Nahum 2:10 - Tedim Bible Revision 2017

¹⁰ Nineveh khuapi kisusia a, kinusiacipin gamkhing suak hi. Launa lungsim tawh kidimin khukte liing kelkel a, mi khempeuh lunggimin a mai ah sisan teeng lo hi.

Tedim Bible

¹⁰ Nineveh khuapi kisusia-in kinusiacip a, gamkhing suak hi. Launa lungsim tawh kidimin khukte liing kelkel a, mi khempeuh lunggimin a mai-ah si teeng lo hi.

Nahum 2:10 Referans Kwoze

Late 22:14

Tui buakkhiat bangin kei hong kibua khia a, ka guh ka taang khempeuh kilawi mangkhin hi. Ka lungtang khuainun bang a, ka awm sungah tui suak hi.

Joel 2:6

Amaute hong pai ciangin mi khempeuh lau uh a, a maitang uh daang gawp hi.

Daniel 5:6

Tua ciangin kumpipa lau lua mahmah a, a mai daang gawpin a khut a liing kauhkauh hi.

Jeremiah 30:6

Tu-in ngaihsun dih un. Pasalte nau a suak ngei uh hiam? Tua ahihleh bang hangin pasal khempeuh in numei nausuak dingte bangin a tai uh hum ahi uh hiam? Bang hangin a mai uh ah si teeng lo ahi hiam?

Isaiah 24:1

En un, Topa in leitung hawmsuak sakin gamkhing suaksak dinga, amah in lei maitang huiheek gawpin, a tunga a teeng mite thehthang gawp ding hi.

Isaiah 21:3

Tua ahih ciangin ka kawng na a, nausuak numei in na a sak bangin na ka sa hi. Khua a za thei lo zah dongin a kuncipin ka om a, khua a mu thei lo zah dongin lungkia-in ka om hi.

Zefaniah 3:6

Topa in hih bangin thu gen a, “A kiphasak mite ka nil khia a, a gal panmunte uh ka susia hi. A kongzing lampite uh ka kinusiacipsak a, tua lampi kuamah in tawn nawn lo hi. A khuapi uh kisia gawpin kinusia a, a sungah kuamah om nawn lo hi.

Nahum 3:7

Nang hong mu khempeuh nungkik gaihin, ‘Nineveh khuapi siacip ta hi; kua in khasiat ding ahi hiam?’ ci ding uh hi. Ahi zongin nang a hong hehnem nuam kuamah om lo ding hi,” ci hi.

Jeremiah 51:62

tua khit ciangin, ‘Topa aw, hih munah mihing hitaleh ganhing hitaleh bangmah teeng loin, a tawntungin a kinusia a suah nadingin na suksiatna ding na gen khinzo hi,’ ci-in thu ngen in.

Isaiah 14:23

Saphulipteʼ om nadingin tua khuapi bawlin, bualtui ka suaksak dinga, siatna munphiah tawh ka phiat khia siang ding hi,” Vanglian Topa in ci hi.

Joshua 2:11

Tua thu ka zak phetun ka lungsim uh bei a, noteʼ hangin miteʼ lungsimah hanna bei hi; bang hang hiam cih leh Topa na Pasian uh, tunga om vantung le nuai-a om leitungah Pasian ahi hi.

Piancilna 1:2

Leitung in limlemel nei loin a awngthawlpi ahi hi. Tuipi tung tengah khua mial bikbek a, tua tui tungah Pasianʼ Kha in na a sem hi.

Joshua 7:5

Ai mite in amauʼ kulh kongpi mai panin Shebarim ciang dong delh uh a, tuah sukna munah amaute sawm thum le guk khawng a that uh hi. Hih thu hangin Israel miteʼ hanna bei-in, lau mahmah uh hi.

Jeremiah 8:21

Ka miteʼ thuakna hangin ka lungsim kisia a, lungkham lua-in ka kap hi.

Jeremiah 49:23

Damaskas khua tawh kisai-in Vanglian Topa in a genin ah: “Hamath khua le Arpad khuate in thusia za uh ahih manin lungmangin a om uh hi. Tuipi dai thei lo bangin a launa uh dai thei lo hi.

Ezekiel 21:7

Tua bangin na omna thu mite in hong dot ciangin mailam a thupiang ding hangin a tua ci om na hihna thu gen in. Tua hun ciangin a lungsim uh launa tawh kidimin, launa hangin a khut uh liingcipin, a hanna lungsim uh bei-in, lau-in a khuk uh a liin kelkelna ding thu le, tua hun ding pen tu-in a hong tung ta ahihna thu gen in,” Topa Pasian in a hong ci hi.

Ezekiel 31:15

“Topa Pasian in ka cih in ah: Tua singkung in misiteʼ khua Leinuai a zuat ciangin, leinuai-a tuite tuumsakin ka thuumsak ding hi. Gun tuite le lui tuite ka luangsak nawn kei dinga, Lebanon Mual mai khingin, gamlak sing khempeuh a keutum ding hi.

Nahum 2:2

(Israel mite, a galteʼ suk gawp ma, a nidang ngeina bangun Topa in a omsakkik ding a kipan ahi hi.)