Micah 7:19 - Tedim Bible Revision 2017

¹⁹ Kote nong khasiatkik dinga, ka mawhnate uh hong sawp khiatsakin, tuipi taw ah nong paihsak ding hi.

Tedim Bible

¹⁹ Kote nong khasiat kik ding a, ka mawhnate uh hong sawpkhiatsakin, tuipi taw-ah nong paihsak ding hi.

Micah 7:19 Referans Kwoze

Isaiah 38:17

Gimna lianpi ka thuakna pen keima lungnopna hong suak ding hi. Lauhuaina khempeuh panin kei nong hon khia a, ka mawhna khempeuh na hong maisak hi.

Jeremiah 50:20

Tua ni hun ciangin, Topa in kong cih in ah, Israel gamah khialhna kizong dinga, a kimu kei ding hi. Judah gamah mawhna kizong dinga, a kimu tuan kei ding hi. Bang hang hiam cih leh ka nuntaksak, ka nusiat lai mite a mawhna uh ka maisak ding hi.

ROM (Romans) 6:14

Note pen thukhamʼ sawlna hangin nasem hi loin Pasianʼ hong lah thuhoihteʼ hangin nasem na hih uh manin mawhnaʼ sawlna mangin na gamta nawn kei un.

Jeremiah 31:34

Kuamah in midangte le a sanggamte uh kiangah, ‘Topa thei in,’ ci-in a kihilh nawn kei ding uh hi; bang hang hiam cih leh Topa in kong cih in ah, amaute in a neu pen panin a lian pen dongin, a vekpi-un kei a hong thei ding uh hi. Bang hang hiam cih leh amauʼ khialhnate ka maisak dinga, amauteʼ mawhnate zong phawkin ka nei nawn kei ding hi,” a ci hi.

Isaiah 43:25

Na thupalsatnate hong paih khiatsak pa pen keimah ka hi a, kei ka hih manin na khialhnate ka ciamteh kei ding hi.

Titu 2:14

I mawhna khempeuh panin hong hon khia ding le ama neihtuam i suah theih nadingin Jesu a mahmah hong kipumpiak a, eite pen gamtat hoih gamtat ding a lawp mahmah ihi hi.

Late 103:12

Nisuahna pen nitumna panin a gamlat mah bangin i mawhna hangin gimnate eiteʼ kiang panin gamlapi ah a nil khia hi.

1 JOHAN MASA 3:8

A kipat cil a kipanin Dawimangpa in mawhna bawl tawntung ahih manin mawhna a bawl mi khempeuhte zong Dawimangpaʼ mi ahi hi. Hih Dawimangpaʼ nasepna a beisak dingin Pasianʼ Tapa a hong pai hi.

ROM (Romans) 8:13

Na pumpi uh deihna zui-in na gamtat uh leh na si ding uh a, ahi zongin Kha Siangtho huhna tawh na mawh gamtatnate uh na sihsak uh leh na nungta ding uh hi.

Hosea 14:4

Tua ciangin Topa in, “Ka mite tungah heh nawn lo ka hih manin ka kiangah ka mite ka samkik dinga, lungsim takpi tawh amaute ka it ding hi.

Late 130:8

Mawhna a om khempeuh panin amah in Israel-te a hon khia ding hi.

Daniel 9:24

“Na mite le khuapi siangtho, a mawhna le a gamtat khialhnate a beina ding hun kum sawm sagih mun sagih sung a kiseh zo hi. Tua ciangin mawhna kimaisak dinga, a tawntung thutang thu a hong tung ding hi. Gen kholhna le maangmuhna thu a mantakin hong tangtung dinga, a Siangtho Pen Mun biakinnpi kisiansuah ding hi.

Kah la 3:32

Dahna hong thuaksak thei dinga, ahih hangin eite a hong itna muanhuai-in kip tawntung hi.

Jeremiah 31:20

“Efraim, ka it ka tapa hi lo ahi hiam? Amah keima ngaihno hi lo ahi hiam? Bang hang hiam cih leh ama thu ka gen simin amah ka phawk lailai hi. Tua ahih manin amah ka ngaihsun tawntung a, ka hehpih taktak ding hi, Topa in ka ci hi.

Thu-hilhkikna 32:36

Bang hang hiam cih leh amauteʼ vang a beina le sila le sila ahi lote a beina a muh ciangin Topa in a miteʼ dikna kilangsak dinga, ama nasemte tungah hehpihna nei ding hi.

Thu-hilhkikna 30:6

Note in na lungsim khempeuh uh le na nuntakna khempeuh uh tawh Topa na Pasian uh itin na hin theih nadingun, Topa na Pasian un note le na suanlekhakte uh tungah thu man nopna lungsim hong guan ding hi.

Thu-hilhkikna 30:3

Topa na Pasian un note na ngei uh hong bangsakkikin, note tungah hehpihna hong nei dinga, Topa na Pasian un note hong thehthangna mi khempeuhte lak panin note hong kaikhawmkik ding hi.

Hebru 8:12

A mawhna a khialhna uh ah amaute ka hehpih dinga, tua bangte phawkin ka nei nawn kei ding hi,” na ci hi.

Isaiah 33:24

I gamah a teeng mite kuamah in, “Ka ci na hi,” ci nawn lo ding uh a, mawhna khempeuh kimaisak ding hi.

Jeremiah 33:8

Kei tungah hong bawl uh mawhna khempeuh panin amaute ka siangsak dinga, kei tungah a hong mawhnate uh le a hong langpanna khempeuhte uh ka maisak ding hi.

Ezekiel 18:22

Ama mawhna sa khempeuh kimaisak dinga, amah a manin a gamtat manin nungta ding hi.

Hosea 14:2

Topaʼ lamah kihei unla, “Ka mawhna khempeuh uh hong maisak inla, kong thumna uh hong ngai in. Ka kampauna bangun kong gamta ding uh hi.

Zekhariah 3:4

Vantungmi in ama sawltak van midangte kiangah, “Hih mipaʼ silh a puan ninte suahkhiatsak un,” ci-in thu a pia hi. Tua ciangin vantungmi in Joshua kiangah, “Na mawhna teng kong paih khiatsak khin a, tu-in na silh dingin puan thak kong pia ding hi,” a ci hi.

2 SAMUEL NIHNA 24:14

Tua ciangin David in Gad kiangah, “Nakpi takin ka lung a kham hi. Ama hehpihna lian ahih manin Topaʼ khut sungah tung ni; bangbang ahi zongin mihing khut sungah hong tungsak kei hen,” a ci hi.

Late 85:3

Na hehna khempeuh na damsak a, na sinsona na daisak hi.

Kah la 3:22

A bei thei lo Topaʼ hong itna le a hehpihna a kizom paisuak hi a,

Ezekiel 39:29

Israel mite tungah ka kha ka sung dinga, amaute ka nungngat nawn kei ding hi. Topa Pasian in hih thu ka gen khin hi,” hong ci hi.