Nehemiah 4:11 - Tedim Bible Revision 2017

¹¹ Tua ciangin ka galte un, “Amauʼ phawk loh kalun amaute lakah pai-in i that dinga, a nasep uh i beisak ding hi,” hong ci uh hi.

Tedim Bible

¹¹ Tua ciangin ka galte un, “Amau’ phawk loh kalun amaute lakah pai-in i that ding a, a nasep uh i beisak ding hi,” hong ci uh hi.

Nehemiah 4:11 Referans Kwoze

1 THESALONIKA MASA 5:2

Bang hang hiam cih leh Topa hong pai ding Ni pen zan a gutate bangin theih kholh lohin hong tung ding hi, ci-in note in teltakin na theih sa uh ahi hi.

Sawltak 23:21

Ahi zongin lamkal ah Paul a pangsim dingin mihing sawm li val bang om uh ahih manin amauteʼ hong ngetna pia kei in. Tua mihing sawm lite in Paul a thah khit mateng uh anletui a nek loh nadingun kiciamna khat bawl khin uh hi. Amaute a kithawi sa-in om uh a, nangma thupiak ding bek a ngak uh ahi hi,” a ci hi.

Sawltak 23:12

A zing ciangin Jew mite pawl khat kikhawm uh a, Paul i thah khit ciang bekin an ne tui dawn pan ding hi hang, ci-in kiciamna a nei uh hi.

Isaiah 47:11

Ahih hangin nangmah in na beisak theih loh lungkhamna na tungah hong tung dinga, nangmah in maisakna na ngah theih loh gimna nang tungah hong tung ding hi. A thu na theih het loh siatna na tungah hong tung vat ding hi.

Late 56:6

Amaute kikaikhawmin keimah hong buk uh a, ka gamtatna khempeuh hong encik uh hi. Amaute in keimah thah ding a hanciam uh bangin,

2 SAMUEL NIHNA 17:2

Amah gimin lungkia-in a om laitakin amah ka hih dinga, amah ka amkhamsak ding hi. Tua hileh amah tawh a om mi khempeuh tai ding uh hi. Keimah in kumpipa bek ka sat puk dinga,

Nehemiah 4:9

Tua ahih ciangin ka Pasian uh tungah thu ka ngen uh a, amaute a en dingin sun le zanin galvil ka koih uh hi.

Nehemiah 4:10

Tua ciangin Judah gam mite in, “Nasemte a tha uh zaw ta a, ahi zong nin tampi om lai hi. Eima tha tawh kulh cian i zo ngei kei ding hi,” hong ci uh hi.

Nehemiah 4:12

Amaute lakah a teeng Jew mite khuapi sungah hong pai ciangin, ka galte uh a omna khempeuh ciat panun hong pai-in kote hong simna ding thu, sawm vei tak hong hilh khol uh hi.