Piancilna 3:15

Nang le numei kikal na suanlekhakte le ama suanlekhakte kikalah kilangneihna ka omsak ding hi. Amah in na lutang hong sunim dinga, nang in ama khetul na sunim ding hi,” a ci hi.

Amos 3:9

Samaria gam munmuanhuai ah a om mite le Egypt gam munmuanhuai ah a om mite tungah thu zasak unla, “Samaria ah hong kikhawm unla, tua lai-a buaina lianpite le kinenniamnate hong mu un,” ci un.

Nehemiah 4:6

Tua ahih ciangin kulh ka ciang uh a, nasep a kimciang bang kizo hi. Mite in utna lungsim tawh sem uh hi.

Nehemiah 4:8

Tua hi a, Jerusalem hong simin buaina a piangsak dingin amaute kipawlin vaihawmna khat nei uh hi.

Nehemiah 6:16

Ka galte un hih thu za-in, ka kiim uh a om minam dangte in a theih uh ciangin lamdang sa a, koteʼ Pasianʼ huhna tawh hih nasep kizo ahihna a phawk uh hi.

Jeremiah 41:10

Tua ciangin kumpi cing galkap maang Nebuzaradan in, Ahikamʼ tapa Gedaliahʼ uk dingin a piak kumpipaʼ tanute le Mizpah khua-a a kinusia mi khempeuh a kipan Mizpah khua ah a om lai mi khempeuh Nethaniahʼ tapa Ishmael in man a, Ammon gam lam zuanin a paikhiatpih hi.