Nehemiah 13:5 - Tedim Bible Revision 2017

⁵ Levi mite, lasate le kongcingte tungah piak dingin a kisawl an tawh biakna, paknamtui, umlebeelte, sawm-ah-khat a kipia an, leenggahzu le sathau le siampite adingin a kipia nate a koihna ngei uh inn dei lianpi khat, Tobiah adingin bawlsak hi.

Tedim Bible

⁵ Levi mite, lasate, leh kongcingte’ adingin piak dingin a kisawl an tawh biakna, paknamtui, um-le-beelte, an sehsawm suah sehkhat, leenggahzu, leh sathau, leh siampite’ adingin a kipia nate a koihna ngei uh inndei lianpi khat, Tobiah’ adingin bawlsak hi.

Nehemiah 13:5 Referans Kwoze

Nehemiah 12:44

Tua ciangin khuapiteʼ kiimah lo omte panin a golna le a neuna tawh kizui-in siampite le Levi mite adingin thukham sunga om bangin a kaihkhop ding uh a kipia nate, anpalte le sawm-ah-khatte a koih nading uh vankoihna innte a uk dingin mi kiseh hi; bang hang hiam cih leh siampite le Levi miteʼ nasepna hangin Judah mi khempeuh lungdam mahmah uh hi.

Nehemiah 10:38

Levi mite in sawm-ah-khat a khop uh ciangin Aaronʼ suan siampite tawh hih khawm ding uh hi. Tua ciangin Levi mite in i Pasianʼ biakinn sunga vankoihna a kilawm mun inn deite ah sawm-ah-khat a ngah uh sung pan sawm-ah-khat puak sawn ding uh hi.

2 KHANG TANGTHU NIHNATE 34:11

Amaute in a kito suangte lei nading le Judah kumpite in a siatsak, tep nadingin singte le biakinn lam nadingin innkamte lei nadingin khutsiamte le innlamte tungah a sumte a pia uh hi.

Nehemiah 10:37

le annel lom meek masak pen siampite tungah puak ding le gah nei sing khempeuh panin a gah masa, sathau le leenggahzu thakte khempeuh i Pasianʼ biakinn sung vankoihna ah puak ding le lokhawhna khuaneute khempeuh ah sawm-ah-khat a kaikhawmte pen Levi mite ahih manin leitang panin sawm-ah-khat khempeuh Levi mite kiangah puak ding ka kiciam uh hi.

Nehemiah 13:7

Jerusalem ah ka ciahkik hi. Tua ciangin Tobiah adingin Pasianʼ biakinn huang sungah inn dei khat a vaihawmsakna thu, Eliashibʼ gamtat hoih lohna ka phawk khia hi.

Ezekiel 40:38

Tual pua nung sungah lampi tawh a kimatin inn dei gol khat om a, a inn dei pen a tual lam a nga hi. Hih lai munah, biakna-in a pum a a hal ding uh ganhing luangte silsiang uh hi.

2 KHANG TANGTHU NIHNATE 31:11

Tua ciangin amaute in Topaʼ biakinn sungah inn deite a bawl nading uh Hezekiah in thu pia a, amaute in zong a deite a bawl uh hi.

Nehemiah 10:36

Thukham sunga kigelh mah bangin i Pasianʼ biakinn ah a om, i Pasianʼ biakinn sungah na a sem siampite kiangah zong tapa upa pente le bawngteʼ tacilte le ganhonteʼ tacilte le tuuhonteʼ tacilte paipih ding,