Nahum 3:11 - Tedim Bible Revision 2017

¹¹ Nineveh khuapi aw, nang zong zukham bangin khua na phawk kei dinga, na galte kiang panin tai-in bukna na zong ding hi.

Tedim Bible

¹¹ Nineveh khuapi aw, nang zong zukham bangin khua na phawk kei ding a, na galte kiang panin tai-in bukna na zong ding hi.

Nahum 3:11 Referans Kwoze

Isaiah 49:26

Nang hong nengniam mite pen amauʼ satak mah ka nesak dinga, zukham bangin amauʼ si mah a kham ding uh hi. Tua ciangin kei pen Jakobʼ Vanglian Pa, nang hong Tan khia pa, nang hong Hon Topa ka hihna mi khempeuh in hong thei ding uh hi,” a ci hi.

Isaiah 2:10

Topa kihtakna le a lian ama minthanna panin suanghawm sungah lut unla, leihawm sungah bu un.

Luka 23:30

Tua hun hong tun ciangin mite in, ‘Mual lian mual neute in hong cipnelhin a si khin hi lehang ut zaw hang,’ ci ding uh hi.

Nahum 1:10

Amaute, ling lom bangin om uh a, zu le sa tawh kidiahin a om laitakun ham bangin kihal tum ding hi.

Hosea 10:8

Israel-te in milim bia-in mawhna a bawlna munte kisusia dinga, a biakna taute uh tungah ling le kiak a po ding hi. Tua ciangin mite in mual liante kiangah, “Hong vukcip un,” ci ding uh a, mual neute kiangah, “Hong deng cip un,” a ci ding uh hi.

Jeremiah 4:5

Judah gamah va gen unla, Jerusalem khua ah va taangko un. Gam sung khempeuh ah peengkul mutin awng unla, va gen un. Hong kikhawm unla khuapi muanhuaite sungah va bu ni, va ci un.

Isaiah 2:19

Leitung a liingsak gawp dingin Topa a kipat ciangin amah kihtakna le a lian ama minthanna panin suanghawm sung le leihawm sungah mite bu ding uh hi.

Late 75:8

Bang hang hiam cih leh Topaʼ khut sungah leenggahzu a phuan, a kihelkim ngingei hai khat om a, amah in tua sung panin hong bung khia dinga, leitung migilo khempeuh in a tawdat dong takin a liaktum ding uh hi.

Nahum 2:1

Nineveh khuapi aw, nang hong kisim ta a, nang hong su gawp ding pa hong tung ta hi. Na kan uh ah pang unla, lampi vil un. Kithawi unla, galdo dingin kiging un.

Micah 7:17

Amaute in gul bangin leivui namin, a bokvak ganhingte bangin hong awmtal ding uh a, a bukna uh mun muanhuaite panin lau-in a liing sa-in hong pusuak ding uh a, Topa Pasian hong kihta ding uh hi.

Amos 9:3

Karmel mual dawnah a buk uh hangin, amaute zongin ka man khia dinga, keima kiang panin tuipi tawng sungah bu ta le-uh zong, tuipi gulpite in a tuk nading thu ka pia ding hi.

Jeremiah 51:57

A kumpi uliante le a mipilte uh a kipan ukpite, uliante le galkapte, zu ka khamsak dinga, a tawntungin ihmu-in a khanglo nawn kei ding uh hi, ci-in Vanglian Topa a kici kumpipa in kong gen hi.

Jeremiah 8:14

“Tua ciangin mite in, ‘Bang hangin tutu lai ihi hiam? Kikaikhawm unla khuapi muanhuaite va beel ni; tua lai ah va si ni. Bang hang hiam cih leh Topaʼ tungah i mawh manin Topa i Pasian in eite a si dingin hong seh khinzo a, i dawn dingin gu tui hong pia khinzo hi.

Isaiah 63:6

Ka sinsona tawh minam dangte cilin, ka hehna hangin amaute zukham ka bangsak a, amauteʼ sisan leilak ah ka thehthang hi.

Isaiah 29:9

Lamdang kisasak unla lamdang a sa hi un! Kimittawsak unla a mittaw hi un! Leenggahzu a dawn lopi-in a zukham hi unla, khamtheih zu a ne lopi-in hoi un!

1 SAMUEL MASA 14:11

Tua ahih ciangin Filistia khuacingte kiangah amau tegel va kilak uh hi. Filistia-te in, “En un, a bukna uh leivang panin Hebru mite hong pusuak khia uh hi,” a ci uh hi.

1 SAMUEL MASA 13:6

A galte in Israel mite neh mahmah ahih manin amaute haksatna sungah a om lam uh a kitheih uh ciangin suanghawm sung, leihawm sung, suang kawmlak, han lak le tuikhukte sungah bu uh a,