Nehemiah 1:9 - Tedim Bible Revision 2017

⁹ Ahi zongin kei kiangah hong ciahkikin ka thupiaknate zui-in na sep uh leh leimong dongah a kithehthang sa na mite uh kaikhawmin keima min om nadingin ka teelna sa munah amaute ka ciahpih ding hi,’ ci-a na thugen hong phawkkik in.

Tedim Bible

⁹ ahi zongin kei kiangah hong ciahkikin ka thupiaknate zui-in na sep uh leh leimong dongah a kithehthangsa na mite uh kaikhawmin keima min om nadingin ka telnasa munah amaute ka ciahpih ding hi,’ ci-a na thugen hong phawkkik in.

Nehemiah 1:9 Referans Kwoze

Jeremiah 32:37

En in, ka hehna, ka thangpaihna le ka lungkim lohna lianpi tawh ka hawl khiatna gam khempeuh panin amaute ka kaikhawmkik dinga, hih munah tun pihkikin, lungmuang takin ka omsak ding hi.

Mattiu 24:31

Nakpi takin peengkul hong ging dinga, leitung mun khempeuh ah a vantung mite hong paisakin, leimong khat pan mong khat dongin, a teel sa mite a kaikhawmsak ding hi.

Jeremiah 12:15

Ahih hangin amaute ka lakkhiat khit ciangin ka hehpihkik dinga, amauʼ luah ding amauʼ gam ciatciat uh ah ka koihkik ding hi.

Isaiah 56:8

Israel a kikhenthangte a kaikhawm Topa Pasian in, a kikaikhawm sa mite banah midangte keima kiangah ka kaikhawm lai ding hi, ci hi,” a ci hi.

Late 147:2

Topa in Jerusalem khuapi lam a, amah in a kinil khia Israel-te a kaikhawm hi.

Ezra 6:12

Hih ka thupiakna a siasak nuam, Jerusalem-a Pasianʼ biakinn a susia nuam kumpi khatpeuh ahi a, mi khatpeuh ahi zongin a om leh, ama min omna dinga tua mun a bawl Pasian in tua mipa lawnthal tahen. Keimah Darias in thu kong pia hi. Ka thupiak bang teekteekin sep ding ahi hi,” a ci hi.

Thu-hilhkikna 12:5

Topa na Pasian un na minam khempeuh uh sung panin ama min koih nadingin teelin, ama om nadinga a bawlna mun na zong ding uh hi.

Ezekiel 36:24

Gam khempeuh le minam khempeuhte lak panin note hong kaikhawmkikin na gam uh ah kong tunpihkik ding hi.

Jeremiah 31:10

“Aw, gamdangte aw, Topaʼ kammal ngai unla, gamlapi, tuipi gei-a omte kiangah va gen sawn un. ‘Israel mite a kithehthang sakpa in kaikhawmkik dinga, tuucingpa in a tuute a kep bangin a kem ding hi,’ va ci un.

Isaiah 11:12

Amah in minamte adingin lim khat koih dinga, Israel mi a kihawl khiate kaikhawmin, leitung kiu li panin Judah mi a kikhenthangte kaikhawm ding hi.

Late 106:47

Topa, koteʼ Pasian aw, kote hong hon inla, nangma min siangtho kong phat theih nading uh le nangma tungah lungdamna kong koh theih nadingun minam dangteʼ lak panin kote hong kaikhawmkik in.

1 KUMPI MASATE 9:3

Topa in ama kiangah, “Keima mai ah na hih sa na thungetna le na thumnate ka za khin hi. Na lam sa hih biakinn ka ap khin hi. A tawntungin tua biakinn sungah kei hong kibia dinga, a tawntungin tua biakinn ka hu ding hi.

Jeremiah 3:14

Hong kilehkik un, a zulhzau ka tate aw, Topa in kong ci hi. Bang hang hiam cih leh note pen keima mite na hi uh a, khuapi khat panin mi khat, beh khat sung panin nih cih bangin hong la-in, Zion khua ah ka hong puak ding hi.

1 KHANG TANGTHU MASATE 16:35

“Kote hong khah khia in, kote hong hon khia Pasian aw, minam dangte lak panin kote hong kaikhawm in. Na min siangtho tungah lungdam kong koh theih nading uh le, nangmah phatna ah ka minthan nadingun kote hong hon in.

Thu-hilhkikna 12:21

Topa na Pasian un ama min koih nadingin a teelna mun pen note kiang panin a gamla lua ahihleh, note kong thupiak sa bangin Topa in no hong piak sa na bawng hon uh pan ahi a, na tuu hon uh pan ahi zongin khat peuhpeuh na go thei ding uh a, na duh zahzah uh na khua sung uh ah na ne thei ding uh hi.

1 KUMPI MASATE 8:48

amaute manin a pua khia a galte uh leitang ah a ngaihsutna khempeuh uh le a lungsim khempeuh uh tawh amaute kisikkikin, nangmah in na teel sa khuapi, amauʼ pute pateʼ tungah na piak sa amauʼ leitang le nangma min dingin ka lam biakinn lam nga-in nangma tungah thu hong nget uh leh

Isaiah 27:12

Israel mite aw, tua ni ciangin Eufratis gunpi panin Egypt luipi dongin Topa in thu hong khen dinga, note khatkhatin hong kikaikhawm ding hi.

Jeremiah 6:22

Topa in, “En un, leilu lam gam panin mi hong pai uh a, leimong gamla pen panin galsim dingin gam lian khat hong kithawithawi hi.

Ezekiel 14:6

“Tua ahih ciangin Topa Pasian ahi keima thugen pen Israel mite tungah hih bangin gen in: Hong kiheikik unla, na milimte uh nusia un.

Siampi Laibu 26:3

“Note in ka thukham zui-in, ka thupiaknate mangin tuate na sep uh leh,

Thu-hilhkikna 30:1

“Noteʼ mai ah ka koih, na teel ding thu thupha le samsiatna, hih nate khempeuh note tungah hong tungin, Topa in note hong hawl khiatna minamte lakah hih thute phawkkikin,

Zekhariah 8:7

Nisuahna le nitumna gamte panin ka mite ka hon khia dinga,