Nehemiah 2:6 - Tedim Bible Revision 2017

⁶ Tua ciangin kumpipa in (kumpinu a gei ah tu kawmin), “Bang tanvei sawt dinga, cik ciangin hong ciahkik thei ding na hi hiam?” ci-in hong dong hi. Tua ahih ciangin kumpipa in ka ngetna hong thukimpih a, kei zong ka ciahkik ding hun ka gen hi.

Tedim Bible

⁶ Tua ciangin kumpipa in (kumpinu gei-ah tu kawmin), “Bang tan vei sawt ding a, cik ciangin hong ciahkik ding na hi hiam?” ci-in hong dong hi. Tua ahih ciangin kumpipa in ka ngetna hong thukimpih a, kei zong ka ciahkik ding hun ka gen hi.

Nehemiah 2:6 Referans Kwoze

Nehemiah 13:6

Babylon kumpipa Artakzaksis in a uk kum sawm thum le nihna kumin ama kiangah pai ka hih manin hih thu a pian laitakin Jerusalem ah ka om kei hi. Tawl khat khit ciangin kumpipa kiangah a khuan ka ngen a,

Isaiah 65:24

Amaute in hong sap ma-in keʼn ka dawng dinga, amaute in thu a gen laitakin keʼn ka za ding hi.

Nehemiah 5:14

Tua tham loin, Judah gam a uk dingin hong kiseh hun a kipan, Kumpi Artakzaksisʼ kum sawm nihna pan a kum sawm thum le nihna dong, kum sawm le kum nih sung, kei le ka behte in gam ukteʼ ngah ngei ante ka ne kei uh hi.

Isaiah 58:12

Tanglai-in a kisia na munte uh na lamkik ding uh a, khang tampi sung a kisia bulpite na ding tosakkik ding uh hi. Note pen a sia a puahkik, ten nadingin mun siate a ngei a bangsakkikte hong kici ding hi.

Nehemiah 2:4

Tua ciangin kumpipa in, “Kei tungah bang hong ngen nuam na hi hiam?” hong ci hi. Kei zong ka lungsim tawng ah vantung Pasian kiangah thu ka ngen a,

Isaiah 61:4

Amaute in tanglai-a a sia sate, lamphakik ding uh a, a kisia-mai sate ding kiksak ding uh hi. Amaute in khang tampi sung a kisia-mai sa khuapite puahkik ding uh hi.

Nehemiah 1:11

Keima hong thungetna le nangma min a zahtak nuam na nasemteʼ thungetna na bil hong ngat in. Tu-in kei tungah maavanna hong pia inla, kei tungah hih kumpipa hong migitna ding lungsim hong guan in,” ka ci hi. Tua hun laitakin kei pen kumpipaʼ an a pia pa ka hi hi.

Nehemiah 2:5

tua khit ciangin kumpipa dawngin, “Kumpipa na lung a kim a, dik na sak leh, ka puahphatkik theih nadingin Judah gam sung ka pute ka pate a kivuina khuapi ah nong paisak nading kong thum hi, topa,” ka ci hi.

Daniel 9:25

Hih thu ciamteh inla thei in: Jerusalem lamkikna ding thu a kipiak hun a kipan sathau kinilh pa hong pai dong kum sagih mun sagih sung hi ding hi. Jerusalem kongzing lampi nei le kulhpi nei-in kilamkik dinga, kum sawm guk le nih mun sagih sung kip dinga, ahih hangin buai hunsung ahi ding hi.