Nehemiah 3:5 - Tedim Bible Revision 2017

⁵ A zom kik ah Tekoa khua mite in puah uh a, ahi zongin amauʼ uliante in a tote uh sawl bangin sem nuam lo uh hi.

Tedim Bible

⁵ a zom kikah Tekoa khuamite in puah uh a, ahi zongin amau’ uliante in nasem makaite nuai-ah na sem nuam lo uh hi.

Nehemiah 3:5 Referans Kwoze

Nehemiah 3:27

Ama zomah Tekoa khua mite in a lian tausang dawk panin Ofel mualbo kulh ciang, khawk dang khat sung puah uh hi.

2 SAMUEL NIHNA 14:2

Tua ahih ciangin Joab in Tekoa ah mi sawlin tua panin numei pil khat la-in ama kiangah, “Dahin a kap kineih inla, dahna lim puante silh in. Sathau nilh kei inla, misi hangin ni tampi a thum khin numei bangin gamta in.

1 KORIN MASA 1:26

Sanggamte aw, Pasian in note hong sap laitakin na om zia uh ngaihsun un. Leitung miteʼ hong muhna panin note a tam zaw, mipil na hi kei uh a, mi vanglian zong na hi kei uh a, mi thupi zong na hi kei uh hi.

Sawltak 15:10

Tua ahih ciangin i pute i pate a kipan ei mahmah in i puak zawh loh van gik pen Pasianʼ heh theihtheih nadingin bang hangin thu um mite tungah suan ding ihi hiam?

Mattiu 11:29

Keima hakkol zamin kisuan unla, kei kiangah hong kisin dih un. Kei pen kiniamkhiatin nem hithiat ka hih manin ka kiangah na tawl uh a dam ding hi.

Amos 1:1

Tekoa khua-a a teeng tuucingte lakah Amos a kici mi khat om hi. Uzziah pen Judah kumpi hi-in Joashʼ tapa Jeroboam in Israel kumpi a sep laitak, zinlin ma kum nih hun laitakin Pasian in Amos tungah hih thute kilangsak hi.

Jeremiah 27:12

Judah kumpipa Zedekiah kiangah zong tua bangmahin ka gen a, “Na nuntak theih nadingin Babylon kumpipaʼ hakkol pua in.

Jeremiah 27:8

“‘Ahih hangin gam khat peuhpeuh ahih kei leh kumpi khat peuhpeuh in Babylon kumpipa Nebukhadnezzarʼ na sem loin, Babylon kumpipaʼ hakkol a ngawng ah a puak kei leh, amah ka uk cipsak mateng namsau tawh, kialpi tawh, pulnatna tawh tua gam gim ka pia ding hi, Topa in kong ci hi.

Jeremiah 27:2

Topa in kei tungah, “Savun khau tawh a kithuah hakkol bawl inla, na ngawng ah thuah in.

Thukhente 5:23

“Topaʼ vantungmi in, ‘Meroz khua samsia in, a sunga teeng mite nasia takin samsia in. Bang hang hiam cih leh Topa a huh dingin a thahatpa dona ah Topa a huh dingin hong kuan lo uh hi,’ a ci hi.

Nehemiah 3:4

Amauteʼ zomah Hakkozʼ tapa Uriah, a tapa Meremoth in ama khawk sung puah hi. Tua zomah Meshezabelʼ tapa Berekhiah, a tapa Meshullam hi a, tua zomah Baanaʼ tapa Zadok in puah hi.

Nehemiah 3:6

Tua ciangin Paseahʼ tapa Joiada le Besodeiahʼ tapa Meshullam in Jeshanah Kongpi puah uh a, a zawlte khungin a kongkhakte a kalhna bulh uh hi.

2 KHANG TANGTHU NIHNATE 11:6

Amah in Bethlehem, Etam, Tekoa,

Jeremiah 6:1

Benjaminʼ suante aw, na suahtak nadingun tai un. Jerusalem khua taisan un. Tekoa khua ah peengkul tum unla, Bethlehem khua ah theihsakna meikhu khusak un. Bang hang hiam cih leh leilu lam panin gimna leh siatna lianpi a hong pai ding hi.