Nehemiah 11:3 - Tedim Bible Revision 2017

³ Hih a nuai-ate pen Jerusalem-a a teeng a uk sawn ukpite ahi uh hi. Ahi zongin Judah khuapi dangte ah Israel midangte, siampite, Levi mite, biakinn nasemte le Solomonʼ nasemteʼ suanlekhakte teeng uh a, amauʼ neihsa, amauʼ khuapi ciatah teeng uh hi.

Tedim Bible

³ Hih anuai-ate in Jerusalem-a a teeng a uksawn ukpite ahi hi; ahi zongin Judah khuapi dangte ah Israel midangte, siampite, Levi mite, biakinn nasemte, leh Solomon’ nasemte’ suan leh khakte teeng uh a, amau’ neihsa, a khuapi ciat uhah teeng uh hi.

Nehemiah 11:3 Referans Kwoze

Nehemiah 7:73

Tua ciangin siampite, Levi mite le mi pawl khatte Jerusalem khua le a kiimah teeng uh hi; kongcingte, lasate, biakinn nasemte le Israel midangte amauʼ khuapi ciatah a teeng uh hi.

Ezra 2:43

Biakinn nasemte sung panin Ziha suante, Hasufa suante, Tabbaoth suante,

Ezra 2:1

Babylon kumpi Nebukhadnezzar in a zawhna gam panin Babylon ah salin a lakte sung panin hih mite Jerusalem le Judah ah a ciahkikte hi a, amauʼ khua ciatah a ciah uh ahi hi.

Nehemiah 11:20

A om lai Israel-te, siampite le Levi mite ahihleh Judah khuapi dangte ah amauʼ luah leitang ciatah teeng uh hi.

Nehemiah 7:6

Babylon kumpipa Nebukhadnezzar in a zawhna gam panin salin a lak mite sung panin hih mite pen Zerubbabel, Jeshua, Nehemiah, Mordekai, Bilshan, Mispereth, Bigvai, Nehum le Baanah-teʼ makaihna tawh Jerusalem le Judah gam sung amau khua ciatah a hong ciahkik ahi uh hi. Israel sung panin mi a phazah:

Ezra 2:70

Siampite, Levi mite le mi pawl khatte Jerusalem le a kiim nai ah teeng uh hi. Lasate, kongcingte, biakinn nasemte le Israel mi khempeuh amauʼ khuapi ciatah a teeng uh hi.

Nehemiah 11:4

Judah minam le Benjamin minam sung panin mi pawl khat zong Jerusalem ah teeng uh hi. Perezʼ suan Mahalalel, a tapa Shefatiah, a tapa Amariah, a tapa Zekhariah, a tapa Uzziah, a tapa Athaiahʼ suante,

Nehemiah 7:39

Siampite sung panin: Jeshua-te beh panin Jedaiah suante - za kua sawm sagih le thum ahi hi.

Nehemiah 7:43

Levi mite sung panin: Hodevah te beh panin Jeshua suante le Kadmiel suante - sawm sagih le li ahi hi.

Nehemiah 7:46

Biakinn nasemte sung panin a hong ciahkikte: Ziha suante, Hasufa suante, Tabbaoth suante,