Micah 7:6 - Tedim Bible Revision 2017

⁶ Tu hun ciangin tapate in a pate hai bawl a, tanute in a nute langpan uh a, mote in a teeknu uh langneih uh hi. Mi khat adingin ama innkuanpihte mah a gal a suak mawk hi.

Tedim Bible

⁶ Tu hunin tapate in pate hai bawlin, tanute in nute langpan’ uh a, mote in a teeknu uh lang neih uh hi. Mi khat adingin ama innkuanpihte mah a gal suak mawk hi.

Micah 7:6 Referans Kwoze

Luka 12:53

A pa in a tapa do-in, a tapa in a pa do dinga, a nu in a tanu do-in, a tanu in a nu do dinga, a teeknu in a monu do-in, a monu in a teeknu do ding hi,” a ci hi.

Mattiu 10:21

Unau le unau, pa in a ta, tate in a nu a pate langpangin sihna a thuak dingin khatlekhat kiheek ding uh hi.

Late 41:9

Ka muan, ka lawm it pa, keima an a ne pa nangawn in a khetul tawh kei hong peek vial hi.

Ezekiel 22:7

A nu a pa a zahtak bawl kuamah om lo hi. Peemtate kikhem gawp a, meigong le tagahte zong kihih thopthop hi.

Johan 13:18

“Hih bangin ka hong genna in note khempeuh hong huam kim lo hi. Ka teel sa mite ka thei hi. Lai Siangtho in, ‘Ka an a ne pa in kei hong langpang hi,’ a cihna thu a tun ding kisam hi.

Paunak 30:11

A pate samsia-in a min a daisak, a nute a phat lo mi pawl khat om hi.

Luka 21:16

Na nu na pate, na sanggamte, na behte le na lawmte mahmah un note hong khia dinga, note pawl khat in thahna na thuak ding uh hi.

Mattiu 26:23

Jesu in, “Ankuang ka sawk khawm pih pa in kei hong lehhek ding hi.

Obadiah 1:7

Na pawl teng in nang hong khem zo uh a, gamgi ciang dong hong hawl khia zo uh a, na pawl teng in a hong zo khinta uh hi. Na ankuang um pihte in na nuai ah thang hong siah khin uh a, “A pilna koi ah om ahi hiam?” a hong ci uh hi.

Jeremiah 20:10

Miteʼ kihuau simna thu tampi ka za a, mun khempeuh lauhuai hi. Ka lawm itte khempeuh in ka cihmawh ding hong ngak gige uh a, “A mawhna pulak ni! A mawhna pulak ni! Amah i khem zo kha ding hi. Tua hileh i zo kha dinga, tua ciangin i thukkik ding hi,” hong ci uh hi.

Jeremiah 12:6

Bang hang hiam cih leh na sanggamte le na innkuanpihte nangawn in nang hong zuak uh a, nang a hong do ding mihonpi a kaikhawm uh hi. Kam khum tawh nang a hong zol uh hangin um kei in,” ci-in hong dawngkik hi.

Paunak 30:17

A pa a simmawh mipa, a nuʼ thu a mang nuam lo mipa, va-ak in a mittang khelkhiat sakin musanete in a sa ne ding uh hi.

2 SAMUEL NIHNA 16:11

Tua ciangin David in Abishai le a nasemte khempeuh kiangah, “En un, keima tapa mahmah in kei thah dingin hong zong hi; hih Benjamin mi in bangzahin tu-in hong zong zaw kan ding ahi hiam! Ama thu-in omsak un, amah hong samsiasak un; bang hang hiam cih leh Topa in amah a sawl hi kha ding hi.

Piancilna 49:4

Tuihual bangin na kip kei dinga, na tung tuang kei ding hi. Bang hang hiam cih leh ka zi na luppih a, ka lupna na mindaisak hi.

Isaiah 9:19

Vanglian Topa’ hehna hangin meikuang bangin gam sung kaang a, mite pen mei a kicih sing tawh kibang uh hi. Kuamah in a sanggampa nangawn zah tuan lo hi.

Jeremiah 9:4

Mi khempeuh a inn veengte uh kidawm uh henla, a sanggamte uh muang kei uh hen. Bang hang hiam cih leh sanggamte khem hat ciat uh a, inn veengte khempeuh zong gensiat hat ciat uh hi.

Isaiah 3:5

Mite khatlekhat, mi khempeuh in a lawmte ciat, mi khempeuh in a veengte ciat, hih gawp ding uh hi. Khangnote pen uhamte tungah, migina lote pen mi liante tungah kiphasak ding uh hi.