Nehemiah 2:10 - Tedim Bible Revision 2017

¹⁰ Ahi zongin Israel miteʼ phattuam nading a sem dingin mi khat a paina thu Horonaim khuami Sanballat le Ammon mi sal ahi Tobiah in a zak uh ciangin nakpi takin lungkim lo uh hi.

Tedim Bible

¹⁰ Ahih zongin Israel mite’ phattuam nading a sem dingin mi khat hong paina thu Horonaim khuami Sanballat leh Ammon mi sal ahi Tobiah in a zak uh ciangin nakpi takin lungkim lo uh hi.

Nehemiah 2:10 Referans Kwoze

Nehemiah 4:7

Ahi zongin Sanballat, Tobiah, Arab mite, Ammon mite le Ashdod mite in Jerusalem kulh cian nasep kizom suakin, kulh vang teng huk ding a kipat khitna thu a zak uh ciangin heh mahmah uh hi.

Nehemiah 2:19

Ahi zongin Horonaim khuami Sanballat, Ammon mi sal ahi Tobiah le Arab gam mi ahi Geshem in tua thu a zak uh ciangin, kote zahpihna le simmawhna tawh, “Hih na sep uh bang ahi hiam? Kumpipa lehpan na hi uh hiam?” hong ci uh hi.

Paunak 27:4

Hehna le sinsona siahuai a, ahi zongin hazatna siahuai zaw lai hi.

Nehemiah 13:4

Ahi zongin tua hun ma-in, i Pasianʼ biakinn sunga vankoihna inn deite a uk dingin a kiseh, Tobiah tawh a kimeltheih siampi Eliashib in,

Nehemiah 6:1

Kongpite ah kongkhak ka bulh nai loh uh hangin, kulh ka cian khitna uh le a vang khat zong a om nawn lohna thu, Sanballat, Tobiah, Arab mi Geshem le ka gal dangte khempeuh un a zak uh ciangin,

Sawltak 5:24

Biakinn ukpa le siampi liante in hih thu a zak uh ciangin hih sawltakte a bangci thu hi ding hiam, ci-in lamdang a sa mahmah uh hi.

Sawltak 4:2

Hih sawltak nihte in misite thokik ding hi, cih a lahtel nadingun sihna panin Jesu thokik hi, ci-in mite kiangah thu hilh uh ahih manin nawngkai a sa uh hi.

Jeremiah 48:34

“Heshbon khua panin Elealeh khua le Jahaz dongah, Zoar khua panin Horonaim khua le Eglath-shelishiah khua dongah miteʼ kahna aw kiza hi. Bang hang hiam cih leh Nimrim tui nangawn keu ta a, kisusia ta hi.

Jeremiah 48:5

Luhith mual kah tohna lampi ah a paikawmun a kap uh hi. Horonaim khua ah a tuah suk laitakun khuapi siatna hangin a kikona aw uh a za uh hi.

Isaiah 15:5

Moab gam adingin ka lungsim kiko hi. A galtai ama mite Zoar khua le Eglath-shelishiah khuate ah a tai uh hi. Bang hang hiam cih leh Luhith lampi ah amaute a kap sa-in pai to uh hi. Horonaim khua zuatna lampi ah amaute in siatna a thuakna uh hangin nakpi-in kiko uh hi.

Thuhilh-sia 10:7

Sakol tungah silate tuang a, mi liante, sila bangin a khe-un pai uh hi.

Paunak 30:22

sila khat kumpi a suah ciang, mihai khat in a duh bangbang a nek zawh ciang,

Late 112:10

Migilo in hih thu mu-in a heh suak mahmah a, a ha gawigawi-in a tui mang hi. Migiloteʼ lametna a mawkna a suakta hi.

Nehemiah 13:1

Tua ciangin amaute in mipiʼ zakin Mosesʼ laibute sim uh a, Pasianʼ miteʼ kikhopna ah Ammon mi le Moab mite a kihel ngei loh nading thu kiphawk khia hi;

Nehemiah 6:16

Ka galte un hih thu za-in, ka kiim uh a om minam dangte in a theih uh ciangin lamdang sa a, koteʼ Pasianʼ huhna tawh hih nasep kizo ahihna a phawk uh hi.

Nehemiah 13:28

Siampi lianpen pa Eliashibʼ tapa Jehoiadaʼ tapate khat pen Horonaim khuami Sanballatʼ makpa na hi hi. Tua ahih manin keima kiang panin amah ka hawl khia hi.

Esther 10:3

Bang hang hiam cih leh Kumpipa Ahasuerasʼ zomah Mordekai a lian pen ahi hi. Mordekai in ama miteʼ phattuam nading le a suanlekhakte uh a khantoh nading hanciam ahih manin Jew mite lakah mi lian khat hi a, a gam mihonpite in a it kim uh hi.

Jeremiah 41:10

Tua ciangin kumpi cing galkap maang Nebuzaradan in, Ahikamʼ tapa Gedaliahʼ uk dingin a piak kumpipaʼ tanute le Mizpah khua-a a kinusia mi khempeuh a kipan Mizpah khua ah a om lai mi khempeuh Nethaniahʼ tapa Ishmael in man a, Ammon gam lam zuanin a paikhiatpih hi.