Nehemiah 2:12 - Tedim Bible Revision 2017

¹² Tua ciangin zanin vak khia-in mi tawm khat ka tonpih hi. Ahi zongin Jerusalem adingin ka bawlsak ding ka Pasian in ka lungsimah hong suahsak thu kuama kiangah ka gen kei hi. Keima tuanna sim loh ganhing dang ka kizuisak kei hi.

Tedim Bible

¹² Tua ciangin zan-in vak khia-in mi tawmkhat ka tonpih hi; ahi zongin Jerusalem’ adingin ka bawlsak ding ka Pasian in ka lungsim ah hong suahsak thu kuama kiangah ka gen kei hi. Keima tuan’na sim loh ganhing dang ka kizuisak kei hi.

Nehemiah 2:12 Referans Kwoze

Mangmuhna 17:17

Bang hang hiam cih leh Pasian in ama thugente a tun theih nadingin ama deihna bangin amaute in a sepnop nading uh lungsim guan a, lungsim kikhatin ganhing tungah amauʼ ukna aana a piasak hi.

Ezra 7:27

Tua ciangin Ezra in, “Jerusalem-a om Topaʼ biakinn tua bangin a min thangsak thuah dingin kumpipa lungsimah suak a, kumpipa le a thulamlakte le a uliante kei tungah a thunuam dingin a bawl i pu i pateʼ Pasian ahi Topa in thupha ngah tahen!” a ci hi. Tua hi a, Topa ka Pasian in kei hong ompihna thei ka hih manin ka lungsim hong hang a, kei hong zui dingin Israel makaite ka khawm hi.

2 KORIN NIHNA 8:16

Koteʼ hong kin zahin Titus in note hong kin nadingin Pasian in lungsim guan ahih manin Pasian tungah ka nuam mahmah uh hi.

Jeremiah 31:33

Ahih hangin Topa in kong cih in ah, tua hun hong tun ciangin Israel minamte tawh hih bangin thuciamna ka bawl ding hi: Amauteʼ sungah ka thukham ka koih dinga, amauteʼ lungtang tungah ka gelh ding hi. Kei pen amauteʼ Pasian ka hi dinga, amaute pen keima mite ahi ding uh hi.

Jeremiah 32:40

Amaute tungah a tawntungin hoihna ka bawl den nadingin amaute tawh tawntung thuciamna khat ka bawl ding hi. Kei kiang panin a kiheikhiat loh nadingun amaute sungah kei hong zahtak nading uh lungsim ka guan ding hi.

Amos 5:13

Tua ahih manin hih bang hun siat hun laitakin thu ngaihsun thei mite, pau loin a om khikhe, lamdangsak ding hi lo hi.

Thuhilh-sia 3:7

Bal kek hun om a, phop hun om hi. Daih hun om a, pau hun om hi.

Late 122:6

Jerusalem khuapi, a nopsak nading thu ngen unla, “Nang hong itte a daupai tahen.

Late 51:18

Na lungkimna pha tawh Zion tungah a pha bawl inla, Jerusalem kulhpite ciangkik ta in.

Thukhente 9:32

Tua ahih ciangin tu-in na ompih mite tawh zanin pai unla, gamlak ah pangsim un.

Thukhente 6:27

Tua ahih ciangin Gideon in a nasemte mi sawm paipihin, Topa in ama tungah a gen bangin a hih hi. Ahih hangin sunin a hih ding a innkuanpihte le a khua mite kihta lua ahih manin zanin a hih hi.

Mattiu 10:16

“Ngia hon lakah tuu a kikhah bangin note hong sawl khia ka hih manin gul bangin pilvang unla, vakhu bangin migi un.

Mattiu 2:14

Josef zong kithawi pah a, Egypt gam a zuan dingin naungek le a nu tawh zanpi mahin ding khia uh a,

Micah 7:5

Na veengteʼ thu upin nei kei inla, na lawmte zong muanin nei kei in. Na ang a lum na zi kiang nangawn ah thu na gen ding kidawm in.

Joshua 10:9

Tua ahih ciangin Gilgal panin zan tawntung pai to-in Joshua in thakhat thu-in amaute sim gawp hi.

Nehemiah 2:11

Jerusalem khua ka tun ciangin ni thum sung ka tawlnga hi.

Nehemiah 2:13

Kuam Kongpi tawnin Gulpi Tuikhuk le Nin Kongpi lamah ka pai a, a kicim sa Jerusalem kulhpi le mei in a kat tum sa a kongpite ka en hi.

Paunak 12:23

Mipilte in a theihna uh im khinkhian a, mihaite in a haina uh pho laklak hi.