Biblia Todo Logo
Bib sou entènèt

- Piblisite -




Nahum 2:13 - Tedim Bible Revision 2017

13 Vanglian Topa in hih bangin ci hi: “Kei pen noteʼ gal ka hi a, na sakol leengte uh ka hal tum ding hi. Na humpinelkai note uh namsau in vatmai dinga, midangteʼ na na suh teng uh ka susia mangkhin ding hi. Na taangmite uhʼ awging koi mahah kiza nawn lo ding hi,” ci hi.

Gade chapit la Kopi

Tedim Bible

13 Topa in hih bangin ci hi: “Keimah in note’ gal ka hi a, na sakol leengte uh ka haltum ding hi. Na humpinelkai note uh namsau in vattum ding a, midangte’ na na suh teng uh ka susia mang khin ding hi. Na kamtaite uh awging koimah ah kiza nawn lo ding hi,” ci hi.

Gade chapit la Kopi




Nahum 2:13
33 Referans Kwoze  

Tua ahih manin Vanglian Topa in hih bangin ci hi: “Nineveh khuapi aw, gim kong pia ding hi. Na nik kong hawk khiatsak dinga, minamte in na guak omna hong mu ding uh a, na zumhuaina teng hong mu ding uh hi.


Mualkuam zang pan kilaam to a, zanglei lak a suangtum bangin a sang to Jerusalem aw, Topa in kong cih in ah, na lang khat ah ka pang ding hi. Nangmah in, ‘Kua in kei hong sim suk dinga, ka omna ah kua hong lut ding ahi hiam?’ na ci hi.


Amah in leimong dongah gal beisak hi. Amah in thalpi kuaitanin teipi susia a, leengte mei tawh a hal tum hi.


Na kamtaite tawh Topa na zahko a, nangmah in, ‘Ka leeng tampite tawh mual sang pen munah ka pai khin a, Lebanon gam tawng pek dong ka tung khin hi. A taamtak sang pente ka phuk mangkhin a, a taaksan hoih pente zong ka phuk mangkhin hi. A gam tawngnung pen dongah keimah ka lut a, a tulak thuk pen dongah zong ka lut khin hi.


Zuauna le mi thahna tawh a kidim khuapi, van top ding tampi a omna khuapi, tu-in a siacip ding hi ta hi.


Tua ahih manin Topa Pasian ahi keimah in nang kong langpanna thu a hong gen ka hi hi. Minam dang khempeuhteʼ muhin nang tungah thu kong khen ding hi.


Ethiopia kumpi Tirhakah amah a sim dingin a hong kuan khiat khitna thu kumpipa in a zak ciangin, amah in Hezekiah kiangah kamtaite sawlkikin,


Topaʼ sawl bangin Joshua in amaute hih a, amauʼ sakolte uh a zagui sat tat sakin mei tawh a leengte uh a halsak hi.


Na kulh muanhuaite pen theigah min zun mahmah tawh kibang dinga, a kung sing lecin a gah na kam sung a hong tu tawh kibang ding hi.


Topa Pasian in kei kiangah, “Mihing ahi Ezekiel aw, Gog mawhsakna thu gen inla, Topa Pasian in hih bangin ci hi, ci-in gen in: Meshek le Tubal minamte a ukpipa Gog aw, kei pen nangma lang khat ah a pang ka hi hi.


Topa Pasian in hih bangin ci hi, ci-in gen in: Meshek le Tubal minamte a ukpipa Gog aw, kei pen nangma langah ka pang hi.


Topa Pasian ahi keima thugen, hih bangin gen in: “Seir Mual tung gam aw, kei, nangma lang ka hi hi. Nang a gamkhingin kong bawl ding hi.


nangmah le Nail Gunpi langah keimah ka pang hi. Egypt gam khempeuh, leilu lam Migdol khuapi panin leitaw lam Siene khuapi, Ethiopia gamgi dong, a kinusia gamkhing ka suaksak ding hi.


