Nahum 3:10 - Tedim Bible Revision 2017

¹⁰ Tua bang hi napi-in, Thebes khua mite kipua khia-in sal a suak uh hi. Kong lak mun citeng ah a tate uh kisatlum hi. A mi liante, sikkol kibulhin kipua khia a, amau a man a galte un amaute a hawm uh hi.

Tedim Bible

¹⁰ Tua bang hi napi-in, Thebes khuamite kipua khia-in sal suak uh hi. Konglak mun citengah a tate uh kisatlum hi. A miliante, sikkol kibulhin kipua khia a, amau a man galte in hawm uh hi.

Nahum 3:10 Referans Kwoze

Isaiah 20:4

Assiria kumpipa in, Egypt gam miteʼ maizumna ahi, a moi a hamin, tangguak kheguakin, tawbo dawk sa-in, Egypt mite galin manin, Ethiopia mite salin manin paikhiatpih ding hi.

Obadiah 1:11

Namdangte in a neihsa teng a puakkhiat ni-in gamdang mite a kongpi sungah a lut ni-in, Jerusalem-a vante hawmna ding ai a san ni-in, nangmah in gal et bek na hih manin nang zong a thukimpih na hi hi.

Joel 3:3

A galmatte uh kua in ngah ding, ci-in ai san uh a, zu le numei lei nadingin numeino le naupangnote sila-in a zuak uh hi.

Hosea 13:16

Israel-te in a Pasian uh lehdo uh ahih manin a mawhna uh thuak ding uh hi. Gal sungah amaute si ding uh a, a naungekte uh lei kidenna dinga, a nupi naupaiite uh kikui kham ding hi, a ci hi.

Kah la 2:19

Zanin tho zelzel inla, Pasian tungah kiko in. Na tate in hehpihna a ngah nadingin na lungsim khempeuh pia in. Kongzing khempeuh ah naupangte puksi khin dektak uh hi.

Isaiah 13:16

Amauʼ muhna mahah a naungekte uh leilak kiden gawp nading hi. Amauteʼ inn kiluhin, a zite uh kibuansak ding hi.

Amos 1:13

Topa in hih bangin ci hi: Ammon mite thum vei a khialh khit, a li veina hangin pel loin amaute gim ka pia ding hi. Bang hang hiam cih leh amaute in huaihamin gam a deih thuah manun Gilead gam sim gawp uh hi.

Kah la 4:1

Biakinnpi kisia ta a, suang kiciangte kongzing lakah a kithehthang hi. Khamtui tawh a kizut a tee daldalte mualmang khinzo ta hi.

Isaiah 13:6

Topa’ ni hong nai ta ahih manin nakpi takin kap un. Vanglian paʼ kiang panin suksiatna hong tung ta ding hi.

Late 137:8

Mi susia Babylon aw, koteʼ tungah nong bawl bangin nang tungah hong thuk pa in lungdamna ngah tahen!

2 KUMPI NIHNATE 8:12

Tua ciangin Hazael in, “Bang hangin ka topa kap na hi hiam?” a ci hi. Amah in dawngin, “Bang hang hiam cih leh Israel mite tungah nangmah in na bawl ding siatna ka thei hi. Nangmah in amauʼ mun muanhuaite mei tawh na hal dinga, namsau tawh amauʼ tangvalte thatin, amauʼ naupang neute lei na den khap nadinga, naupaii amauʼ numeite na phel kham ding hi,” a ci hi.

JOB (Job) 6:27

Mi cimawh khat suksiat gawp sawm a, na lawm khat uh hih gawp sawm na hi uh hiam?

Late 137:9

Na taneute hong laksakin suangtumpi denna-in a hong neihsak pa in lungdamna ngah tahen!

Isaiah 19:4

A thuak hak topaʼ khut sungah Egypt mite ka pia dinga, a kihtakhuai mahmah a gilo kumpipa in amaute uk ding hi, Topa, Vanglian Topa in ci hi.

Ezekiel 29:7

Nangma tungah amaute hong kingap uh ciangin nang na kitan a, amaute sunin na puksak hi.