Micah 7:8 - Tedim Bible Revision 2017

⁸ Ka galte aw, kei tungah lungdam kei un. Ka puk hangin ka thokik veve ding hi. Khuamial sungah ka om hangin Topa in khuavak hong pia ding hi.

Tedim Bible

⁸ Ka galte aw, kei tungtang ah lungdam kei un. Ka puk hangin ka thokik ding hi. Khuamial sungah ka om hangin Topa in khuavak hong pia ding hi.

Micah 7:8 Referans Kwoze

Johan 8:12

Tua khit ciangin Jesu in mihonte kiangah a thugenna khat ah, “Kei pen leitung khuavak ka hi hi. Kei hong zuite in khuavak nuntakna nei ding uh a, khuamial gamtatna nei lo ding uh hi,” a ci hi.

Isaiah 9:2

Khuamial sunga a pai mite in khuavak lianpi mu khinta a, khuamial thukna gam sungah a teeng mite tungah khuavak taang khinzo hi.

Late 112:4

Lungsim thutangte adingin khuamial sung panin khuavak hong taang khia hi. Topa dik a, hehpihna nei-in, amah thuman hi.

Late 27:1

Topa, ka khuavak le hong honpa ahi hi. Kua kihta ding ka hi hiam? Topa, kei adingin mun muanhuai ahi hi. Bang lau pih ding ka hi hiam?

Obadiah 1:12

Na sanggamte uh a tuahsiat ni-in mu nuam dah hoh un. Judah mite a kisiat ni-in lungdamin nuam kei un. A kisiat ni-in lungdam kei un. A cihmawh ni-in nuihsan kei un.

2 KORIN NIHNA 4:6

“Khuamial sung panin khuavak taang hen,” a ci Pasian mah in Jesuʼ maitang a taangsak Pasianʼ vangliatna thu theih nading khuavak ka ngah theih nadingun kote lungsim sungah khuavak hong taangsak hi.

Late 38:16

Bang hang hiam cih leh, “Ka khe a taal ciangin kei tunga hong kihisakte, keima gim thuakna ah lungdamsak kei in,” cih bek kong thum hi.

Mangmuhna 22:5

Topa Pasian pen amauteʼ khuavak hi-in, a tawntungin amaute in uk paisuak ding uh ahih manin khuamial hun cih om nawn lo dinga, khua a vaksak ding meivak le nitaang cihte kisam lo ding uh hi.

Late 84:11

Bang hang hiam cih leh Topa Pasian pen eite a hong hupa a minthang i kumpi hi a, maipha le pahtawina a hong pia pa ahi hi. Thumanin a gamta mite tungah Topa in na hoih bangmah siit lo hi.

JOB (Job) 31:29

“Ka galteʼn gim a thuak teh ka kipak ngei kei a, haksatna a tuah uh teh ka lungdam ngei kei hi.

Late 97:11

Thuman miteʼ tungah khuavak hong taang a, lungsim thutang mite tungah lungdamna hong tung hi.

Ezekiel 35:15

keima mi Israel-te a siat gawp manin na lungdamna zah tawh kizui-in nangma tungah kong bawl ding hi. Seir Mual tung gam ahi Edom leitang khempeuh, gamkhing suak ding hi. Tua ciangin Topa ka hihna thu mi khempeuh in hong thei ding uh hi,” hong ci hi.

Late 35:19

A man lopi a ka gal ahite kei tungah lungdamsak kei inla, thu om lopi a kei hong mudahte, mitheek kipiasak kei in.

Johan 16:20

A taktakin ka hong genin ah, note dahin na kap ding uh a, ahi zongin leitung mite lungdam ding uh hi. Note na dah ding uh a, ahi zongin na dahna uh lungdamna hong suak ding hi.

Malakhi 4:2

Ahi zongin ka thu a hong mang note tungah dikna ni hong taang ding a, tua in nizang bangin note tungah cidamna hong tun ding hi. Bawng khumna panin a kikhah bawngnote bangin suakta-in nuam na sa ding uh hi.

Micah 7:10

Tua hun ciangin ka galte in hih thu hong mu ding uh a, “Na Topa Pasian, koi ah om ahi hiam?” ci-in a hong tawng ka galte a maizum ding uh hi. Amaute guallel ding uh a, kongzing buannawng bangin a kisik gawp mu-in, kei ka nuam ding hi.

