Nahum 3:6 - Tedim Bible Revision 2017

⁶ Nang hong huat bawlin ninbulom tawh kong kidimsak dinga, mite in lamdangsakna tawh nang hong en ding uh hi.

Tedim Bible

⁶ Nang hong huat bawlin, ninbulom tawh kong dimsak ding a, mite in lamdang sakna tawh hong en ding uh hi.

Nahum 3:6 Referans Kwoze

Malakhi 2:9

Tua ahih manin, note in ka thuhilhna zui loin, keima thu na hilh uh ciangin zong a kibangin hilh loin mi na deidan mah uh bangin, kei zong mi khempeuh mai ah simmawhna le niamkhiatna kong ngahsak ding hi,” a ci hi.

Jeremiah 51:37

Tua ciangin Babylon khuapi innsia losia suak gawp dinga, se-alteʼ teenna mun suakin, a lipkhaphuai, simmawhna tawh a kiphitsan, kuamah a ten lohna gam khing a suak ding hi.

JOB (Job) 9:31

buannawng sungah kei nong hencip veve dinga, ka puan ninte in a kihhuai hong suaksak ding hi.

Hebru 10:33

Mipiʼ mai ah hong kisimmawhin hong kibawlsia a, tua bang a thuakte na pawlpih ngam uh hi.

1 KORIN MASA 4:9

Ko sawltakte pen vantungmi le leitung mi khempeuh in a et dingin mipiʼ mai ah thahna a thuak dingin thukhenna a kipia mi bangin Pasian in a zaneu penin hong koih tawntung tawh kibang ka sa hi.

Nahum 1:14

Topa in Assiria mite tawh kisai-in hih bangin thu pia hi: “Note na cimang ding uh a, na pasian-te uh biakinn sunga om milimte ka susia ding hi. Note siahuai lua na hih manun na hankhuk ding uh a bawlbawl ka hi ta hi,” a ci hi.

JOB (Job) 30:8

Bangmahin a kimang lo hih bang misia honte, mite omna gam sung panin a kihawl khia hi.

Juda 1:7

Sodom khua le Gomorrah khua le a kiim a om khuapi mite zong tua vantung mite mah bangin gamta uh a, numei tawh mawhnopna bek tham loin pasal le pasal kilunggulhna ciang dong nei uh ahih manin midangteʼ etteh dingin tawntung meikuang a thuak uh hi.

1 KORIN MASA 4:13

Zahpihna kam tawh hong kihopih ciangin kam khum tawh ka dawng uh hi. Miteʼ muhna ah tu ni ciang dong ninbulom le leivui them bang bek ka hi uh hi.

Malakhi 2:2

Na gamtatna uh tawh kei nong zahtak ding uh hi. Ka thugente ngai loin, thupi takin na lak kei uh leh note tungah samsiatna ka hong tungsak dinga, siampi hihna tawh na ngah uh thuphate tungah samsiatna ka tungsak ding hi. A taktakin ci lehang, note in ka thupiaknate thupi lak lo na hih manun na thupha ngahte uh tungah samsiatna ka tungsak zo hi.

Zefaniah 2:15

A vangliatna a kisaktheih pih, lungmuang takin a om khuapi, tu-a bangin piang ding hi. Leitungah amauʼ khuapi a lian penin ngaihsun uh hi. Tua hi napi-in gamlak suakin, gamsateʼ omna suakta hi. A mu mi khempeuh in lamdang sa-in kigaih ding uh hi.

Kah la 3:16

Amah in ka maitang lei ah hong hiat a, suang tungah ka ha a hong tah tansak hi.

JOB (Job) 30:19

Buannawng ciim sungah kei hong lawn khia a, ninbulom bang lel ka hi ta hi.

Ezekiel 16:37

na lawm luite khempeuh - na it hitaleh na muhdahte hitaleh a vekpi-in ka kaikhawm ding hi. Na kimkot ah amaute omsakin, tua ciangin na puan teng kong hawk khiatsak dinga, na guaktangin na omna ka ensak ding hi.

Habakkuk 2:16

Tua ahih manin note in zong minthanna ngah loin maizumin mindaina tawh na kidiah ding uh hi. Note mahmah in na hoi dongun na dawn ding uh hi. Topa in gimpiakna hai, note hong dawnsak dinga, na minthanna uh mindaina a suak ding hi.

Malakhi 2:3

Na suanlekhakte uh nakpi takin ka thuhilh dinga, note na hih uh leh, na biakpiakna ganhing uh a ekte tawh na maitang uh hong zut gawpin tuate tawh kong lawn khia khawm ding hi.