Nahum 1:7 - Tedim Bible Revision 2017

⁷ Topa hoih hi; lungkham hunin a mite huh a, amah a beel mite limtakin a kem hi.

Tedim Bible

⁷ Topa hoih hi; lungkham hunin a mite huh a, amah a bel mite lim takin kem hi.

Nahum 1:7 Referans Kwoze

2 TIMOTI NIHNA 2:19

Ahi zongin Pasian in a phuh sa sutpi kilok zo ngei lo ding hi. Tua sutpi tungah, “Topa in ama mi kua teng hiam cih thei hi,” cihna le, “Topa tawh kipawl ing, a ci peuhmah in mawhna su kha lo ding hi,” cihna kigelh hi.

Johan 10:27

Keima tuute in ka aw za-in thei uh ahih manin kei hong zui uh hi.

Kah la 3:25

Amah a muangte adingin Topa a hoih hi.

Johan 10:14

Kei, tuucing hoih ka hi hi. Pa in kei hong thei-in, kei zong Pa ka theih mah bangin keimah in ka tuute ka thei a, ka tuute in zong kei hong thei uh hi. Tua ahih manin ka tuute ka sihpih ngam hi.

Late 100:5

Bang hang hiam cih leh Topa hoih hi. Ama itna kipin kho tawntung a, ama thumanna a khangkhangin kip hi.

Late 27:5

Bang hang hiam cih leh haksat hun ciangin amah in a buk sungah kei hong seel ding hi. A puanbuk khuhna nuai ah kei hong seel dinga, a sangna suang tungah kei hong koih ding hi.

Paunak 18:10

Topaʼ min pen tausang muanhuai tawh kibang a, thuman mite in belin lungmuangin om thei uh hi.

Late 1:6

bang hang hiam cih leh Topa in midikte lamlakin hu tawntung a, migilote ahihleh sia maimang ding uh hi.

Galati 4:9

Ahi zongin note in tu-in Pasian meltheih khinin, tua ahih kei leh Pasian in note hong meltheih khinta ahih manin, a bang hangin bangmah a hih zo lo, a gina lo tua bangte lamah kiheikik nuam a, sila va suakkik nuam na hi uh hiam?

Isaiah 25:4

Bang hang hiam cih leh nang pen mizawngte adingin mun muanhuai, a cimawh mite adingin a lungkhamna uh ah mun muanhuai, huihpi panin bukna le nisa panin niliim na hi hi. Bang hang hiam cih leh thu khual lo miteʼ hihna pen huihpi in kulh a nawk gawp tawh kibang a,

1 KHANG TANGTHU MASATE 16:34

Amah hoih ahih manin Topaʼ tungah lungdamna ko un; bang hang hiam cih leh ama itna kip a tawntungin a kho hi!

Jeremiah 33:11

Ahih hangin lungdamna aw le kipahna awte, zi nei thakte le mothakteʼ awte kizakik ding hi. Topaʼ biakinn ah mite hong pai-in lungdam kohna-in: ‘Vanglian Topaʼ tungah lungdamna ko un. Bang hang hiam cih leh Topa hoih a, ama itna kip tawntung hi,’ ci-in a lasakna awte uh a kizakik ding hi. Bang hang hiam cih leh Topa in kong cih in ah, a masa-a mah bangin hih gam ka hausakkik ding hi.

Late 86:7

Kei hong dawng na hih manin ka haksat hun ciangin nangma tungah kong ngen hi.

Isaiah 32:2

Amaute pen huihpi panin belhna, guahpi panin bukna bang ding uh hi. Sehnel gam sungah a luang tui bang ding uh a, nisa gam sungah a om suangpi liim bang ding uh hi.

Late 25:8

Topa hoihin thutang hi. Tua ahih manin mimawhte lam a hilh hi.

Daniel 3:28

Tua ciangin kumpipa in, “Shadrak, Meshak le Abednego-teʼ Pasian phat un. Amah in a vantung mite sawl a, amah a muang ama nasem hih mite a hon khia hi. Amaute in ka thupiakna mang loin, amauʼ Pasian longal pasian dangʼ mai ah kun nuam lo, bia nuam lo uh ahih manin mei phualpi sungah khul ding a ut zaw uh ahi hi,” a ci hi.

Late 71:3

Hong hon dingin ka belh suangpi, ka kulh muanhuai, hong hi ta in; bang hang hiam cih leh keimah hong honpa le ka belh pa na hi hi.

Late 91:15

Amah in hong sap ciangin amah ka dawng ding hi. Haksatna sungah amah ka ompih dinga, amah hon khia-in ka pahtawi ding hi.

Late 59:16

Ahih hangin keimah in na vangliatna la ka sa dinga, zingsangin na itna kip phatna la nakpi takin ka sa ding hi. Bang hang hiam cih leh nang, ka munkip muanhuai na hi a, ka gentheih hunin keima belh na hi hi.

Late 50:15

Haksat hun ciangin keima tungah hong ko un. Note kong hon khia dinga, note in keima min nong thangsak ding uh hi,” a ci hi.

