Nehemiah 1:6 - Tedim Bible Revision 2017

⁶ Israel mi ahi na nasemteʼ tangin sun le zanin kong thunget nilohna a ngai dingin na bil hong ngat inla, na mit hong hak in. Nangma tungah ko Israel mite ka khialhna uh, keimah le ka pu ka pate zong ka khialhna uh ahi ka mawhnate uh kong pulak uh hi.

Tedim Bible

⁶ Israel mi ahi, na nasemte’ taangin sun leh zanin kong thunget nilohna a ngai dingin na bil hong ngat in la, na mit hong hak in. Nangma tungah ko Israel mite ka khialhna uh, keimah leh ka pu ka pate zong ka khialhna uh ahi ka mawhnate uh kong pulak uh hi.

Nehemiah 1:6 Referans Kwoze

Daniel 9:20

Keima mawhna le ka mipih Israel-teʼ mawhna pulakin, ka Topa Pasian kiangah a biakinn siangtho a hong puahkik nadingin thumin ka ngenngen hi.

Daniel 9:4

Topa ka Pasianʼ kiangah thu ngenin ka miteʼ mawhna ka pulak hi. Keimah in, “Topa Pasian aw, nang na lian a, ka hong zahtak uh hi. Nang na thuman a, na thuciamna le na thupiakna a mangte le a hong itte a tawntungin na it hi.

Late 34:15

Topaʼ mit in thuman miteʼ lam en a, amauʼ kikona lamah a bil a ngat hi.

Late 106:6

Ka pu ka pate uh a kipan kote ka khial khin uh hi. Mawhna ka bawl khin uh a, ka gilo gamtat khin uh hi.

2 KHANG TANGTHU NIHNATE 29:6

Bang hang hiam cih leh i pute i pate citak lo a, Topa i Pasianʼ muhna ah a sia gamta uh hi. Amaute in amah nusia-in, Topa i Pasianʼ muhna ah a sia gamta uh hi. Amaute in amah nusia-in, Topaʼ teenna panin a mai uh hei khia uh a, a nung uh ngat uh hi.

2 KHANG TANGTHU NIHNATE 6:40

“Ka Pasian aw, tu-in na mit hak inla, hih lai mun a thungetna na bil hong ngat in.

Isaiah 6:5

Tua ciangin keimah in, “Gim ngah pa hi ta ing! Bang hang hiam cih leh a mawknapi ka hi hi; ka kam a ka thugen khempeuh a mawkna vive hi a, a thugen khempeuh uh mawhna le nitna ahi mite lakah ka teeng kha hi. Vanglian Topa, Kumpipa ka mu kha khinta hi,” ka ci hi.

1 JOHAN MASA 1:9

Ahi zongin Pasian kiangah i mawhnate va pulak lehang, amah citakin thuman ahih manin, i mawhnate hong maisakin i hoih lohnate khempeuh hong siangsak ding hi.

Luka 18:7

A sun a zanin ama tungah a thumthum ama miteʼ thu a manin Pasian in khensak lo ding ahi hiam? Amaute a huh ding kizekaisak ding ahi hiam?

2 TIMOTI NIHNA 1:3

A sun a zanin ka thungetna ah nang ka hong phawk tawntung a, ka pu ka pateʼ sep mah bangin kisuanna lungsim om het loin a na ka sep Pasian tungah ka lungdamna ka ko hi.

Kah la 5:7

Ka pu ka pate un mawhna a bawl manun a si khin uh hi. Amauteʼ mawhna kote in ka thuak uh hi.

1 TIMOTI MASA 5:5

A kem a khoi ding a om lo meigong taktak ahi numeite in Pasian bek mah muan le suanin nei-in, a sun a zanin Pasianʼ huh ding deihin thu ngen tawntung uh hi.

Late 130:2

Topa aw, ka aw hong za in. Ka thumna awgingte hong ngai in.

Late 55:17

Nitak, zingsang le sunin ka gimna leh ka thumnate ama tungah ka gen a, amah in keima thumna aw, hong za ding hi.

