Nehemiah 11:1 - Tedim Bible Revision 2017

¹ Tua ciangin Jerusalem ah mi makaite teeng uh hi. Tua lo midang teng, amauʼ lak pan mi sawm-ah-khat, khuapi siangtho Jerusalem ah a teeng ding aisanna tawh kiteel uh a, a om lai mi sawm ah kuate ahihleh khuapi dangte ah om uh hi.

Tedim Bible

¹ Tua ciangin Jerusalem ah mi makaite teeng uh hi; tua lo midang teng, amau’ lak pan mi sawm-ah khat, khuapi siangtho Jerusalem ah a teeng dingin aisaanna tawh kiteel uh a, a om lai mi sawm-ah kuate ahih leh khuapi dangte ah om uh hi.

Nehemiah 11:1 Referans Kwoze

Isaiah 48:2

Note tua bang hi napi-in, khuapi siangtho sungah a teeng mite ihi a, Israel Pasian i muang hi. Ama min pen Vanglian Topa ahi hi, ci-in kisaktheihna-in na nei zaw lai uh hi.

Isaiah 52:1

Zion aw, khanglo in; khanglo inla na tha khauhsak in. Khuapi siangtho Jerusalem aw, na puan hoihte silh in. Bang hang hiam cih leh dawibia mite le a nin mite nang sungah hong pai nawn lo ding hi.

Nehemiah 11:18

Khuapi siangtho sungah Levi mi a om khempeuh mi za nih sawm giat le li a pha uh hi.

Nehemiah 10:34

Tua ciangin thukham sunga a kigelh bangin a kiseh hunin a kumkumin Topa eiteʼ Pasianʼ biakna tau tungah cih dingin beh a banbanin i Pasianʼ biakinn sungah sing a kitut nadingin siampite, Levi mite le ko mi vekpite in sing pua ding sehna ai ka san uh hi.

Mattiu 4:5

Tua ciangin Dawimangpa in gamlak panin Jerusalem khua ah Jesu paipih a, biakinn khumzang a sang pen munah a kah toh pih khit ciangin,

Sawltak 1:24

Tua ciangin amaute in thu ngen uh a, “Mihing khempeuhʼ lungsim sung thu a thei Topa aw, ama om nadingin a kilawm munah a om dingin sawltak nasep panin a hong paisan Judas tang dingin, hih mi nih sung panin na teel penpen hong hilh in,” a ci uh hi.

Mattiu 27:53

Han khuk panin amaute paikhia uh a, sihna panin Jesu a thawhkik khit ciangin, amaute zong khuapi siangtho sungah hong lut uh a, mi tampi in a mu uh hi.

Paunak 16:33

Mite in bangbangin ai a san zongin, a piang ding thu pen Topaʼ deihna bang bek hizaw hi.

Late 122:5

Davidʼ innkuanteʼ kumpi tokhom, thukhen nading kumpi tokhomte, tua lai ah kikoih hi.

1 KHANG TANGTHU MASATE 26:13

Amaute in a neu a lian a kibangin a pate uh inn kuankuanin amauʼ kongpi cin ding ai san uh hi.

Joshua 18:10

Joshua in amaute adingin Topaʼ mai Shiloh ah ai sansak hi. Tua ciangin Joshua in amauʼ tanh ding ciat Israel-te tungah leitang a pia hi.

Sawltak 1:26

Tua ciangin a teel nadingun lai ai san uh a, Matthias in ngah ahih manin sawltak sawm le khatte tawh a kisim khawm pah hi.

1 KHANG TANGTHU MASATE 9:3

Tua ciangin Judah, Benjamin, Efraim le Manasseh mi pawl khat Jerusalem ah teeng uh a, tua a teengte:

1 KHANG TANGTHU MASATE 8:28

Hihte pen amau khang tawh kizui-in beh lutangte, a ukpite ahi uh hi. Hihte khempeuh Jerusalem ah a teeng uh hi.

1 KHANG TANGTHU MASATE 9:1

Israel mi khempeuh khangsimna ah kiciamteh a, Israel Kumpiteʼ Laibu sungah tuate kigelh hi. Amau thuman lohna hangin gimpiakna-in Babylon ah salin Judah mite kipaipih hi.

1 KHANG TANGTHU MASATE 9:2

Tu-in amauʼ neihsa amauʼ khuapite sungah a tengkik masate pen Israel nautangte, siampite, Levi mite le biakinn nasemte ahi uh hi.

Nehemiah 4:22

Tua hun mahin mite kiangah, “Zanin galvil, sunin nasemin hong om theih nadingun mi khempeuh na nasemte ciat uh tawh Jerusalem khua sungah hong giak un,” ka ci hi.

Late 122:6

Jerusalem khuapi, a nopsak nading thu ngen unla, “Nang hong itte a daupai tahen.