Ezekiel 25:6

“Bang hang hiam cih leh Topa Pasian ahi keimah in kong genin ah: Note lungdamin khut bengin, kipakin na diang uh a, Israel gam na simmawh bawl uh hi.

Sawltak 26:18

Pasianʼ teel miteʼ omna mun a amau om nading mun sanah hong om theih nadingun keimah hong upna uh tawh a mawhna uh a kimaisak theih nadingin Satanʼ khut sung panin Pasianʼ khut sungah a hei khia ding le khuamial panin khuavak lamah hei-in a mit uh khua a musak ding pa na hi hi,’ a hong ci hi.

Amos 9:11

Tua ciangin inn tawh kibangin a sia sa David ukna gam keimah in ka puahkik dinga, a vang teng hu-in, a sia teng ka puahkik dinga, a nidang a a ngeina lui mah uh ka bangsakkik ding hi.

Mattiu 4:16

Khuamial sunga a teeng mite in khuavak lianpi mu ding uh hi. Sihna gam khuamial sungah a teeng mite tungah khuavak hong taang ding hi,” ci hi.

Jeremiah 50:11

“Babylon mite aw, note in keima gamh Israel mite na luh gawp uh hi. Lungdamin kipakin, lopa kham bawng no bangin omin sakol bangin na ham uh hangin,

Isaiah 49:9

Thong kia mite tungah, ‘Hong paikhia un,’ ci-in, khuamial sunga om mite tungah, ‘Hong pusuak un,’ ka ci ding hi. Amaute pen lam tawntung ah an a ne, mual pawn a sang munte khempeuh ah nuam takin a gamta tuute tawh kibang ding uh hi.

Isaiah 2:5

Jakobʼ suanlekhakte aw, hong pai un; Topa’ khuavak sungah gamta ni.

Late 37:24

Amah a puk hangin lutuk lo ding hi. Bang hang hiam cih leh Topa in ama khut len hi.

Late 37:21

Migilo in leitawi la a, lohkik zo nawn lo hi. Thuman mi ahihleh cingh-in mi a pia hi.

Mangmuhna 21:23

Pasianʼ minthanna vang pen khuavak hi a, Tuuno zong meivak hi khin ahih manin tua khuapi in nitaang le khataang cihte kisam lo hi.

Isaiah 50:10

Topa kihta a, a nasem paʼ thu a mangte khempeuh khuamial sungah na pai hangun Topa muang unla, Pasian suanin nei un.

2 KORIN NIHNA 4:9

gal tampi ka neih uh hangin pawl ka kitasam ngei kei uh a, liamna baina ka tuah uh hangin ka si kei uh hi.

Late 20:8

Amaute kinawmsawmin puk gawp ding uh a, ahih hangin eite tho-in i ding tang ding hi.

Jeremiah 8:4

“Jeremiah aw, Topa in hih bangin gen hi, ci-in amaute kiangah va gen in. Mi khat a puk ciangin thokik buang hi lo ahi hiam? Mi khat in lam a khialh ciangin hong kilehkik buang hi lo ahi hiam?

Jeremiah 48:27

Moab aw, nang zong Israel mite nuihsan hi lo na hi hiam? Ama thu na gen simin lungdamin na lu na sinsin, amah guta sa na hi hiam?

Ezekiel 36:5

“Topa Pasian ahi keimah in a kimkot ah a om minam dangte le a diakdiakin Edom mite tungah ka hehluatna tawh thu ka gen hi. Amaute in lungdamin nuihna le simmawhna tawh keima leitang la-in a tang uh hi.

Micah 4:10

Jerusalem khua mite aw, numei nausuak ding bangin na tha uh san un. Tu-in kumpi khuapi nusia-in, gam sung khua ah a teeng ding na hi ta uh a, Babylon khuapi a zuan ta ding na hi uh hi. Ahi zongin tua lai panin note hong kihon khia-in, na galte uh khut sung panin Topa in hong khah khia ding hi.

Zekhariah 12:8

Tua ni ciangin Topa in Jerusalem-a a teeng mite hu dinga, a gina lo pente nangawn David zahin thahat ding hi. Davidʼ suanlekhakte in Topaʼ vantungmi le Pasian mahmah bangin amaute a makai ding uh hi.

Late 143:3

Bang hang hiam cih leh gal in kei hong bawlsia-in hong zo gawp hi. Sau veipi lai-a a site bangin a mial sungah hong tusak hi.