Nehemiah 4:12 - Tedim Bible Revision 2017

¹² Amaute lakah a teeng Jew mite khuapi sungah hong pai ciangin, ka galte uh a omna khempeuh ciat panun hong pai-in kote hong simna ding thu, sawm vei tak hong hilh khol uh hi.

Tedim Bible

¹² Amaute lakah a teeng Judah mite khuapi sungah hong pai ciangin, ka galte uh a omna khempeuh ciat panun hong pai-in kote hong sim nading thu, sawm vei tak hong hilhkhol uh hi.

Nehemiah 4:12 Referans Kwoze

JOB (Job) 19:3

Kei nong simmawh niloh a, tua banga na gamtatna ah maizumna mel na nei thei kei hi.

Gamlak-vakna 14:22

Egypt le gamlak ah ka hih sa ka vangliatna le ka limte mu khin napi-in sawm vei kei hong ze-etin keima aw a ngai lo mite,

Piancilna 31:41

Hih kum sawm nih sung na inn sungah kong om khin hi. Na tanu nihte, kum sawm le kum li sung kong thalawh a, na tuuhonte, kum guk sung kong thalawh a, nangmah in ka thaman sawm vei na kheel hi.

Piancilna 31:7

Ahi zongin na pa un kei hong khemin, ka thaman sawm vei khel khin a, ahih hangin kei hong gimsak ding Pasian in phal lo hi.

Nehemiah 4:11

Tua ciangin ka galte un, “Amauʼ phawk loh kalun amaute lakah pai-in i that dinga, a nasep uh i beisak ding hi,” hong ci uh hi.

Nehemiah 4:13

Tua ahih ciangin kulh nung lam mun niam penna mun awng tengah a namsau uh, a teipi uh le a thal uh tawh, a inn kuankuanun ka mite ka pangsak hi.

Daniel 1:20

Kumpipa in bangbang thuhaksa nono a dot hangin, hih mi lite pen ama gam sung khempeuh a mitphial siamte le aisan theite khempeuh sangin a zah sawmin a siam zawk lam uh a mu hi.