Topa Pasian in hih bangin gen hi, ci-in Egypt kumpipa kiangah gen in: “Gun sungah a om Awle lianpi ahi, nang Egypt kumpipa aw, kei pen nangma lang ka hi hi. Nail Gunpi, nangma aʼ in na gen a, nangma bawl sa-in na ngaihsun hi.


Topa Pasian ahi keimah in ka gen thu, amaute kiangah hih bangin gen in: “Sidon khuapi aw, kei pen nangma lang ka hi a, nangma tungah ka hong bawlna hangin mite in kei hong phat ding uh hi. Nangma sungah a teeng mite gimpiakna tawh ka sianthona ka lah ciangin Topa ka hihna thu amaute in hong thei ding uh hi.


Tua ahih ciangin Topa Pasian ahi keimah in ka genin ah: Taia khuapi aw, kei pen nangma lang ka hi hi. Nangmah a sim dingin minam tampi kong paipih dinga, tuipi hualte bangin hong kuan henhan ding uh hi.


“En in, mualpi bangin lian a, leitung khempeuh a susia zo Babylon aw, nang kong langpan hi, Topa in kong ci hi. Keimah in nangʼ lang khat ah ka khut ka zan dinga, mual dawn panin nang hong khuk khia-in, kong kaang tumsak ding hi.


En in, a Vanglian Topa Pasian in kong cih in ah: Nang a kisathei Babylon aw, nang kong langpan hi. Bang hang hiam cih leh nang gim kong piak hun ding na ni hong tung zo ta hi.


Amaute in, miteʼ khut tawh a kibawl leitung miteʼ pasian-te a gen bang lelun Jerusalem Pasian a gen uh hi.


Tua ciangin a ulian pa in amaute kiangah, “Hezekiah kiangah hih bangin gen un. ‘Assiria kumpipa, kumpi lianpa in hih bangin ci hi: Hih banga na kimuanna uh bang suang na hi uh hiam?


Tua ciangin Assiria kumpipa in Lakhish panin Kumpi Hezekiah kiang Jerusalem ah galkap hon lianpi khat tawh a galkap maang lianpen pa, a inn sung mang lianpen pa le a ulian khat a sawl hi. Amaute pai to-in Jerusalem tung uh hi. Amaute a tun uh ciangin amaute hong pai-in Puansawp paʼ nasepna phual zuatna lampi a om bual tungnung tuilakna gei ah hong ding uh hi.


Tua ciangin Topa in Joshua kiangah, “Zing ciang tu bang hunin amaute khempeuh a kithat sa-in Israel mite tungah pia ding ka hih manin amaute kihta kei un. A sakolte uh a zagui na sat tat ding uh a, a leengte uh mei tawh na hal ding uh hi,” a ci hi.


“Egypt gam le Migdol khua ah va gen in. Memfis khua le Tahpanhes khua ah va taangko in: ‘Kiging sa le kithawi sa-in om un; bang hang hiam cih leh namsau tawh note hong kithat khin ding hi,’ va ci in.


Tua ahih ciangin Topa Pasian in amaute kiangah, “Na thugente uh zuaupi hi a, na maangmuhnate uh zuaupi ahi hi. Tua ahih manin note kong langpan hi.


Israel gam mite tungah Topa ahi keima thugen, hih bangin gen in: ‘Note ka hong langpan hi. Ka namsau dokin note a sia a pha a kibangin kong that mangkhin ding hi.


Humpinelkai in sa manin a zi le a tate adingin a sa balnensak a, a kua sung khempeuh sa tawh kidimsak ngei hi.


tua bang na hih laitakin mei in hong kangtumin galte in hong vatlum ding hi. Kauphe honpite in an a nektum bangin nang na bei mang ding hi. Kauphe bangin tampi tak na pha khin uh hi.


Swiv nou:

Piblisite


Piblisite