Nehemiah 2:4 - Tedim Bible Revision 2017

⁴ Tua ciangin kumpipa in, “Kei tungah bang hong ngen nuam na hi hiam?” hong ci hi. Kei zong ka lungsim tawng ah vantung Pasian kiangah thu ka ngen a,

Tedim Bible

⁴ Tua ciangin kumpipa in, “Kei tungah bang hong ngen nuam na hi hiam?” hong ci hi. Kei zong ka lungsim tawngah vantung Pasian kiangah thu ka ngen a,

Nehemiah 2:4 Referans Kwoze

Paunak 3:6

Na hihna khempeuh ah amah phawk in. Tua hileh lampi man amah in hong lak ding hi.

Nehemiah 1:4

Hih thu ka zak ciangin tu sukin ka kap niloh a, ni tampi sung an tangin, vantung Pasian kiangah thu ka ngen hi.

Filippi 4:6

Thu khat peuhpeuh ah lunghimawh lua kei unla, na kisap bangbang uh, lungdamna tawh Pasian kiangah na ngen un.

Nehemiah 1:11

Keima hong thungetna le nangma min a zahtak nuam na nasemteʼ thungetna na bil hong ngat in. Tu-in kei tungah maavanna hong pia inla, kei tungah hih kumpipa hong migitna ding lungsim hong guan in,” ka ci hi. Tua hun laitakin kei pen kumpipaʼ an a pia pa ka hi hi.

Marka 10:51

Jesu in, “Bang kong hihsak ding deih na hi hiam?” ci-in a dot ciangin mittaw pa in, “Sia aw, khua ka mukik thei nuam hi,” a ci hi.

1 KUMPI MASATE 3:5

Gibeon ah zanin mang sungah Solomonʼ tungah Topa kilang hi. Pasian in, “Nang kong piak ding hong ngen in,” a ci hi.

Esther 7:2

A ni nih ni, amaute in zu a nek laitakun kumpipa in Esther kiangah, “Kumpinu Esther aw, nong nget nop bang ahi hiam? Nong nget khempeuh ka kumpi gam phel khat dongin hong kipia ding hi,” cikik leuleu hi.

Esther 5:6

Amaute in zu a nek laitakun kumpipa in Estherʼ kiangah, “Nong nget peuhpeuh hong kipia ding hi. Nong nget peuhpeuh ka kumpi gam phel khat ciang dong nangawn hong kipia ding hi,” a ci hi.

Esther 5:3

Tua ciangin kumpipa in ama kiangah, “Kumpinu Esther aw, bang thu ahi hiam? Kei tungah nong nget peuhpeuh, ka kumpi gam phel khat ciang dong, nang tungah hong kipia ding hi,” a ci hi.

2 SAMUEL NIHNA 15:31

Tua laitakin David kiangah, “Ahithofel zong mi sawmsimte lakah Absalom tawh om hi,” ci-in kigen hi. Tua ahih ciangin David in, “Topa aw, kong thum hi; Ahithofelʼ thugente haina-in na heisak in,” a ci hi.

Nehemiah 2:5

tua khit ciangin kumpipa dawngin, “Kumpipa na lung a kim a, dik na sak leh, ka puahphatkik theih nadingin Judah gam sung ka pute ka pate a kivuina khuapi ah nong paisak nading kong thum hi, topa,” ka ci hi.

Nehemiah 2:20

Tua ciangin amaute dawngin, “Vantung Pasian in ka maa uh hong telhsak dinga, ko ama nasemte in nasep a kipan ta ka hi uh hi; note in ahihleh Jerusalem tawh kisai-in thu na neih theih nadingun bangmah kimematna na nei kei uh hi,” ka ci hi.

Nehemiah 1:5

Ka thungetna ah, “Aw vantung Pasian, Topa, nang hong itin na thupiakna a zuite tungah thuciamna limtakin a zui, a lian a kihtakhuai Pasian aw,

Late 136:26

Vantung Pasianʼ tungah lungdamna ko un; bang hang hiam cih leh ama itna kip tawntung hi.

Sawltak 23:19

Galkap mangpa in zong a khutin tua pa lenin amau gel guak paikhia uh a, “Bang hong gen nuam na hi hiam?” ci-in a dong hi.