Nehemiah 4:1 - Tedim Bible Revision 2017

¹ Sanballat in koteʼ kulh cianna thu a zak ciangin lungkim loin heh mahmah a, ko Jew mite hong zahko hi.

Tedim Bible

¹ Sanballat in kote’ kulh cian’na thu a zak ciangin lungkim loin heh mahmah a, Judah mite hong zahko hi.

Nehemiah 4:1 Referans Kwoze

Hebru 11:36

Mi pawl khat in simmawhna, satna, sikkol bulhna le thongkiatna zong a thuak uh hi.

Nehemiah 2:10

Ahi zongin Israel miteʼ phattuam nading a sem dingin mi khat a paina thu Horonaim khuami Sanballat le Ammon mi sal ahi Tobiah in a zak uh ciangin nakpi takin lungkim lo uh hi.

Sawltak 5:17

Tua ciangin siampi lianpen pa le amah tawh a kipawl tua lai-a Saddusi mite in sawltakte haza-in thangpai uh ahih manin thu bawl ding a ngaihsun uh hi.

Nehemiah 2:19

Ahi zongin Horonaim khuami Sanballat, Ammon mi sal ahi Tobiah le Arab gam mi ahi Geshem in tua thu a zak uh ciangin, kote zahpihna le simmawhna tawh, “Hih na sep uh bang ahi hiam? Kumpipa lehpan na hi uh hiam?” hong ci uh hi.

Mattiu 27:29

Kumpi lukhu lim dingin ling vialin a lu ah khusak uh a, a khut tak lamah pumpeeng khat a tawisak uh hi. Tua ciangin ama mai ah khukdin uh a, “Jew miteʼ Kumpipa aw,” ci-in zahpihna tawh a hopih uh hi.

Mattiu 2:16

Nisuahna lam panin a hong pai mipilte in amah a khem lamtak Herod in a theih ciangin a heh suak mahmah hi. Tua mipilte tung panin aksi a kilat hun a dotna tawh kizui-in, Bethlehem khua le a kiim a om naungek kum nih ciang le a nuaisiah khempeuh a that dingin a galkapte a sawl hi.

Nehemiah 6:15

Elul kha ni sawm nih le nga ni-in kulh kizo a, ni sawm nga le nih sung hun bei hi.

Nehemiah 6:16

Ka galte un hih thu za-in, ka kiim uh a om minam dangte in a theih uh ciangin lamdang sa a, koteʼ Pasianʼ huhna tawh hih nasep kizo ahihna a phawk uh hi.

Nehemiah 13:28

Siampi lianpen pa Eliashibʼ tapa Jehoiadaʼ tapate khat pen Horonaim khuami Sanballatʼ makpa na hi hi. Tua ahih manin keima kiang panin amah ka hawl khia hi.

Jeremiah 38:19

Kumpipa Zedekiah in kei kiangah, “Babylon miteʼ kiangah a tai Judah mite ka kihta hi. Amauteʼ khut sungah kei hong kipia leh amaute in kei hong bawlsia ding uh hi,” a hong ci hi.