Nehemiah 2:8 - Tedim Bible Revision 2017

⁸ le biakinn hutna ding mun muanhuai kongpi ding, khuapi kulh ding le ka om nading inn lam nadingin sing hong piak theih nadingin kumpipaʼ tulak a kem Asafʼ tungah piak ding laikhak zong, kei tungah hong pia in,” ka ci hi. A dik ka Pasian in kei hong ompih ahih manin kumpipa in ka ngette hong pia hi.

Tedim Bible

⁸ leh biakinn hut nading mun muanhuai kongpi ding, leh khuapi kulh ding, leh ka om nading inn lam nadingin sing hong piak theih nadingin kumpipa’ tulak a kem Asaf tungah piak ding laikhak zong, kei tungah hong pia in,” ka ci hi. A dik ka Pasian in kei hong ompih ahih manin kumpipa in ka ngette hong pia hi.

Nehemiah 2:8 Referans Kwoze

Ezra 7:6

hih Ezra pen Babylon panin hong tung to hi. Amah pen Israel Pasian, Topa in a piak Moses thukham a siam lai thei mi khat ahi hi. Topa ahi ama Pasian in ompih ahih manin ama nget khempeuh kumpipa in a pia hi.

Isaiah 66:14

Hih thu a hong piang na muh uh ciangin na lungdam ding uh hi. Note hong thahatsakin hong cidamsak ding hi. Tua ciangin ka thu hong mangte ka huhna, ka galte tungah ka hehna ka lahna thu na thei ding uh hi, ci hi.

Nehemiah 7:2

ka sanggampa Hanani le biakinn a uk Hananiah in a et dingin Jerusalem ka pia hi; bang hang hiam cih leh Hananiah pen midang tampi sangin a citak zaw, Pasian a zahtak zaw khat ahi hi.

Daniel 1:9

Tua ciangin Pasian in Daniel tungah Ashpenaz in ngaihsut siamna a neih theih nadingin a bawlsak hi.

Ezra 5:5

Ahi zongin Pasian in Judah upate huh ahih manin Darias kiangah a thu va tungin ama tung pan thu a kingahkik hun dong a nasep zop suakna uh kikhak tan lo hi.

Piancilna 32:28

Tua ciangin amah in, “Na min Jakob, kici nawn loin Israel, kici ding hi. Bang hang hiam cih leh Pasian le mite tawh na kilaii khinzo a, na zo hi,” a ci hi.

2 KORIN NIHNA 8:16

Koteʼ hong kin zahin Titus in note hong kin nadingin Pasian in lungsim guan ahih manin Pasian tungah ka nuam mahmah uh hi.

Sawltak 26:22

Ahi zongin Pasian in tu ni ciang dong hong huh ahih manin mi lian mi neu, a kuamah peuh tungah thu a hilh ka hi hi. Keima thuhilhte pen kamsangte le Moses in hong tung ding hi, ci-in a gen thute mah ahi hi.

Sawltak 7:10

a thuakna khempeuh panin na hon khia hi. Egypt kumpipa Faroʼ mai ah Josef a tun ciangin Pasian in ama tungah pilna le a deihhuai gamtat hoih na guan hi. Tua ahih manin Faro in ama khutnuai ah a gam a uk sawn ding le a kumpi inn sung khempeuh a van dingin a koih hi.

Paunak 21:1

Topaʼ khut sungah kumpipa om a, lo sunga tui lak bangin a deihna peuh ah hei kawikawi thei hi.

Ezra 7:9

A kha masa a ni khat ni-in Babylon pan a ding khia dingin Ezra in a ni sehkhol a, a kha ngana a ni khat ni-in Jerusalem a tung uh hi; bang hang hiam cih leh Pasian in amah ompih hi.

Ezra 6:22

Tua hi a, amaute in lungdamna tawh ni sagih sung silngo sawh loh anlum pawi a bawl uh hi. Bang hang hiam cih leh amauʼ lungdam nading a om theih nadingin Topa in Assiria kumpipaʼ lungsim amauʼ tungah a nuam dingin a bawlsak hi. Tua ahih manin Israel Pasian ahi Pasianʼ biakinn a sepna uh ah kumpipa in amaute a huh hi.

Thuhilh-sia 2:5

Huan bawlin singno cinna lo zong ka nei a, ka huan sungah nek theih namkim kidim hi.

Thuhilh-sia 2:6

Tua singnote tui piak nadingin tuikhuk pi zong ka bawl hi.

Ezra 6:8

Hih a kigen Pasianʼ biakinn a kilamkik theih nadingin hih Judah upate adingin na hih dingte uh zong thu kong pia hi. Hih nasepna a mawk khawl loh nadingin, Eufratis Gun gal gam sung panin a kingah siahte ahi kumpi sum sung panin beina khempeuh a cingin kipia ding hi.