Nehemiah 13:2 - Tedim Bible Revision 2017

² bang hang hiam cih leh amaute in anletui tawh Israel mite na dawn lo uh a, amaute a samsia dingin Balaam cial zawsop uh hi. Ahi zongin i Pasian in tua samsiatna thupha-in hong heisak hi.

Tedim Bible

² bang hang hiam cih leh amaute in an leh tui tawh Israel mite na dawn lo uh a, amaute a samsia dingin Balaam cial zawsop uh hi. Ahi zongin i Pasian in tua samsiatna thupha-in hong heisak hi.

Nehemiah 13:2 Referans Kwoze

Thu-hilhkikna 23:5

Ahih hangin Topa na Pasian un Balaamʼ thu ngai lo hi. Topa na Pasian un note hong it ahih manin, Topa na Pasian un samsiatna pen note adingin thupha-in hong heisak zaw hi.

Mattiu 25:40

Tua ciangin Kumpipa in amaute kiangah, ‘Note kiangah kong genin ah: Hih ka sanggamte a neu pen khat nangawn na limbawl uh ciangin kei tungah a hong bawl na hi uh hi,’ ci-in a dawng ding hi.

Micah 6:5

Ka mite aw, Moab Kumpi Balak in note sukna ding a vaihawmna teng, Beorʼ tapa Balaam in ama nget bangin a sepna teng limtakin phawkkik un. Note hotkhiat nadingin ka sepna thu na theih nadingun Shittim le Gilgal kikal a thupiangte ngaihsunkik un,” a ci hi.

Late 109:28

Amaute in kei hong samsiat hangin nangmah in kei thupha nong pia ding hi. Ka langte zahhuaisak inla, na nasem pa keimah hong kipsak ta in.

Gamlak-vakna 23:18

Tua ciangin Balaam in a thugen ding teng genin: “Balak aw, ka thugen ding za in. Zipporʼ tapa aw, ka thu ngai in:

2 PETER NIHNA 2:15

Thuman lampi nusia-in gammang uh a, a man loin gamtatna tawh sum a ngah nuam Beorʼ tapa Balaamʼ gamtat bangin gamta uh hi.

Thu-hilhkikna 23:3

“Ammon mite ahi a, Moab mite ahi zongin Topa ading kikhopna sungah lut thei lo ding uh hi. A khang sawmna dong nangawnun Topa ading kikhopna sungah lut thei ngei peuhmah lo ding uh hi.

Thu-hilhkikna 23:4

Bang hang hiam cih leh Egypt panin na paikhiat lai-un lampi ah anletui tawh amaute in note hong dawn lo uh a, note hong samsia dingin Mesopotamia gam Pethor khua panin Beorʼ tapa Balaam cial uh hi.