Daniel 6:23

Kumpipa lungdam mahmah a, humpinelkai kikhumna sung pan Daniel kaihkhiat dingin thu a pia hi. Tua ahih ciangin Daniel kai khiato uh a, liamna themcik zong a neih loh lam a mu uh hi. Bang hang hiam cih leh amah in Pasian muang hi.

ROM (Romans) 11:22

Hih thu ah Pasian a migit mahmahna le a khauh mahmahna i mu hi. A khial mite tungah khauh mahmah a, ama migitna a kizop paisuak theih nadingin na up paisuak nak uh leh note tungah hong migi mahmah hi. Ahi zongin na zop paisuak kei uh leh note zong hong kisat khia ding hi.

2 KHANG TANGTHU NIHNATE 32:21

Tua ciangin Topa in Assiria kumpipaʼ giahphual ah a thahat galhang khempeuh le galkap a ukte le uliante a susia vantungmi khat a sawl hi. Tua ahih ciangin ama gamah maizumna tawh a ciahkik hi. Ama pasianʼ inn sungah amah a tun ciangin ama tapate pawl khat in namsau tawh amah sat lum uh hi.

Mattiu 27:43

Amah in, ‘Kei, Pasianʼ Tapa ka hi hi,’ ci ahih manin, amah in Pasian muanin a nei hi. Pasian in a hot nop leh tu-in hon khia tahen,” a ci uh hi.

Mattiu 7:23

Tua ciangin keimah in amaute kiangah, ‘Note ka hong thei ngei kei hi. Siatna a gamta mite aw, kei kiang panin kihem khia un,’ ka ci ding hi.

Ezra 3:11

Tua ciangin amaute in Topa phatna le lungdamkohna a kidawngin sa uh a, “Topa hoih hi; bang hang hiam cih leh Israel-te hong itna kip tawntung hi,” a ci uh hi. Topaʼ biakinn bulpi kiphut khin ahih manin mi khempeuh in nakpi takin Topa phat uh hi.

2 KHANG TANGTHU NIHNATE 32:11

Hezekiah in note kiangah, “Assiria kumpipaʼ khut panin Topa i Pasian in eite hong hon khia ding hi,” hong cih ciangin, note gilkial dangtakin a hong sisak dingin amah in note hong makai khial hi lo ahi hiam?

2 KHANG TANGTHU NIHNATE 32:8

Amah in mihing thahatna nei a, ahih hangin eite hong huhin i gal hong dosak dingin Topa i Pasian in eite hong ompih hi,” a ci hi. Tua ahih ciangin mite in Judah kumpipa Hezekiahʼ kammalte a muang uh hi.

1 KHANG TANGTHU MASATE 5:20

Amaute a sim nadingin huhna a ngah uh ciangin Hagri mite le amau tawh a kipawl khempeuhte amauteʼ khut sungah kipia hi; bang hang hiam cih leh gal kidona sungah amaute in Pasianʼ tungah ko uh a, amaute in Pasian muang uh ahih manin amah in amauteʼ thumna a pia hi.

Late 20:1

Gimna na thuak ciangin Topa in nang hong en henla, Jakobʼ Pasian in nangmah hong dal tahen!

Late 37:39

Topa in thuman mite hon khia a, amah pen haksat hun ciangin amauteʼ bukna ahi hi.

Late 37:40

Amaute in Topa beel ahih manin amah in amaute huhin hon khia a, migiloteʼ kiang panin amaute honin suaktasak hi.

Jeremiah 16:19

Aw Topa, ka hatna le ka kulhpi, lungkham hun ciangin ka bukna pa aw, leimong panin gamdang mite nangma kiangah hong pai ding uh a, “Ka pu ka pate un zuau thu le bangmahin a kimang lo milimte longal bangmah dang a luah kei ding uh hi.

Jeremiah 17:17

Kei hong lausak kei in. Gimna hong tun ciangin kong belh pa na hi hi.

Jeremiah 24:5

Hih mun panin Khaldea miteʼ gam a ka puakkhiat Judah mi saltangte hih theigah hoihte bangin a hoihin ka ngaihsun ding hi.

Joel 3:16

Zion Mual panin Topa hong hawk suk a, Jerusalem panin hong awngkek a, vanpi le leipi a liing damdam hi. Ahi zongin Topa pen ama miteʼ belh pa hi a, Israel mite a hu ding hi.

Zefaniah 3:12

Note lakah a kiniamkhiat, mi neute bek, ka suaktasak lai dinga, keima tungah huhna hong ngen ding uh hi.

2 KHANG TANGTHU NIHNATE 13:18

Judah mite in a pu a pate uh Pasian, Topa suang uh ahih manin gualzo uh a, tua hunin Israel mite kizo hi.

Late 9:10

Topa aw, nang a hong zongte nusia lo na hih manin, na min a theite in nang hong muang uh hi.

Late 46:2

Tua ahih ciangin, leitung kikhiinin, mualte tuipi sung a kidenna zongin, a tuite ging zuazua-in phuan zuazua a, hih ginna hangin mual liante a liing zongin, i lau kei ding hi.

Isaiah 50:10

Topa kihta a, a nasem paʼ thu a mangte khempeuh khuamial sungah na pai hangun Topa muang unla, Pasian suanin nei un.