Micah 7:4 - Tedim Bible Revision 2017

⁴ Amaute lakah a hoih penin a kineite, lingkung bang hi a, a thutang pen a kineite, ling hiam bang hi lel uh hi. Pasian in amaute a hilhkholh bangin, gim a piak ding hun hong tung ta a, a lungmanʼ hun ding uh hong hi ta hi.

Tedim Bible

⁴ Amaute lakah a hoih pen a, kineite lingkung bang hi a, a thutang pen a, kineite, linghiam bang hi lel uh hi. Pasian in amaute a hilhkholh bangin, a daan piak ding hun hong tung ta a, a lungman’ ding hun uh hi ta hi.

Micah 7:4 Referans Kwoze

Isaiah 22:5

Bang hang hiam cih leh Vanglian Topa Pasian in Maangmuhna Kuam sungah buaina le tuatcil gawpna, kitawhzauna, kulhte suksiat gawpna le mualte tungah kikona hong tungsak hi.

Ezekiel 2:6

“Ahi zongin mihing ahi Ezekiel aw, amaute ahi a, a thugente uh ahi zongin na kihta kei ding hi. Amaute in nang ling hong kaihnelh ding uh a, momai lak a om na bang ding hi. Tua bang hitaseleh, hih a lehdo thei miteʼ maipuak zia le amauteʼ kampaunate hangin lau tuan kei in.

Isaiah 10:3

Gimpiak ni hun, gamlapi panin huihpi hong nun ciangin note in bang cih ding na hi uh hiam? Huhna ngenin kua kiangah tai dinga, na neihsa uh koi lai ah koih ding na hi uh hiam?

Hebru 6:8

Ahi zongin tua leitang in lingkungte le sialtalling kungte hong posak leh Pasian in samsia-in, mei tawh kihal tum ding hi.

Luka 21:25

“Ni, kha le aksite tungah lim hong om ding hi. Tuipi ging le tuihual liante kihtakna hangin leitung mi khempeuh lau-in lunggim ding uh hi.

Nahum 1:10

Amaute, ling lom bangin om uh a, zu le sa tawh kidiahin a om laitakun ham bangin kihal tum ding hi.

Amos 8:2

Topa in, “Amos aw, bang na mu hiam?” hong ci hi. “Seeng sunga kikoih singgah min ka mu hi,” ci-in kei zong ka dawng hi. Tua ciangin Topa in, “Ka mi Israel-te adingin a bei hun uh tung ta hi. Amaute gim ka piak ding ka khawl nawn kei ding hi.

Jeremiah 10:15

Kimanna a nei lo, a haihuaipi hi a, gim a kipiak ni ciangin a kisia ding uh hi.

Jeremiah 8:12

Hih a kihhuai nate a sep uh ciangin a maizum beek uh hiam? Maizum beek lo uh a, kisuang thei beek lo uh hi. Tua ahih manin a site lak mahah amau zong si ding uh a, gim ka piak ni ciangin a kilawn khia ding uh hi, Topa in kong ci hi.

Isaiah 55:13

Ling tangin tak kung hong po dinga, lingkung tangin mui kung hong po ding hi. Tua pen Topa’ nasepna phawk tawntungna, a kila khia ngei lo ding, a tawntungin a om lim khat hi ding hi, a ci hi.

Jeremiah 11:23

Anathoth khua mite tungah siatna tungsakin gim ka piak hun ciangin a suakta kuamah a om nawn kei ding uh hi,” a ci hi.

Jeremiah 46:21

A galkap cialte nangawn amauteʼ lakah bawng no hat lote a bang lel uh hi. Pang loin, do tentan lo uh a, nungkikin a taikeek uh hi. Bang hang hiam cih leh amauʼ kisiat ding ni, amauʼ gimthuak ding ni, hong tung zo hi.

Ezekiel 28:24

Tua ciangin Topa in kei kiangah, “A kimkot a om Israel mi a simmawh minam dangte in tu-in simmawh nawn lo ding uh a, Israel mite sunin a nasak thei ding ling le lingkung tawh kibang nawn lo ding uh hi. Tua ciangin Topa ka hihna hong thei ding uh hi,” a hong ci hi.