Nahum 1:6 - Tedim Bible Revision 2017

⁶ Ama hehna kua in nang zo dinga, ama lunghamna kua in thuak zo ding ahi hiam? A hehna, meikuang bangin hong khah khia a, ama mai ah suangtumpite kitamzan hi.

Tedim Bible

⁶ Ama hehna kua in nang zo ding a, a lunghamna kua in thuak zo ding ahi hiam? A hehna meikuang bangin hong khahkhia a, ama mai-ah suangtumpi kitamzan hi.

Nahum 1:6 Referans Kwoze

Jeremiah 10:10

Ahih hangin Topa pen Pasian man hi a, amah pen a nungta Pasian le tawntung kumpipa ahi hi. A heh ciangin lei kiliing a, gamte in a hehna nang zo lo hi.

Malakhi 3:2

Ahi zongin ama hong pai ni ciangin kua in thuak zo dinga, amah hong kilaak ciangin kua nungta zo ding ahi hiam? Amah pen, sikte a siangthosak mei le puante a siangthosak satpiang tawh kibang hi.

Nahum 1:2

Topa Pasian in amah a demte koihkhong lo a, amah a langpangte gim pia-in a galte thukkik hi.

Late 76:7

Ahih hangin nang na kihtakhuai mahmah hi. Na heh khit phot ciangin nangma mai ah kua ding ngam nawn ding ahi hiam?

Ezekiel 30:16

Egypt gam sung khempeuh ka hal tum dinga, Pelusium khuapi in gimna lianpi thuak ding hi. Thebes khuapi kulh khempeuh kicim gawp dinga, tui in a khuapi tuum ding hi.

Kah la 4:11

Topa in a hehna khempeuh siit nawn loin hong bua khia a, meikuang tawh Jerusalem hong hal ahih manin a kaang tum hi.

Kah la 2:4

Amah in galte bangin a thalpi tawh hong ngim a, i lungdamna teng le i kisaktheihna teng a hong thah khitsak hi. I inn sung ciatah a hehna meikuang i mu thei hi.

Isaiah 27:4

Leenggui lo tungah ka heh nawn kei hi. Ling le lingkungte hong om leh keimah kuan khia-in tuate ka hal tum ding hi.

Isaiah 10:16

Tua ahih ciangin Topa, Vanglian Topa in ama mi thaute lakah natna lianpi tungsak dinga, tua natna pen amaute sungah mei bangin kuang niloh ding hi.

Late 90:11

Nang hong kizahtak nadingin na sinsonaʼ vangliatna kua in thei a, na hehnaʼ husiatna kua in thei ahi hiam?

1 KUMPI MASATE 19:11

Tua ciangin amah in, “Pai khia inla, mual tung, Topaʼ mai ah ding in,” a ci hi. Tua ciangin Topa in hong nawk a, a lian a khauh huihpi in mualte sem khamin Topaʼ mai ah suangtumte sukham a, ahih hangin huihpi sungah Topa om lo hi. Huihpi nun a daih khit ciangin zin liing a, ahih hangin zin liing sungah Topa om lo hi.

Mangmuhna 16:8

A lina vantungmi in ni tungah a hai hong bung a, ni in a satna tawh mite a kaang gawp hi.

Mangmuhna 16:1

Tua ciangin biakinn panin awging khat in vantungmi sagihte kiangah, “Leitungah va pai unla, hai sungah a om Pasianʼ hehnate va sung khia un,” ci-in awging lianpi tawh a genna ka za hi.

Mangmuhna 6:17

Amauteʼ hehna hangin gimna hun hong tung ta ahih manin kua in thuak zo ding ahi hiam?” a ci uh hi.

JOB (Job) 40:11

A kiphasak mite en inla, na hehna tawh amaute niamkhiat gawp in.

Late 130:3

Topa aw, nangmah in mawhneite ciamteh lecin, Topa aw, kua in thuak zo ding ahi hiam?

Isaiah 13:13

Tua ahih ciangin ka sin so ni-in Vanglian Topa ka hehna hangin vantung lausakin ka liingsak dinga, ama omna panin leitung kising khia ding hi.

Isaiah 66:15

Bang hang hiam cih leh heh mahmahna tawh ama sinsona le meikuang tawh gim a pia dingin meikuang sungah Topa hong pai dinga, huihpi bangin a leengte hong pai ding hi.

Ezekiel 7:8

A sawt loin ka hehna thu na thuak ding uh a, na gamtatna sate uh hangin thu hong khenin, a muhdahhuai na gamtatnate uh hangin gim kong pia ding hi.

Ezekiel 21:31

Note tungah ka hehna kong khah dinga, mei-am kuang hong bang ding hi. Mi thah a siam, migiloteʼ khut sungah note kong pia ding hi.

Ezekiel 39:6

Kuamah in nawngkaisak loin nuam takin mite a om hithiatna Magog gam sung le tuipi gei-a gamte ka hal dinga, tua ciangin Topa ka hihna thu mi khempeuh in hong thei ding uh hi.

Zefaniah 2:2

Ansi bangin hong kizapkhiat ma, Topaʼ hehna na tungah hong tuk ma, Topa in a hehna hong lah hun a tun ma-in thu ngaihsunin kikheel in.

Malakhi 4:1

Vanglian Topa in hih bangin ci hi: “En un, mi kiphasak khempeuh le migilo khempeuh, a zung a hiang cih om loin buhtu bangin a kattum ding hun hong tung ding hi. Tua ni ciangin khat zong suakta loin a vekpi-in kaang tum khin ding uh hi.

JOB (Job) 9:5

Pasian in mualte liingsak a, tawlngasak lo hi. Ama hehna tawh mualte a lumlet hi.

JOB (Job) 26:11

Amah in vanpi a pua khuampite a taii ciangin tua khuampite lau-in a liing uh hi.

Late 76:8

Vantung panin thukhenna na gen khia hi. Gimna a thuak leitung mi khempeuh a hon dingin thukhen dingin Pasian a kipat ciangin leitung lau mahmah in tang het loin a om khikhe hi.

Isaiah 33:14

Zion-a a om mawhnei mite lau uh a, Pasianʼ thu a ngaihsun lo mite lau-in liingcip uh hi. Amaute in, “Pasianʼ thukhenna pen a kuang tawntung mei tawh kibang hi. Tua bang meikuang kua in thuak zo ding ahi hiam?” ci uh hi.

Kah la 2:3

A hehna tawh Israel-teʼ thahatnate hong suksiatsak gawp a, gal in a hong sim ciangin amah in eite a hong huh nuam kei hi. Meikuang tawh kibangin eiteʼ langah hong pang a, na khempeuh a susia hi.