Nehemiah 1:3 - Tedim Bible Revision 2017

³ Salsuahna panin a suakta, tua gam a om suakte in haksatna lianpi le maizumna a ngahna uh le Jerusalem kulh kicimin kulh kongpite mei in a kat tumna thu a hong gen uh hi.

Tedim Bible

³ Salsuahna panin a suakta, tua gam-a a om suakte in haksatna lianpi leh maizumna a ngahna uh, leh Jerusalem kulh kicimin kulhkongpite mei in a kattumna thu hong gen uh hi.

Nehemiah 1:3 Referans Kwoze

Nehemiah 2:17

Tua ciangin amaute kiangah, “I lungkhamna thu na thei uh hi. Jerusalem a siasa-in omin, a kongpite mei in kaang tum hi. Hong pai un, zahkona i ngah nawn loh nadingin Jerusalem kulh ciang pha ni,” ka ci hi.

2 KUMPI NIHNATE 25:10

Tua ciangin a cingte a ukpa tawh a om Khaldea mi galkapte khempeuh in Jerusalem kimkot a kulhpi susia uh hi.

Nehemiah 7:6

Babylon kumpipa Nebukhadnezzar in a zawhna gam panin salin a lak mite sung panin hih mite pen Zerubbabel, Jeshua, Nehemiah, Mordekai, Bilshan, Mispereth, Bigvai, Nehum le Baanah-teʼ makaihna tawh Jerusalem le Judah gam sung amau khua ciatah a hong ciahkik ahi uh hi. Israel sung panin mi a phazah:

Nehemiah 2:13

Kuam Kongpi tawnin Gulpi Tuikhuk le Nin Kongpi lamah ka pai a, a kicim sa Jerusalem kulhpi le mei in a kat tum sa a kongpite ka en hi.

Nehemiah 2:3

kumpipa ka dawng a, “Kumpipa nungta tawntung in. Ka pute ka pate a kivuina khuapi sia gawp a, a kongpite kaang tum ahih ciangin mai khing loin bangci om theih ding ka hi hiam?” ka ci hi.

Ezra 5:8

“Judah gam, a lian Pasianʼ biakinn ah ka va paina uh kong theisak uh hi. Tua biakinn pen suang lianpipite tawh kilamin a kawmte sing tawh kibawl hi. Hih biakinn limtakin kisemin amauʼ makaihna tawh a nasep uh telh mahmah hi.

Kah la 5:1

Topa aw, kote tunga thupiangte hong phawk in. Hong en inla, ka maizumna uh hong mu in.

Kah la 3:61

“Topa aw, amauʼ hong simmawhnate na thei khinzo a, a ngimnate khempeuh uh zong na thei zo hi.

Kah la 1:7

Tu-in Jerusalem kisia zo ta a, nidang a a thupinate a nung phawkkik hi. Galte in a sim laitakin a huh ding khat beek a om kei hi. Guallel ahih manin a galte in a nuihsan uh hi.

Jeremiah 52:14

Amah tawh a om khawm a galkap khempeuh in Jerusalem khua kimkot a kulh khempeuh a susia hi.

Jeremiah 42:18

“Bang hang hiam cih leh Vanglian Topa, Israel miteʼ Pasian in kong cih in ah: Jerusalem khua ah a teeng miteʼ tungah ka hehna le ka thangpaihna a kibuak bangmahin Egypt gamah na pai uh leh note tungah ka hehna hong kibua ding hi. Mite in note hong lipkhap dinga, kihamsiatna-in hong zangin hong zahko ding uh hi. Note in hih mun na mukik nawn kei ding uh hi, ci-in gen hi,” ka ci hi.

Jeremiah 39:8

Babylon mite in kumpipaʼ inn le midangteʼ innte hal uh a, Jerusalem khua kulhpi a susia uh hi.

Jeremiah 29:18

Amaute, namsau, kialpi le pulnatna tawh ka nung delh dinga, ka hawlkhiat nading mun khempeuh ah mite in kihamsiatna-in a zat dingun simmawhna le zahkonate ka thuaksak dinga, amauteʼ thuakna hangin leitung gam khempeuh ka lausak ding hi.

Jeremiah 24:9

Amaute ka hawlkhiat nading mun khempeuh ah mite in kihamsiatna-in a zat dingun simmawhna le zahkonate ka thuaksak dinga, amauteʼ thuakna hangin leitung gam khempeuh ka lausak ding hi.

Jeremiah 5:10

A gualin a kisuan a leenggah huan sungah pai inla, suksiatsak in; ahi zongin suk maimangsak sam kei in. A hiangte heuh khiatsak in; bang hang hiam cih leh tua a hiangte Topa aʼ hi lo hi.

Isaiah 43:28

Na uliante un ka biakinn mindaisak uh ahih manin Israel tungah siatna ka tungsak a, Jakob ka mindaisak hi,” a ci hi.

Isaiah 5:5

Tu-in, ka leenggui lo tungah ka hih ding thu note tungah kong gen ding hi. A daai ka la khia dinga, kine mang ding hi. A gawl ka susia dinga, kituancil ding hi.

Late 79:4

Kote pen ka veengte uhʼ zahko, ka kiim uh a omte in a hong ko a hong nuihsat ka suak khinta uh hi.

Esther 1:1

Hih lai-a kigelh thupiangte pen India gam panin Ethiopia gam dong, gamneu za khat sawm nih le sagih a uk Ahasuerasʼ hun lai-a piang thu ahi hi.

Nehemiah 11:3

Hih a nuai-ate pen Jerusalem-a a teeng a uk sawn ukpite ahi uh hi. Ahi zongin Judah khuapi dangte ah Israel midangte, siampite, Levi mite, biakinn nasemte le Solomonʼ nasemteʼ suanlekhakte teeng uh a, amauʼ neihsa, amauʼ khuapi ciatah teeng uh hi.

Ezra 2:1

Babylon kumpi Nebukhadnezzar in a zawhna gam panin Babylon ah salin a lakte sung panin hih mite Jerusalem le Judah ah a ciahkikte hi a, amauʼ khua ciatah a ciah uh ahi hi.

1 KUMPI MASATE 9:7

amaute ka piak sa leitang panin Israel mite ka la khia ding hi. Tua ciangin ka min dingin ka ap sa biakinn pen ka muhna panin ka lawn khia dinga, Israel-te pen mi khempeuh lakah paunak le thu gentehna suak ding hi.

Paunak 25:28

Ama lungsim a ki-uk zo lo mipa pen dalna kulhpi a nei lo khuapi tawh kibang hi.

Kah la 2:9

Kulh kongpite cim gawpin lei in vukcip a, kongpi kalhna zawlte a kitan gawp hi. Kumpipa le mi liante salin a om khin uh hi. Thukham kihilh nawn lo a, kamsangte in Pasian kiang pan maang a mu nawn kei uh hi.

Siampi Laibu 26:31

Keimah in na khuapite uh siasakin, na biakna munte uh gamkhing ka suaksak dinga, nomauʼ hong biakna a gim namtuite ka diik kei ding hi.

Siampi Laibu 26:33

Keimah in minam dangte lakah note kong thehthang dinga, keimah in namsau a paai panin dokin note kong delh ding hi. Na leitang uh gamkhing suak dinga, na khuapite uh a sia hi ding hi.

2 KHANG TANGTHU NIHNATE 36:19

Tua ciangin amaute in Pasianʼ biakinn halin Jerusalem khua susia uh a, a kumpi inn khempeuh mei tawh halin umlebeel a manpha khempeuh a susia uh hi.