Nahum 3:15 - Tedim Bible Revision 2017

¹⁵ tua bang na hih laitakin mei in hong kangtumin galte in hong vatlum ding hi. Kauphe honpite in an a nektum bangin nang na bei mang ding hi. Kauphe bangin tampi tak na pha khin uh hi.

Tedim Bible

¹⁵ tua bang na hih laitakin mei in hong kangtumin, galte in hong vatlum ding hi. Kauphe honpite in an a nek tum bangin, nang na beimang ding hi. Kauphe bangin tampitak na pha khin uh hi.

Nahum 3:15 Referans Kwoze

Joel 1:4

A pettan kaupheteʼ nek bang teng, kauphe honte in ne tum a, kauphe honteʼ nek bang teng, a tuan kauphete in ne tum a, a tuan kaupheteʼ nek bang teng, a susia kauphete in ne mangkhin uh hi.

Nahum 3:13

Na galkapte, numei bang hi lel dinga, na galte a lut zawh loh nadingin na gam sung kihu zo lo ding hi. Na kulh kongpi zawlte mei in kaang tum ding hi.

Nahum 2:13

Vanglian Topa in hih bangin ci hi: “Kei pen noteʼ gal ka hi a, na sakol leengte uh ka hal tum ding hi. Na humpinelkai note uh namsau in vatmai dinga, midangteʼ na na suh teng uh ka susia mangkhin ding hi. Na taangmite uhʼ awging koi mahah kiza nawn lo ding hi,” ci hi.

Zefaniah 2:13

Topa in leilu lamah a khut hong zanin Assiria gam susia dinga, Nineveh khuapi susia gawpin sehnel gam a suaksak ding hi.

Joel 2:25

Note a hong sim dingin ka hong sawl kauphe honpi, a tuan kauphe, a susia kauphe, a pettan kauphe, hih ka galkap honte in a hong neksak kum sungin a piang ding teng tang kong piakik ding hi.

Isaiah 66:15

Bang hang hiam cih leh heh mahmahna tawh ama sinsona le meikuang tawh gim a pia dingin meikuang sungah Topa hong pai dinga, huihpi bangin a leengte hong pai ding hi.

Isaiah 66:16

Bang hang hiam cih leh Topa in mei tawh thukhenna sem dinga, a mawh mi khempeuh tungah a namsau tawh thu khen dinga, Topa in a thah mite tam mahmah ding hi.

Jeremiah 51:14

Vanglian Topa in, ‘Kauphe zahin a tam mite kong simsak dinga, amaute in note hong zo-in a kiko ding uh hi,’ ci-in keima min tawh ka kiciam khinzo hi.

Amos 7:1

Topa Pasian in hih bangin hong musak hi: Kumpipaʼ gan an ding lopa a ki-at khit phet, selkik dingin a kisak laitakin Topa in kauphe honpi a piangsak hi.