Late 32:5

Keima khialhnate nangma tungah kong pulak a, ka mawhna ka im kei hi. “Ka khialhnate khempeuh Topaʼ tungah ka pulak ding hi,” ka ci hi. Tua ciangin ka mawhna nin nong maisak hi.

Ezra 10:1

Ezra in tu-a bangin thu ngenin mawhna pulakin khitui naptui tawh Pasianʼ biakinn mai ah kunin a om laitakin Israel mi numei, pasal, naupang, mi tampi tak ama kiimah hong kikhawmin amaute khempeuh zong nakpi takin a kap uh hi.

Efesa 2:3

A taktakin eite khempeuh zong amaute mah i bang ngei a, i pianpih lungsim zui-in nungta-in, i pumpi le i lungsim deihna bangin i gamta hi. Tua ahih manin eite khempeuh zong Pasianʼ hehna hangin gim a thuak dingte ihi hi.

Luka 2:37

kum sawm giat le kum li sung meigongin a om ahi hi. Amah pen biakna a nusia ngei lo mi khat hi a, a sun a zanin Pasian bia-in an tangin thu a ngenngen mi khat ahi hi.

Late 88:1

Topa, ka Pasian aw, sunin huhna kong ngen a, zan hun sungin nangma mai ah kong kiko hi.

Ezra 10:11

Tua ahih ciangin tu-in na pu na pate uh Pasian ahi Topaʼ tungah na mawhna uh pulak unla, ama deihna bangin gamta-in hih gam a teeng gamdang mite le gamdang mi ahi na zite uh tawh kikhenin tuam om un,” a ci hi.

2 KHANG TANGTHU NIHNATE 28:10

Tu-in note in Judah mi le Jerusalem mi, numei le pasalte, na sal dingun nuaisiah na sawm uh hi. Topa na Pasian uh tungah nomau mahmah in khialhna nei hi lo na hi uh hiam?

1 SAMUEL MASA 15:11

“Kumpi-in Saul ka koih ka kisik hi. Bang hang hiam cih leh amah pen keimah zuihna panin kiheikik a, ka thupiaknate sem lo hi,” a ci hi. Tua ciangin Samuel heh hi; zan tawntung Topaʼ tungah kiko hi.

1 KUMPI MASATE 8:30

Amaute in hih mun lamah hong nget uh ciangin na mi Israel-teʼ hong thumna zong ngai in. Na teenna mun vantung panin hong za inla, ka mawhna uh hong maisak in.

1 KUMPI MASATE 8:47

ahi zongin amaute a kipuak khiatna leitang ah amaute in a lungsim uh ah thu ngaihsunin kisikkik a, ‘Kote khialin lam pialin ka gitloh tat uh hi,’ ci-in amaute a manteʼ leitang panin nang tungah hong thum uh a,

Nehemiah 1:11

Keima hong thungetna le nangma min a zahtak nuam na nasemteʼ thungetna na bil hong ngat in. Tu-in kei tungah maavanna hong pia inla, kei tungah hih kumpipa hong migitna ding lungsim hong guan in,” ka ci hi. Tua hun laitakin kei pen kumpipaʼ an a pia pa ka hi hi.

Late 102:17

Amah in mi cimawhteʼ thungetna kinin, amauʼ thumna simmawh lo ding hi.

Daniel 9:5

“Kote ka hih uh leh ka gilo uh a, mawh khinin ka khial khin uh hi. Na hong sawlna bang ka mang kei uh a, na thupiakna le na thukhamte ka taisan khin uh hi.

Daniel 9:8

Ka kumpite uh, ko hong ukte le ka pu ka pate uh a zumhuai-in gamta uh a, a hong uk Topa nangma tungah hong khial khin uh hi.

Daniel 9:15

“Koteʼ Topa Pasian aw, na mihingte Egypt gam panin na hong la khia a, na vangliatna tu dongin kiphawk lai hi. Ka mawh khin uh a, ka khial khin uh hi.