Nahum 1:10 - Tedim Bible Revision 2017

¹⁰ Amaute, ling lom bangin om uh a, zu le sa tawh kidiahin a om laitakun ham bangin kihal tum ding hi.

Tedim Bible

¹⁰ Amaute, linglom bangin om uh a, zu leh sa tawh kidiahin a om lai takun ham bangin kihaltum ding hi.

Nahum 1:10 Referans Kwoze

Micah 7:4

Amaute lakah a hoih penin a kineite, lingkung bang hi a, a thutang pen a kineite, ling hiam bang hi lel uh hi. Pasian in amaute a hilhkholh bangin, gim a piak ding hun hong tung ta a, a lungmanʼ hun ding uh hong hi ta hi.

Malakhi 4:1

Vanglian Topa in hih bangin ci hi: “En un, mi kiphasak khempeuh le migilo khempeuh, a zung a hiang cih om loin buhtu bangin a kattum ding hun hong tung ding hi. Tua ni ciangin khat zong suakta loin a vekpi-in kaang tum khin ding uh hi.

Nahum 3:11

Nineveh khuapi aw, nang zong zukham bangin khua na phawk kei dinga, na galte kiang panin tai-in bukna na zong ding hi.

Isaiah 9:18

Bang hang hiam cih leh gitlohna mei bangin kuang a, lingkungte le lingte kaang tumsak hi. Gamlak lopa phate kuangsak a, meikhu lomtangin van lamah kizial to uh hi.

Isaiah 5:24

Tua ahih ciangin mei in buhkung keute kaang tum a, meikuang sungah lopa keute a kattum bangin amauteʼ zung pen muat gawp dinga, amauteʼ pakpalhte leivui bangin vanah leeng to ding hi. Bang hang hiam cih leh amaute in Vanglian Topa’ thu nialin Israel-teʼ Siangtho Paʼ thu a simmawh uh hi.

Jeremiah 51:57

A kumpi uliante le a mipilte uh a kipan ukpite, uliante le galkapte, zu ka khamsak dinga, a tawntungin ihmu-in a khanglo nawn kei ding uh hi, ci-in Vanglian Topa a kici kumpipa in kong gen hi.

Jeremiah 51:39

A duh mahmah laitakun amaute ka vak dinga, khua a phawk nawn loh dong uh zu ka khamsak ding hi. A tawntungin ihmu paisuak ding uh a, a khanglo nawn kei ding uh hi, Topa in kong ci hi.

Isaiah 27:4

Leenggui lo tungah ka heh nawn kei hi. Ling le lingkungte hong om leh keimah kuan khia-in tuate ka hal tum ding hi.

Late 68:2

Meikhu leeng khia bangin amaute a hawl khia ding hi. Mei mai ah khuainun a tui bangin Pasianʼ mai ah migilote sia mang ding hi.

2 SAMUEL NIHNA 13:28

Tua ciangin Absalom in a nasemte thu pia a, “Amnon in zu a kham hun phawk unla, note kiangah, ‘Amnon sat un,’ kong cih ciangin amah that un. Lau kei un; note thu hong pia khin hi lo ka hi hiam? Hang unla, thahat un,” a ci hi.

1 SAMUEL MASA 25:36

Tua ciangin Nabal kiangah Abigail hong tungkik hi. Kumpipaʼ pawi tawh kibangin amah in a inn sungah pawi na kham hi. Nabal lungnuam mahmah hi. Bang hang hiam cih leh amah in zu kham mahmah hi. Tua ahih ciangin zingsang khuavak mateng ama kiangah bangmah gen peuhmah lo hi.

Late 118:12

Amaute in khuaipi bangin kei hong umcih uh a, ahi zongin selkeu kuang bangin amaute daikik pak uh hi. Topaʼ vang tawh amaute ka su gawp hi.

Isaiah 47:14

En in, amaute pen buhkung tawh kibang uh a, mei in amaute kaang tum hi. Meikuangʼ vangliatna panin amau le amau kihon tawm thei lo uh hi. Hih pen khua lumna ding mei-am hi lo a, awi ding mei zong hi lo hi.

Isaiah 56:12

Amaute in, “Hong pai un, leenggahzu nene ni; khamtheih zu dawndawn ni. Zing ciangin zong tu ni sangin nuam zaw lai ding hi,” a ci uh hi.

Paikhiatna 5:12

Tua ahih ciangin a buhtu dingun buhkung a kaikhawm dingin Egypt gam khempeuh ah mite kikhenthang uh hi.

Paikhiatna 15:7

Na vangliatna tawh nangmah in na langte na lawnthal hi. Na hehna na khah khia a, tua in amaute buhkung bangin a kaang tum hi.